مساعدة ضروري بخصوص الداتشيا نوفا

[m_h2006555]

ياريت ياجماعة خبراء الداتشيا نوفا يبعتولي رقمهم عالخاص

[bnoqo]

ممكن توضح فيه

اخى الكريم
مفيش مشكلة فى الرقم وهوة على العام وعلى الخاص
بس ياريت تقولنا ايه المشكلة واحنا نتابع معاك لان الاهم اننا نرد على المشكلة لو فيه يعنى على العام علشان الناس كلها تستفيد وربنا ييسر الامور

[m_h2006555]

اخى الكريم
مفيش مشكلة فى الرقم وهوة على العام وعلى الخاص
بس ياريت تقولنا ايه المشكلة واحنا نتابع معاك لان الاهم اننا نرد على المشكلة لو فيه يعنى على العام علشان الناس كلها تستفيد وربنا ييسر الامور

شكرا على اهتمامك بس انا كنت عايز اشتري عربية داتشيا نوفا لاني بصراحة متابع المنتدى بقالي فترة وسألت عليها كتير وعجبتني بس للاسف على النت الاعلانات كلها قديمة ومش لاقي عربية ونزلت السوق اكتر من 5 مرات ومش لاقيها
عايز اعرف حد متخصص يقدر يشوفلي واحدة كويسة زي تجار قطع غيارها مثلا او اي حد شغال فيها

[bnoqo]

الكريم اخى

بص يافندم انا كنت حاطط اعلان لواحد مش اعرفه معدى جنب سمكرى ولاقيتها العربية نضيفة بجد وأول مالك وفيها غاز هيا سعرها غالى شوية بس العربية تستاهل بجد على العموم تابع الموضوع وكلمه ولوكده كلمني وتعالى نروح سوا ونشوف نعمل ايه فيها هيا عربية فيها غاز بتزيد فى السعر شوية على تابع الموضوع وخير إن شاء الله

[m_h2006555]

بص يافندم انا كنت حاطط اعلان لواحد مش اعرفه معدى جنب سمكرى ولاقيتها العربية نضيفة بجد وأول مالك وفيها غاز هيا سعرها غالى شوية بس العربية تستاهل بجد على العموم تابع الموضوع وكلمه ولوكده كلمني وتعالى نروح سوا ونشوف نعمل ايه فيها هيا عربية فيها غاز بتزيد فى السعر شوية على تابع الموضوع وخير إن شاء الله

اخي bnoqo انا شوفت الموضوع بتاعك من فترة بس مشكلته ان السعر اللي مطلوب مش سايب مساحة كافية للكلام فيه لانه مبالغ فيه جدا وانا سألت كتير وقالولي ان العربية ديه ماتزيدش عن 14 او 15 الف مينفعش هو يقول 22 وانا ابدا اتكلم من 12 او 13 مثلا

[shkwa]

ياجماعه الرجاء الافاده عوز اسقط موتور وفتيس عربيتى داتشا نوفا 1997 ايه افضل موتور لها وافضل سعر برجاء الاهتمام لان انا من دمياط شارى العربيه دى من القاهره وملهاش قطع غيار هنا يعتبر انا الوحيد الى معيا العربيه دى فى دمياط
عوز انزل بورسعيد اجيب من هناك بين دمياط وبورسعيد نصف ساعه بس عوز اعرف اجيب ايه وبكام عشان ميضحكش عليا لو حد عنده علم او تجربه ضرورى يفدنى وله جزيل الشكر

[hazemawad]

ياجماعه الرجاء الافاده عوز اسقط موتور وفتيس عربيتى داتشا نوفا 1997 ايه افضل موتور لها وافضل سعر برجاء الاهتمام لان انا من دمياط شارى العربيه دى من القاهره وملهاش قطع غيار هنا يعتبر انا الوحيد الى معيا العربيه دى فى دمياط
عوز انزل بورسعيد اجيب من هناك بين دمياط وبورسعيد نصف ساعه بس عوز اعرف اجيب ايه وبكام عشان ميضحكش عليا لو حد عنده علم او تجربه ضرورى يفدنى وله جزيل الشكر

كل سنه وانت طيب يا عم محمد يا دمياطى....
وانا بلف على حاجات عمرة الماتور بتاعى سألت على ماتور ال رينو ال9 لاقيته ب 3000 بالفتيس بتاعه وهايحتاج يتعدل له كبالن ب 400 جنيه و صرتين بالمقصات ب 400 كمان يعنى 3800 غير المصنعيه ولو حبيت فتيس ال9 الاتوماتيك يزيد 1000 وده من الوكاله بالقاهره .
اكيدهاتلاقى الكلام ده ارخص قى بورسعيد ويقل كتير ....

[anas&emam]

موتور فيات لانشا

انا جيبت عربية متركبلها موتور فيات اونو (مكتوب على البلوك بتاع الموتور ) فيات لانشيا 1300 بالفتيس