Tweet
حل ارتفاع الحرارة على السرعات
من فتره كده يا رجاله ومن غير اي مقدمات العربية عندي امبير الحراره كل ما السرعة تزيد كل ما يرفع وكل ما اهدي العربية يرجع ينزل تاني وطبعا ده مش بيظهر الي لو كنت واخد طريق طولي والميه مش بتغلي قولت هااااااار اسود هو العيب ده جالي 
معانا يارب المهم الموضوع ده ملمس في كذا حاجه يعني في اسباب كتير تخلي العربية تسخن على السرعات العاليه وياما ناس باعت عربيتها وهدمها كمان بسبب الحوار ده يعني نعمل حصر للحاجات الي ممكن تسخن العربية على الطوالي يعني مثلا وش السليندر او الكهرباء مش مظبوط يعني ابلتين وكندنسر او الكاتينه مقدم او ماخر او الشكمان او الكربيراتير مبيخلطش بنسب مظبوطه او الرديتر او صباع الحراره او طرمبيه الميه ضعيفه او طبب الميه او الارضي بتاع العربية او بلي عجل تقيل وطبعا مع فتي الصنيعيه الموضوع بيكون صعب جداً خصوصا انك كل ما تغير حاجه والمشكله ما تتحلش يقولك عادي مهي كانت كده كده مش سليمه ، انا طبعاً بعد ما قراءة كتير على المشكله ده استشارت الاخ الدكتور الميكانيكي قالي يا محسن سيبك من الامبير ده بيخرف طالما العربيه ما بتغليش سيبك منه وطبعا مكنتش مرتاح روحت لبتاع العدادات عاير الامبير وقالي الامبير عندك تمام شوف الكهربائي يشوفلك سلك الارضي ظروفه ايه روحت للكهربائي وراجع على الارضي وراجع على كهربة العربية وقالي الكهرباء تمام شوف حد تاني روحت لبتاع الرداتير سلك ياباشا واغسل الدورة والمشكله ذي ما هي طيب اخبار الرداتير عندي ايه ياباشا تمام ومتقلقش منه وكان بيأيد راي الاخ الدكتور الميكانيكي بشده سيبك من الامبير اكيد بيخرف شوف حاجه تاني روحت لبتاع الشكمان قالي الموضوع بره عني هار اسود يعني اعمل ايه الميكانيكي يقولي سيبك من الامبير وانا برضو مش مطمن يعني ايه الكلام ده، المهم في ميكانيكي خبره قالي يابني من الاخر ( سخنيه على الطوالي رداتير لو عندك الوش سليم وسخنيه في الزحمه مراوح لو عندك الرداتير سليم ) وروحت لواحد بتاع رداتير الصنيعيه بتشكر فيه وحكتلو الموضوع من اوله وبص على العربيه قالي يا باشا العيب عندك رداتير غيرته بـ 450 جنيه وقالي اطلع جرب العربيه وارجعلي وطلعت جربت العربية الساعه 2 باليل على الدائري وكنت ارص عليها جامد والحمد الله السخنه مبقتش بترفع 
وتاني يوم رجعت لبتاع الرداتير وكنت هبوسه من بوئه
لان الحمد الله المشكله اتحلت وكان كذا واحد بتاع رداتير يقولي الرداتير عندك سليم ده ولا سنتين تلاته عقبال ما تفكر تغيره وكمان الميه مش بتنقص من العربيه غير بنسبه بسيطه جداً
ملخص الموضوع لو حد عنده المشكله ده على اد ما يقدر يجرب كذا صنيعي ويحاول يشوف الناس الخبره لانه هيوفر عليه مجهود وفلوس كتير ...
معانا يارب المهم الموضوع ده ملمس في كذا حاجه يعني في اسباب كتير تخلي العربية تسخن على السرعات العاليه وياما ناس باعت عربيتها وهدمها كمان بسبب الحوار ده يعني نعمل حصر للحاجات الي ممكن تسخن العربية على الطوالي يعني مثلا وش السليندر او الكهرباء مش مظبوط يعني ابلتين وكندنسر او الكاتينه مقدم او ماخر او الشكمان او الكربيراتير مبيخلطش بنسب مظبوطه او الرديتر او صباع الحراره او طرمبيه الميه ضعيفه او طبب الميه او الارضي بتاع العربية او بلي عجل تقيل وطبعا مع فتي الصنيعيه الموضوع بيكون صعب جداً خصوصا انك كل ما تغير حاجه والمشكله ما تتحلش يقولك عادي مهي كانت كده كده مش سليمه ، انا طبعاً بعد ما قراءة كتير على المشكله ده استشارت الاخ الدكتور الميكانيكي قالي يا محسن سيبك من الامبير ده بيخرف طالما العربيه ما بتغليش سيبك منه وطبعا مكنتش مرتاح روحت لبتاع العدادات عاير الامبير وقالي الامبير عندك تمام شوف الكهربائي يشوفلك سلك الارضي ظروفه ايه روحت للكهربائي وراجع على الارضي وراجع على كهربة العربية وقالي الكهرباء تمام شوف حد تاني روحت لبتاع الرداتير سلك ياباشا واغسل الدورة والمشكله ذي ما هي طيب اخبار الرداتير عندي ايه ياباشا تمام ومتقلقش منه وكان بيأيد راي الاخ الدكتور الميكانيكي بشده سيبك من الامبير اكيد بيخرف شوف حاجه تاني روحت لبتاع الشكمان قالي الموضوع بره عني هار اسود يعني اعمل ايه الميكانيكي يقولي سيبك من الامبير وانا برضو مش مطمن يعني ايه الكلام ده، المهم في ميكانيكي خبره قالي يابني من الاخر ( سخنيه على الطوالي رداتير لو عندك الوش سليم وسخنيه في الزحمه مراوح لو عندك الرداتير سليم ) وروحت لواحد بتاع رداتير الصنيعيه بتشكر فيه وحكتلو الموضوع من اوله وبص على العربيه قالي يا باشا العيب عندك رداتير غيرته بـ 450 جنيه وقالي اطلع جرب العربيه وارجعلي وطلعت جربت العربية الساعه 2 باليل على الدائري وكنت ارص عليها جامد والحمد الله السخنه مبقتش بترفع وتاني يوم رجعت لبتاع الرداتير وكنت هبوسه من بوئه لان الحمد الله المشكله اتحلت وكان كذا واحد بتاع رداتير يقولي الرداتير عندك سليم ده ولا سنتين تلاته عقبال ما تفكر تغيره وكمان الميه مش بتنقص من العربيه غير بنسبه بسيطه جداًملخص الموضوع لو حد عنده المشكله ده على اد ما يقدر يجرب كذا صنيعي ويحاول يشوف الناس الخبره لانه هيوفر عليه مجهود وفلوس كتير ...
،، 
شرفني مرورك
Comment