إعـــــــلان

Collapse

.

,
See more
See less

تسقيط موتور اوتوماتيك

Collapse
X
 
  • Filter
  • الوقت
  • Show
Clear All
new posts

  • تسقيط موتور اوتوماتيك

    اسعد الله مساءكم ياشباب
    حد عنده خلفية عن تسقيط مكنة اوتوماتيك على عربية داتشيا نوفا مانيوال وتابلوه يكون كويس يروش العربية
    كنت ماشى فى شارع العشرين بعين شمس ولقيت مستورد حاطط ماشاء الله مواتير فرنساوى كتير وسالت عن الداتشيا نوفا قالى موجود وممكن تسقط اوتو ماتيك كمان وطبعا مع تغير وتعديل بس فى ايه بقى مش عارف
    ياريت لو حد يعرف حاجة عن الموضوع ده يقولى عشان العربية قرفتنى جدا جدا بقالها سنة مركونة وصعبان عليا نفسى من الركنة دى .واتنصب عليا فى موتور من غير ورق من اسلام بتاع ابو العلا الله يكحمه ماطرح ماهو رايح

  • #2
    ياريت تتابع الوضوع ده

    مع ملحوظه بان اللى هايتغير عندك فى الغالب جوز الصرر بالطنابير و الكبالن مع تعديل فى العصايه بتاعة الفتيس و تركيب الكنترولر بتاع الفتيس الاتوماتيك تحت الكرسى بتاع السائق
    اما بالنسبه للماتور اللى من غير ورق اللى الافندى اشتغلك فيه فا ممكن تحل مكونات الماتور الجديد بالماتور اللى مثبوت على الرخصه و كفى الله المؤمنين شر القتال وتبيع البلوكه بالكيلو وباقى الحاجات اللى فاضله اعرضها للبيع على المنتدى هنا اكيد هاتنفع الزملاء

    Comment


    • #3
      شكرا لردك استاذ حازم انا فعلا قريت الموضوع من لحظة ما اتكتب بس هو لم يكتمل حتى الان كان المفروض يقولنا عمل ايه مع تسقيط الموتور الجديد .

      لكن صراحة انا كنت شوفت صورة عربية داتشيا نوفا صاحبها بيقول انه اشتراها من واحد مسقط فيها موتور لانشيا 1300 سى سى مع تعديل فى الكبالن
      وكان حاطط فيها تابلوه فيرنا تحفة بصراحة انا شوفت الصور اتهبلت وحسيت ان السما اتفتحتلى من جديد


      بصراحة شديدة انا تعبت من العربيات الفرنساوى وما يتبعها داتشيا الرومانية .خصوصا مواتير العربيات بتسخن بصراحة والاعطال كتير ومش كل الميكانيكية بيعرفوا فيها او بيبحوا يشتغلوا فيها من الااساس مع انها عربية جراية ومفرة فى ابنزين
      لقيت ان الموتور لانشيا ايطالى 1300 سى سى معروف فى السوق المصرى وسهل تصليحة وبيستحمل السخنة دى الكبالن بتاعت الرينو مش حلوة .بجد محتاج اتكلم فى الموضوع ده مع حد يكون فاهم زى حضرتك وبمشاركة الاخوة الى معاهم داتشيا نوفا
      ياريت لو امكن اتواصل معاك بالتليفون انا ممكن اتصل بيك
      01211113314 يوسف

      Comment


      • #4
        استاذ يوسف من دواعى سرورى تداول الامر بين اصدقائنا وزملائنا واخذ رأى الكل فى كل المواضيع لذا افضل طرح ما لديك من تسؤلات على عموم المنتدى وليس على التليفون الخاص لكى تعم الفائده على الكل وأهو برضه يمكن ناخد بالنا من اللى مش وارد كحل لدينا من خلال المناقشة المفتوحه....

        Comment


        • #5
          المشاركة الأصلية كتبت بواسطة jotime مشاهدة المشاركة
          اسعد الله مساءكم ياشباب
          حد عنده خلفية عن تسقيط مكنة اوتوماتيك على عربية داتشيا نوفا مانيوال وتابلوه يكون كويس يروش العربية
          كنت ماشى فى شارع العشرين بعين شمس ولقيت مستورد حاطط ماشاء الله مواتير فرنساوى كتير وسالت عن الداتشيا نوفا قالى موجود وممكن تسقط اوتو ماتيك كمان وطبعا مع تغير وتعديل بس فى ايه بقى مش عارف
          ياريت لو حد يعرف حاجة عن الموضوع ده يقولى عشان العربية قرفتنى جدا جدا بقالها سنة مركونة وصعبان عليا نفسى من الركنة دى .واتنصب عليا فى موتور من غير ورق من اسلام بتاع ابو العلا الله يكحمه ماطرح ماهو رايح


          ممكن تقولنا على تجربتك مع إسلام بتاع أبو العلا ..عشان الناس تستفاد منها لما ييجو يشتروا مكن إستيراد وياخدوا بالهم من إيه في الشرا ..معلش هو موضوع خارج عن الموضوع بس أنا كمان عايز أستفاد عشان أعرف آخد بالي من إيه لما آجي أشتري مكنه
          [SIGPIC][/SIGPIC]--------

          m_m_sh_a سابقا

          Comment


          • #6
            شكرا لك استاذ حازم على ردك
            سؤالى انى عايز اغير الموتور بتاع الداتشيا واحط مكانه موتور تانى غير المواتير الفرنساوى زى ما ذكرت فى المشاركة ان الموتور يكون اوتوماتيك .اذا امكن
            يعنى عايز اسقط موتور ايطالى زى الاونو او لانشيا ويكون اوتوماتيك ؟ هل ينفع كده وايه المواتير الى ممكن تتسقط للداتشيا نوفا . وكمان تابلوه يركب على الداتشيا تحياتى

            Comment


            • #7
              شكرا لكلامك استاذ m_m_sh_a
              الموضوع ببساطة انى اشتريت موتور من اسلام فى ابو العلا بناء السمعة الحلوة المنتشرة فى المنتديات عموما

              طلبت موتور كليو اركبه على العربية قالى المكنة دى حلوة جدا ركبتها واول ما اشتغلت طلعت بايظة بتجيب مياه على زيت من جوه الموتور نفسه مش عارف ازاى
              رحت غيرتها جابلة موتور من عند واحد تانى نفس الكلام المكنة حلوة وشديدة والكلام الحلو ده
              ركبتها اشتغعلت تمام التمام اه تمام مشيت اقل من اسبوع العربية مش قادرة تمشى العزم ضعيف جدا .محطيتش فى دماغى قولت يمكن ديسك واسطوانة وما الى ذلك .الميكانيكى قالى مافيهمش حاجة .طيب ايه المشكلة مش عارف . قالى يومين تعالى خد ورق الموتور عدى اسبوع اثنين عشرة مش لاقيين ورق الماتور .
              رحت لميكانيكى تانى قالى يابيه الموتور ده 900 سى سى انا سمعت الكلمة من هنا شعر راسى وقف
              ازاى ياعم الحاج ؟ 900 سى سى ده انا كده موتور 127 .قولت لاسلام الكلام ده وانى عايز الورق قالى مش لاقيه
              دبينا خناقة محترمة والناس الى حواليه غلطوه وهو راكب دماغه وكان الموذوع متازم انا ساكن قريب جدا من المحل بتاعه
              ركنت العربية سنة تقريبا تحت المكتب بتاع شغلى قولت اغير الموتور واشترى دماغى
              اسلام انا عارفه من زمان وبتعامل معاه كتير مش عارف المرادى عمل الدنيئة معايا ليه ؟ عموما مش هاينفع اتعامل تانى معاه لان فى ثار بينا تحياتى

              Comment


              • #8
                اللى حصل حصل بس اظن ان المكنه الاولى كان ممكن يتخفض فى تمنها وتتحل وتتعاين المشكله اللى فيها وتتركب تانى فى الحوض ....
                وهى مش هاتخرج عن احتمالييه جوان وش او لاوينات شمايز او ( ودى القاتله البسيطه ) ان البلوكه تكون مشروخه من مكان الشمايز اللى ممكن تتلحم لحام اولومنيوم وتظبط على عند الخراط ( عشان كده بقولك تنزل فى تمنها وتمشى طالما ورقها مظبوط ) واضعف الايمان انك تجيب دواء لحام الوش ( ب 30 جنيه )وتمشى بيها وهاتسد معاك لحد ما تحل او تنظف البلوكه بمحلول الغسيل للماتور ...
                بس السؤال بقى : ايه هوه الماتور اللى فى الرينو اللى 900 سى سي انا عارف ان اقل حاجه 1200 سى سى

                Comment


                • #9
                  شكرا على ردك استاذ حازم
                  فكرة كويسة هعرضها على الميكانيكى
                  انا نفسى مش عارف ايه حكاية الموتور 900 سى سى الميكانيكى هو الى افتى بذلك وانا اخدت كلامه ثقة
                  انا بس مضغوط شوية فى شغلى ومش عارف اتكلم معاه كويس العربية مركونة سنة ومعرفش عنها حاجة اول ما اتكلم مع الميكانيكى هارد على حضرتك
                  انا ليا سؤال
                  شوفت واحد حاطط صورة لعربيته الداتشيا ومسقط لها موتور لانشيا 1300 سى سى مع تعديل الكبالن وما شابه وحاطط تابلوه فيرنا
                  السؤال هنا هو قانونا ينفع يثبت الماتور الايطالى ده على العربية الداتشيا ؟
                  هو كاتب اه ينفع وثبتها على الرخصة بصراحة شديدة انا تايه ومش عارف الم نفسى ياريت لو عندك فكرة عن الموضوع ده

                  Comment


                  • #10
                    والله يابن عمى انا اعرف حاجه ان لابد من وجود تصريح من الوكيل بتركيب ماتور غير نوع السياره ( طبقاً لقانون الحماية الفكريه لتصميم العربيه) بس اللى يفتى فى الموضوع ده واحد قام فعلياً بتغيير الماتور ودخل فحص فى المرور ومحدش اعترض عليه ...فمن قال لا ادرى وهو لا يدرى فقد افتى وانا افتيت بما اعلم ......
                    ... معلش على السؤال الثقيل:
                    ممكن صوره واضحه للماتور فى اضاءة واضحه؟؟؟!!!

                    Comment


                    • #11
                      jotime باشا انا رايح المرور وهبقي اسئلك على موضوع المواتير ده وهرد عليك باذن لله .

                      Comment


                      • #12
                        مساء الفل استاذ حازم شوف الموضوع ده لاحد الاعضاء بالمنتدى معدل موتور لانشيا 1300 CCوتابلوه وكبالن فيرنا


                        ان شاء الله فى اقرب وقت ممكن هاصورها وارفعها تشوفها

                        Comment


                        • #13
                          افتكرت الموضوع ده ..... وافتكر انى كان ليا تحفظات عاى اصالة العربيه!!! ( سامحونى..... بس دى فلسفتى الخاصه)

                          Comment


                          • #14
                            اكيد طبعا اصالة العربية مهمة وحاجة تتميز بيها العربية
                            بس للاسف زى ماحضرتك عارف ان السوق بتاعها قليل شوية ومش قوى فى مصر وانا بصراحة شديدة تعبت من صيانة وتصليح العربية بمواتير رومانى الداتشيا الاصلية او كليو الفرنسية
                            عشان كده اول ماشوفت المشاركة بتاعت العضو الى معدل على العربية ومسقط موتور ايطالى وكبالن فيرنا
                            حسيت ان الامور بدات تتحل شوية خصوصا ان المواتير الايطالى اى ميكانيكة بيصلحها وحاجتها رخيصة.
                            عشان كده بسال حضرتك على موضوع تسقيط الموتور الاونو او الانشيا ده اتعمل ازاى فى المرور واجراءت التثبيت وكده
                            ياريت لو حد يعرف يدلنا
                            وحبيت اعرف من حضرتك تحفظاتك على الموضوع ده

                            Comment


                            • #15
                              ينفع تسقيط اى موتور وانا مركب موتور اونو لانشيا 1300 س سى ومرخص عادى لحد 2018
                              سالت هناك قالى قال عادى اى موتور اهم حاجى التعديل يمشى معاها

                              Comment

                              Working...
                              X