وحوش اللوجان بلرجاء الدخول !!!!

[zaiody]

انا عندي لوجان اشترتها تقريبا شهر مارس 2009 ولحد دلوئت الحمد لله زي الفل
بس اللي غايظني فيها صوتهة العالي في لاول والتاني
وكمان بعد ماعدي المطب واناعالتاني فيه صوت مزعج كدة كأنو صوت شيشة :POINTI~2[2]:
الكلام دة دايما يحصل عندي مش عارف عندكو كمان ولا لاْ؟؟؟
انا مستعد اوديها الصيانة لو في حاجة غلط
وشكرا عالجواب مقدما

[gebreel]

انا مش فاهم قصة بعد المطب تسمع صوت شيشة ده؟ ده ايه العربية عاملة دماغ ولا ايه :)
ياريت توضح كل حاجة بتحصل ازاي

[AbO_FaRaH]

انا مش فاهم قصة بعد المطب تسمع صوت شيشة ده؟ ده ايه العربية عاملة دماغ ولا ايه :)
ياريت توضح كل حاجة بتحصل ازاي

هههههههههه

[zaiody]

ههههههههههههههههههه يمكن تكون عاملة دماغ هههههههه
يعني صوت رجرجة كدة زي المرشدير
هي المشكلة بتروح بعد ما احول عالاول بس مينفعش احول عالاول بعد المطب كل مرة
ولا رأيكو اي يا جماعة؟

[nomercy22]

انا عندي لوجان اشترتها تقريبا شهر مارس 2009 ولحد دلوئت الحمد لله زي الفل
بس اللي غايظني فيها صوتهة العالي في لاول والتاني
وكمان بعد ماعدي المطب واناعالتاني فيه صوت مزعج كدة كأنو صوت شيشة :pointi~2[2]:
الكلام دة دايما يحصل عندي مش عارف عندكو كمان ولا لاْ؟؟؟
انا مستعد اوديها الصيانة لو في حاجة غلط
وشكرا عالجواب مقدما

انا مش هقدر افيدك علشان انا لوجانوي مغربي والواضح ان حضرتك روماني

[zaiody]

شكرا على المرور يا باشا @ nomercy22

[amr.elsayed]

هو حضرتك بتستخدم بنزين كام واخر مرة عملت الصيانة كانت امتى
والصوت دة بتسمعه من ساعت ما اشتريت العربية ولا صوت جديد عليك
وحضرتك عامل كام كيلو بالعربية ؟

[Egyzizo]

مافيش عندى الموضوع ده ، العربية صوتها كويس فى كل الغيارات
وبتعدى المطبات من غير أى أصوات.
متهيأ لى تشوف مع الصيانة.

[zaiody]

بحطلها بنزين 92 ومرحتش الصيانة غير مرة واحدة بس في ال1000 كيلو غيرت الزيت وبعديهة مرحتش اصل المسافة بعيدة انا ساكن ف 6 اكتوبر
العربية عامل فيها8300كيلو والصوت دة بدأ من الكيلو 3000 تقريبا ولحد دلوئت
حضرتك تنصحني فأيه ؟؟

[Ahmed A Rahman]

مش عارف ليه كل الاعراض دي حاسس انها حاجه من حاجتين

1. يا إما حضرتك بتحط بنزين 80 او بنزين اعلى بس من بنزينه وحشته او مثلا فيه شوائب في دورة البنزين
ويبقى الصوت ده هو اللي بيسموه تسقيف وبيكون عبارة عن انفجارات في محرك السيارة.

2. يا إما حضرتك بتنقل الثاني بدري, ده الفتيس
لان بعد المطب لو جامد او عالي واضطريت اني شبه اوقف العربية
ساعتها بجيب الاول مش الثاني لاني لو معملتش كده يبقى كأني بطلع على الثاني

[zaiody]

طب هوة ايه الفرق بين المغربي والروماني ؟؟؟؟؟؟؟؟ @ nomercy22

[nab!l]

انا مش هقدر افيدك علشان انا لوجانوي مغربي والواضح ان حضرتك روماني

مغربى ورومانى
لاء
ممكن اعرف الفرق بقى ؟

[Egyzizo]

مافيش فرق غير ان دى تقفيل المغرب ودى تقفيل رومانيا ، والموجود دلوقتى كله مغربى ..

[mostafabakry]

ما شفتش المشكلة دي خالص
بس من الواضح من كلام حضرتك ان الموضوع بيتعلق بسرعة العربية و انت بعشق الغيار التاني
يعني بتبقي العربية سرعتها اقل من المفروض انها تكون عليه عشان تنقل التاني
عموما انت حاول ما تسرق العيار سرقة يعني ما تدوسش بنزين جامد
يعني دوسة خفيفة لغاية ما العربية تاخد سرعتها الطبيعية و تكمل عادي
يا اما الأفضل انك تجيب الغيار الول و تحافظ علي موتور العربية

و انصحك بشدة انك تروح التوكيل وتعمل تشيك عالعربية
انت كدا فاتتك صيانة ال 5000 و علي فكرة الصيانات دي مهمة جدا علي الأقل بتكتشف لو فيه مشكلة و انت مش حاسس بيها

[nomercy22]

شكرا على المرور يا باشا @ nomercy22

لا شكر علي واجب