عايز اجيب عربية و عايز اعرف ايه عيوب الداتشيا نوفا؟

[Nebw]

انا لسه هاتعلم السواقة اول الشهر وكمان هاجيب عربية كمان شهرين تلاتة ان شاء الله

انا شاب لسه خريج جديد و بتاع والعربية تحويشتى فمش عايز ازعل عليها واخرى طبعا 20 الف بالمصاريف بعد الشرا

دورت على حاجات كتير ولما وقعت على النوفا استغربت سنة موديلها و شكلها المقبول و امكانيتها بالمقارنة بسعرها

فاكيد فى حاجة غلط انا عايز اعرف ايه عيوبها من الناس اللى ركبتها و اللى ليهم خبره فيها وبعد كده مميزتها بس العيوب الاول

انا قربت اتعقد لان بكتب مواضيع و اسئله ومحدش بيرد عليا ارجوكوا سعدونى

[shiko85]

انا قربت اتعقد لان بكتب مواضيع و اسئله ومحدش بيرد عليا ارجوكوا سعدونى

الأعضاء فالمنتدى محترمين جدا و اللى يعرف معلومه اكيده بيقولها و اللى مش عارف خلاص بيلتزم الصمت
ايه احسن, مفيش رد خالص ولا معلومه مغلوطه ممكن تسبب مشاكل كتير ؟؟؟

[bnoqo]

استاذى الفاضل

بالنسبة لسؤال حضرتك عن الداتشيا نوفا
السيارة محترمة جدا من ناحية الاعتماديه
تانى حاجة العربية ثابتها محترم جدا الحاجة الى بتخلى سعر اعادة البيع واقع ان فيه قطع غيار العربية مش موجودة اصلا زى الرفارف الامامية
زى التابلوة لا يوجد جديد ولا استيراد وبرضة نفس الموضوع للماتور مش موجود
بالنسبة للماتور يتم التعويض عنه بماتور رينو 9 بالفتيس والكبالن والجانبين
العفشة هيا نفس عفشة الرينو 9 كل حاجة فيها تيل الفرامل نفس الموضوع ده حتى قطع الغيار المستهلكة زى الفرامل او التيل او حتى المساتر الخلفية يتم التعويض عنه بفيات ويوجد مواضيع فى القسم عن التغيير والانواع
الاكسسوارت الخاصة بالعربية موجودة زى الفوانيس والاشارة والفوانيس الخلفية وقطع الغيار الداخلية كلها
كتالوج الصيانة بتاع العربية كامل موجود على المنتدى بس رومانى ترجم وهاتعرف كل حاجة

العربية كانت معايا 3 سنوات لحد مابعتها من حوالي شهر ربنا بيارك للى اخدتها وكنت عامل فيها كل ما تتخيلة

ياريت لو هاتشترى هات عربية تكون نضيفة وتكون مظبوطة علشان مش تتعبك وتعمل حسابك فى حالة البيع هاتخسر لان سعر اعادة البيع بتاع العربية قليل فحاول تنزل فى السعر على قد ما تقدر على علشان البيع

وانا تحت امرك فى اى حاجة

[mohsen128]

مش هقول حاجه اكتر من الي اتقالت من احمد العربية محترمه وبخصوص المشاكل ان مش اي صنيعي يشتغل فيها وقطع الغيار موجوده عند ناس معينه وهتلف عليها شويه بالتوفيق في الشراء (( احمد خساره كبيرة لينا انك بعت عربيتك الداتشا كنت بتفدنا في حاجات كتير ))