العربية بتسقف في المطالع الطويلة (طريق اسكندرية الصحراوي)

[كرم الحمصي]

السلام عليكم
وكل عام وانتم بخير
رمضان كريم

بعد ما اتباعت العربية رجعت تاني عشان الشاري سمع كلام مش ولابد على نوع العربية قال سعادته (ما تخدهاش ولو ببلاش) بالمناسبة دا بالتليفون من غير ما يشوف العربية.

العربية داتشا نوفا97 وعليها مكنه رينو 9 كامله

الموضوع:
العربية بتسقف في المطالع الطويلة (طريق اسكندرية الصحراوي) وبتروح التسقيفة لو خفين رجليه عن البنزين بس السرعة بتنزل جامد . يعني كنت على 120 تقريبا نزلت لـ 70 او 80 .
ولو فضلت ضاغط على العربية تسخن جداً.

ارجو الافادة من الاعضاء وخاصة م/ حازم لأني عارف انه خبير في العربية دي.

[svneleven]

عامة الحركة ديه اي عربية بتعملها لو البنزين مش نضيف او مثلا بتحتاج 92 و حضرتك مفول 80 و العربيات ال كاربراتير كانت بتعمل كده لو مقدمة كهربا.

[tasaka]

الرينو 9 دى كانت عربيه حلوه فى زمانها

تلاقى الشارى حط بنزين 80 .. و لو هى بتستعمل 80 من قبل كده .. شوف التقديم و التأخير فى الكهربا

[Colin Chapman]

الرينو 9 دى كانت عربيه حلوه فى زمانها

تلاقى الشارى حط بنزين 80 .. و لو هى بتستعمل 80 من قبل كده .. شوف التقديم و التأخير فى الكهربا

[mohsen128]

وعليكم السلام ،، موضوع التسقيف ده ظبط كهرباء ذي ما الاخوه قالو بس موضوع السخونه مع القرص ده كان قديم ولا ظهر جديد بعد ما رجعت العربية ،، كان حصل قبل كده مع احد الاعضاء واتحل بتغيير الرداتير .

[كرم الحمصي]

طبعاً شكرا للدتشاوية الكرام على الردود

انا فعلا غيرت الريدياتير بردياتير جديد بتاع الاسكودا فيليشيا مع تعديل بسيط جداً في خرطوم الراجع للقربة (الكلام دا من ساعة ما العربية رجعت).
التسقيف بيحصل لما تكون في مطلع كوبري وانا على التالت او الرابع مثلا وسرعة العربية تقل واضطر اغير وانزل للغيار التاني لحد ناهية المطلع وإلا أمبير الحرارة يبرق بعينه ويروح للأحمر.
السؤال - هي لو المشكله ديسك واسطوانه يحصل تسقيف والا صوت العربية يزيد بس مفيش سحب.
- طيب موضوع الكهرباء لو في تقديم او تأخير . العربية تسقف في المطالع مع سخونه والا ملهاش دعوه بالسخونه.

انا احترت والله يا دتشاوية

[mohsen128]

اعتقد لو ديسك واسطوانه الصوت فعلا هيعلي ومش هيكون في سحب انما موضوع الكهرباء والتسقيف مع السخونه ده هسئلك الميكانيكي وارجعلك او لو استاذ حازم شاف الموضوع ممكن يفيدنا فيه .

[mohsen128]

كرم ،، عملت ايه في موضوع السخنيه مع السرعات العالية ... لو لسه موصلتش لحل ياريت تراجع الموضوع ده
http://www.nilemotors.net/Nile/472345-a-2.html ،، متابع معاك وعلى وعدي هكلم الميكانيكي بس يرجع من اجازة العيد .

[كرم الحمصي]

تسلم محسن
مشكلة التسقيف طلعت بنزين.
جربت العربية بعد العيد . كنت رايح اسكندرية وفكيت الكيس وفولت العربية بنزين ٩٢ وعينك متشوف الا النور راح التسئيف وراحت السخونية والدنيا بقت تمام.
بس انا عاوز اظبطها على ال ٨٠ .

[mohsen128]

طيب الحمد لله وحمد لله على سلامتك وان شاء الله تظبطها على 80 وتبقي تمام بس انت حسيت بفرق في السحب ونعومه العربية لما فولت 92 ، اصل انا عندي بيحصل كده بس الي هيجنيني ان حتي نقلات الفتيس بتكون خفيفه ميه معرفش ايه علاقه ده بالنزين بس بيحصل .

[كرم الحمصي]

بصراحة وانا مسافر كنت حاسس اني مش راكب عربيتي . السحب وصوت الموتور فرق كتير.
بس موضوع الغيارات معنديش تفسير

[كرم الحمصي]

أخيرا يا داتشاوية
المشكلة اتحلت ومع بنزين 80
محمد الأبيض الميكانيكي الجبار حل المشكله
باب الكاربراتير وضبط الكهربا
والدنيا أصبحت قشطة.

[mohsen128]

ممكن رقم تلفون محمد الابيض وعنوانه ،، ومبروك على حل المشكله

[كرم الحمصي]

استاذ محسن
اعتذر على التأخير والله لسه شايف الصفحة حالا
محمد الابيض في مدينة النور - عبود . لو انت عارف موقف عبود
ممكن لما توصل تتصل على تليفوني وانا اوصلك ليه
لأن رقمه مش معايا
انا رقمي 01223386089 - 01141110115
وبعتذر تانب على التأخير . ارجو قبول العذر