أشتريتها وفاضل الإجراءات داتشيا نوفا 97

[أشرف فارس]

بسم الله الرحمن الرحيم
الحمد لله الذي بفضلة تتم الصالحات
بعد ما قريت كتير عن الداتشا نوفا وعرفت أنها عربية كويسة من كلام ملاكها وأيضاً هنا في المنتدى نويت أشتريها

وإمبارح بتاريخ 29 مضيت عقد العربية وفاضل الأجراءات هنقل الملكية وأرخص

لونها أخضر زيتي ميتاليك موديل 97 .

مميزاتها
راكب فيها ماتور رينو9 لسه راكب وما مشيتش كتير بالفتيس بالكبالن وطقم الكهربا
لم ترش دواخل وحالة الدواخل معقولة
تابلوه أصلي والبطارية جديدة والفرش كويس
الأزاز الآمامي كهربا

عيوبها
مقابض الباب متغيرة بس مش متعدله
فيها شغل سمكرة كتير علشان كدا أخدت معايا السمكري يشوفها ويـتأكد منها
محتاجه رش نضافة
ناقصها فوانيس الشبورة الآمامية في الإكسدام وأيضاً الإشارة الحمرة إللي ورا في الإكسدام
ناقصها بعض الجلد العازل في الأبواب والكبوت والشنطة

ناوي بإذن الله تعالى
أشدها سمكرة من الألف للياء من أول وجديد وكهربا ودوكو وفرش وأكيد أتأكد من العفشة وأي مشكلة قد تواجهني
طبعاً هجيب كل حاجتها الأصلي
من عند البساطي أللي على أول شارع الترعة بعد ما شفت أن ناس كتير بتشكر فيه

وأيضاً لو تدلوني على حاجتها الإستيراد أكون شاكر جداً ولو فيه أرخص

ولو كمان تدلوني أعدل أيه يخليها أحسن


وياريت الردود سريعاً

[كرم الحمصي]

مبروك عليك الداتشيا . حافظ عليها وعاملها احسن معامله لانها فعلا عربية اصيلة.
لو تصفحت مواضيع المنتدى تقريبا هتلاقي حل لكل سؤال.

[mohsen128]

مبروك ربنا يديك خيرها ويكفيك شرها ،، وراجع مواضيع القسم هتلقي ايجابه لكل سؤال ولو في اي حاجه مش وضحه احنا تحت امرك ز

[mohsen128]

وياريت اسعار كل الحاجات الي هتجبها مع صور للعربيه بعد التظبيط ،، ربنا معاك وتطلع ذي ما انت عايز .

[أشرف فارس]

بعد ما خلص العقد النهائي من أسبوع يوم 1 الشهر رجعت بالعربية وهيه معايا حالياً ظهرت فيها بعض المشاكل
أولاً سيرفو الفرامل كان بيعمل صوت هوا وبيبرجل المكنه لما تضغط عليه بيقولو محتاجه طقم إصلاح ومش عارف ألاقيه فين
أو جلد محدش كان عايز يشتغل فيها لحد ما لاقيت واحد بس هيفتح بكره وربنا يصلح الحال
ثانياً الدبرياج مش مظبوط السلك راكب ومش مظبوط
وكويس إنها جت في حاجات بسيطة زي دي
لأني مش ناوي أركبها على كده

وبكره رايح للفرامل والميكانيكي

ناوي بإذن الله أوديها للعفشة ومطلوب أبقى عارف حاجتها فين هيا أولاً كبالن رينو 9

ثانياً سمكرة عايز أجيب 4 أبواب أستيراد وفوانيس أمامي وخلفي وأكسدامين جداد علشان شكل العربية مش عاجبني ومش عارف يجي منين

ثالثاً الدواخل ناوي أجيب صالون أستيراد وتابلوه كويس ويستحسن يكون بتاعها أو بتاع السوبر نوفا

وناوي أرشها عن أنضف صنايعي في بلدي وهجيب أحسن بويه وهعمل خط جانبي عريض من الشنطة للعجل الخلفي زي بتوع أوروبا

وبكده هخليها تبقى أحسن من أي عربية تمشي جنبها

[mohsen128]

اولا موضوع السيرفو راجع المنتدي في موضوع كان الاستاذ حازم بيقول انا طقم اصلاح الفيات 128 بيركب عليه على ما اذكر ، بخصوص تغيير الابواب والطبلوه بتاعها والصالون معتقدش في استيراد وديه مشكلتها مفيش صاج استيراد ليها الاكصدمات بتتعدل عليها انا عندي راكب عليها اكصدامات حديد ، بخصوص الفوانيس موجوده جديدة عند البساطي وارزاق وفي التوفيقية ، اما العفشة موجوده جديدة عن رينو بورسيعد وتقريبا عند البساطي واستيراد في الوكاله عند الدكتور وفي كذا حد بس ده اكتر واحد عنده امانه وممكن تتصل به وتستفسر منه على الي انت عيزه . متابع معاك وبالتوفيق وباذن الله تظبط الحاجات ديه عشان تستمع بالعربيه .