عايزه اشتري داتشيا

[enascivil]

السلام عليكم آل داتشيا

انا بدور على عربيه فيما لا يزيد عن 20 الف وطبعا كل الترشيحات كانت فيات بس لما دورت عرفت الداتشيا نوفا وعجبني شكلها ولقيت حضراتكم في المنتدى بتشكروا فيها واتحمستلها جدا

السؤال بقه (هما اكتر من سؤال الحقيقه)

1- متوسط سعرها لو حالتها كويسه كام ؟
2- هل لو احتجت اي قطعه فيها هلقالها بديل بسهوله من رينو 9 او غيرها ولا لازم ادور واتعب برضو علما باني مش من القاهره ؟
3- هل العربيه تتحمل سفر 300 كيلو يومين في الاسبوعين ؟
4- ليه بسمع ان داتشيا 96 افضل من 98 و2000 ؟
5- ايه اهم عيوب الداتشيا ؟
6- اسمع ان تابلوه الداتشيا مش موجود او مبيتغيرش حاجه زي كده هل ده صحيح ؟

شكرا جزيلا

[MrOmar]

معايا داتشيا للبيع

انا معايا عربية داتشيا 98 لسه جايبها من اقل من شهر عايز ابيعها ﻻن انا ساكن ف العبور و الميكانيكيه عندى ربنا يسامحهم بقى العربيه فابريكه بره و جوه و حالة الصالون ممتازة ما عادا التابلوه عايز يتشد و كهربا و عدادات شغاله ما عدا الكيلومتر كل الكاوتش جديد و لسه مغير ديسك و اسطوانه و بلية عجله خلفى و طقم كهرباء كامل و طلمبة بنزين وسلك دبرياج و فيها ازاز كهربا امامى و سنتر لوك و رخصة سنه ..... عايزه شوية شغل بسيط فى المكنه اولسيهات و حاجات كده عشان ترشيح الزيت ....... بس كده