عايز ميكانيكي كويس في حلوان او القاهره

[XOP]

السلام عليكم ورحمه الله وبركاته

ازيكم يا اهل الداشيه
شكرا علي المعلومات القيمه اللي مشاركينها مع الجميع جزاكم الله خيرا

قدامي داشيا نوفا 98 للبيع وعايز اقيم حالتها كويس هتصرف اد ايه عليا
صاحبها طالب 15 ممكن يوافق 14 بس حاسس انها كتيره عليها فعايز ميكانيكي يكون ابن حلال بيفهم فيها يقولي هيه تسوي كام وهتصرف اد ايه لحد ما تتظبط
---------------------------------------------------------
1- حالتها الخارجيه محتاجه سمكره ودهان
2- سليمه شنطه وحوض وقوايم وسقف مرشتش
3- متسقطلها موتور رينو 9
4- مغيرلها طنابير وتيل فرامل
5- شغل الكهرباء عايز يتظبط
6- الموتور عالي علي السلانسيه محتاج تظبط ... مش بتدخن
7- حاله الصالون عايز تظبيط برده
8- العجله اليمين الخلفيه فيها صوت
9- غير كبالن وكان فيه كوبلن 128 راكب هل دا معناه ان مكان الكوبلن فيه تعديل بس هو كان لاحم كوبلن ال 128 في الكوبلن بتاعها علشان تعديل مكانه تقريبا
10- حاله الاكصدامات الامامي والخلفي فيه شروخ وتكسير يعني عايز يتصلح
11- مفيهاش مكان تكييف معرفش دا لان موتور ال رينو 9 مفهوش ولا الموتور دا هو كدا
12- عصايه الفتيس فيها بوش
----------------------------------------------------------------------------------
ايه رايكم يا اهل الداتشيا مبدايا كدا تسوي كام
واوديها فين علشان اقيمها بالظبط انا اقرب حاجه ليا حلوان والفيوم لو حد يعرف ميكانيكي شاطر فيها يعرفني عنوانه
واخيرا تنصحوني بايه

جزاكم الله خيرا

[eng.salama93]

موتور الرينو ال 9 بيبقي فيه تكييف عادي
اعتقد انك تقصد ان مفيش تجهيزات للتكييف ف الطابلوة و كدا صح ؟

[XOP]

موتور الرينو ال 9 بيبقي فيه تكييف عادي
اعتقد انك تقصد ان مفيش تجهيزات للتكييف ف الطابلوة و كدا صح ؟

اللي شفته في الموتور هو ان فيه اماكن خرج للتكيف زي مثلا طلمبه المياه فيها اماكن كانت المفروض رايحه للتكييف وتم غلقها بس الطابلوه مش فاكر فيه تجهيزات ولا لا