Tweet
تم بحمد الله عمل عمرة ماتور عربيتى النوفا 98 بنفسى ولنفسى ومن نفسى كده متعرفش اهو اللى حصل!!!!
المهم انى فى يوم من الايام لقيت الشارع ورايا لونه ابيض والناس بتوسع لى وبتسد مناخيرها فبصيت وريا بدور على عربية الناموس عشان اوسع ليها واقفل زجاجى ملاقيتش غيرى انا اللى عامل الدخنه دى فقلت لعزيزه انتى اللى طلبتى!
فربنا قدرنى على فعل الخير وبدأت فى حل المانيفولد بالفرن بالوش وركنتهم على جنب وحليت الاسبيراتير مع الدينامو مع الريدياتيرمع ال 5 مسامير ال 19 بتوع الفتيس مع البلوكه ودخلت جوا الحوض ويا قوى ونتعت ام البلوكه من الحوض بفضل من الله وفتح قريب وحطيتها على السدر الامامى وعينى عليها لاتتنيل تقع وخرجت برا الحوض ونزلته على الارض ونزلت عليه وبقت كل حته مستقله بذاتها .....المهم انى خلعت الكارتير بتاع الزيت وحليت كراسى الكرنك و ركب البيلات وطلعت الشمايز بالبساتم وبصيت لاقيت كده خير اللهم اجعله خير ان الباشا الميكانيكى اللى كان معمر العربيه للى اشتريتها منه الله يكرمه وحسبى الله ونعم الوكيل فيه مركب طقم شنبر معفن اضيق من مقاس البستم وسايب خلوص بين طرفى الشنبر ما يزيد عن ال 6 ملم !!! الله يخرب عقلك يابعيد روح ...
وفيه حتت مكسره من فرش الشنبر واقعه من البستم دا غير اللى عامله فى الكرنك الباشا العفيجى مركب سبيكه زيرو اعلى على الكرنك من غير ما يخرط فمخللى الشق اللى موجود فى سبيكه الكرنك واكل فى ركب الكرنك و عامل جزء عالى عن باقى الركبه.
ودخلت على وش السيلندر لاقيت ان الصبابات كويسه بس المشكله ان الوش شارخ ( كنت معالجه ب علبة لحام الوش ب 30 جنيه ) وقيه قاعده مكانتش بتحكم و عليها حرق كتير .
فاصبح امامى حل واحد الا وهو عمرة محرك كامله المهم سألت على خراط ابن حلال لاقيت فيه ورشه اسمها السعد جنب القناطر على طريق قليوب وصاحبها كان من صبيان ورشة الجندى المشهوره فى شارع الترعه... فمكدبتش خبر وهيلابيلا على الورشه فكان تعليقه ان الركنك هايتخرط زيرو 40 والبساتم تشتغل والوش بتاع السيلندر مش هاقدر هامل فيه حاجه ولو عايز تلحمه وديه لورشة خراطه تانيه لانى مش هاتحمل مسؤليه نتيجته لانه هايقفع . فمعناها انى اجيب وش سليندر تانى لا محاله المهم سألت عند البساطى فقالى ان الوش الاستيراد بتكيهاته بصباباته وسوسته بطرمبة ميته ب 425 فقلبت فيه لاقيته كويس وابن حلال .
وجبت من عنده طقم سبيكه ب 145
وطقم هلاله ب 35
و طقم جوان ب 90 وجوان وش اضافى ب 25
وفلتر زيت ب 15
و سليكون ب
10 وجملاكه ب
10 و اويل سيل صباب ب 20
وطقم بستم استيراد ب 160
و قرش شنبر ب 10
و طقم شنبر ب 140
وغطاء الزيت ب 15
( الحاجات دى كلها تركى ماعدا طقم الشنبر )
بلية دبرياج ايطالى ب 100 ( بالمناسبه شالها من العلبه بتاعتها عشان معرفش بتاعة انهى موديل فى الفيات)
ومارش بتاع الرينو ال9 ب 150 و مركبش ومش هارجعه.
فوديت السبايك وطقم البساتم اللى جبتها للخراط قجلخ على الكرنك و غير البساتم وظبط الدنيا فى البلوكه وركبلى جويط بسن جديد بدل مسمار مفوت قدفعت على ده كله 180 جنيه .
ولميت الدنيا كلها فى سهرة انا و اخى الصغير وسقطنا المتور فى الحوض وبعد محاولات مضنيه فى ادارة المحرك وجدت ان طرمبة البنزين بايظه فرجت للبساطى وجبت واحده( تركى ) ب 85 جديده ويا رتنى ما جبتها من عنده !!!! لانى بعد ماركبت ودورت وبعد ليله واحده لاقيتها بطلت والبنزين قطع فحليتها لاقيت الدراع اللى بياخد الحركه من الكامه انكسر واحنالسه بنقول يا هادى .... بصراحه مرجعتش ومش راجع تانى له فخدت الرداخ بالوش من الطرمبه وركبتهم على القديمه ودورت الماتور فدار والحمد لله .
الملاحظ بقى على العمره دى و بعد ما غيرت وش السليندر ( بتاع رينو 9 بالمناسبه) ان غرفة الحريق اقل فى عمقاً من بتاع الداتشا بما يوفر نسبة انضغاط اعلى على وش البستم وبيدى عزم اعلى فى الدوران.
المهم ربنا تم على من فضله والماتور ناعم وهادى بقدر ما استطعت انى اجيب فى ظبطه فى السلانسيه والتاكيهات .
المهم ان التكلفة بدون اى مصنعيه لميكانيكى وقفت عليه ب 1350 جنيه بدون انتقالات او اكراميه الخراط .
وتحت امركم فى اى استفسار حول العمرة
المهم انى فى يوم من الايام لقيت الشارع ورايا لونه ابيض والناس بتوسع لى وبتسد مناخيرها فبصيت وريا بدور على عربية الناموس عشان اوسع ليها واقفل زجاجى ملاقيتش غيرى انا اللى عامل الدخنه دى فقلت لعزيزه انتى اللى طلبتى!
فربنا قدرنى على فعل الخير وبدأت فى حل المانيفولد بالفرن بالوش وركنتهم على جنب وحليت الاسبيراتير مع الدينامو مع الريدياتيرمع ال 5 مسامير ال 19 بتوع الفتيس مع البلوكه ودخلت جوا الحوض ويا قوى ونتعت ام البلوكه من الحوض بفضل من الله وفتح قريب وحطيتها على السدر الامامى وعينى عليها لاتتنيل تقع وخرجت برا الحوض ونزلته على الارض ونزلت عليه وبقت كل حته مستقله بذاتها .....المهم انى خلعت الكارتير بتاع الزيت وحليت كراسى الكرنك و ركب البيلات وطلعت الشمايز بالبساتم وبصيت لاقيت كده خير اللهم اجعله خير ان الباشا الميكانيكى اللى كان معمر العربيه للى اشتريتها منه الله يكرمه وحسبى الله ونعم الوكيل فيه مركب طقم شنبر معفن اضيق من مقاس البستم وسايب خلوص بين طرفى الشنبر ما يزيد عن ال 6 ملم !!! الله يخرب عقلك يابعيد روح ...
وفيه حتت مكسره من فرش الشنبر واقعه من البستم دا غير اللى عامله فى الكرنك الباشا العفيجى مركب سبيكه زيرو اعلى على الكرنك من غير ما يخرط فمخللى الشق اللى موجود فى سبيكه الكرنك واكل فى ركب الكرنك و عامل جزء عالى عن باقى الركبه.
ودخلت على وش السيلندر لاقيت ان الصبابات كويسه بس المشكله ان الوش شارخ ( كنت معالجه ب علبة لحام الوش ب 30 جنيه ) وقيه قاعده مكانتش بتحكم و عليها حرق كتير .
فاصبح امامى حل واحد الا وهو عمرة محرك كامله المهم سألت على خراط ابن حلال لاقيت فيه ورشه اسمها السعد جنب القناطر على طريق قليوب وصاحبها كان من صبيان ورشة الجندى المشهوره فى شارع الترعه... فمكدبتش خبر وهيلابيلا على الورشه فكان تعليقه ان الركنك هايتخرط زيرو 40 والبساتم تشتغل والوش بتاع السيلندر مش هاقدر هامل فيه حاجه ولو عايز تلحمه وديه لورشة خراطه تانيه لانى مش هاتحمل مسؤليه نتيجته لانه هايقفع . فمعناها انى اجيب وش سليندر تانى لا محاله المهم سألت عند البساطى فقالى ان الوش الاستيراد بتكيهاته بصباباته وسوسته بطرمبة ميته ب 425 فقلبت فيه لاقيته كويس وابن حلال .
وجبت من عنده طقم سبيكه ب 145
وطقم هلاله ب 35
و طقم جوان ب 90 وجوان وش اضافى ب 25
وفلتر زيت ب 15
و سليكون ب
10 وجملاكه ب
10 و اويل سيل صباب ب 20
وطقم بستم استيراد ب 160
و قرش شنبر ب 10
و طقم شنبر ب 140
وغطاء الزيت ب 15
( الحاجات دى كلها تركى ماعدا طقم الشنبر )
بلية دبرياج ايطالى ب 100 ( بالمناسبه شالها من العلبه بتاعتها عشان معرفش بتاعة انهى موديل فى الفيات)
ومارش بتاع الرينو ال9 ب 150 و مركبش ومش هارجعه.
فوديت السبايك وطقم البساتم اللى جبتها للخراط قجلخ على الكرنك و غير البساتم وظبط الدنيا فى البلوكه وركبلى جويط بسن جديد بدل مسمار مفوت قدفعت على ده كله 180 جنيه .
ولميت الدنيا كلها فى سهرة انا و اخى الصغير وسقطنا المتور فى الحوض وبعد محاولات مضنيه فى ادارة المحرك وجدت ان طرمبة البنزين بايظه فرجت للبساطى وجبت واحده( تركى ) ب 85 جديده ويا رتنى ما جبتها من عنده !!!! لانى بعد ماركبت ودورت وبعد ليله واحده لاقيتها بطلت والبنزين قطع فحليتها لاقيت الدراع اللى بياخد الحركه من الكامه انكسر واحنالسه بنقول يا هادى .... بصراحه مرجعتش ومش راجع تانى له فخدت الرداخ بالوش من الطرمبه وركبتهم على القديمه ودورت الماتور فدار والحمد لله .
الملاحظ بقى على العمره دى و بعد ما غيرت وش السليندر ( بتاع رينو 9 بالمناسبه) ان غرفة الحريق اقل فى عمقاً من بتاع الداتشا بما يوفر نسبة انضغاط اعلى على وش البستم وبيدى عزم اعلى فى الدوران.
المهم ربنا تم على من فضله والماتور ناعم وهادى بقدر ما استطعت انى اجيب فى ظبطه فى السلانسيه والتاكيهات .
المهم ان التكلفة بدون اى مصنعيه لميكانيكى وقفت عليه ب 1350 جنيه بدون انتقالات او اكراميه الخراط .
وتحت امركم فى اى استفسار حول العمرة
Comment