استلمت لوجان امس

[engehab]

السلام عليكم

تحية لكل اعضاء المنتدى

امبارح باليل استلمت لوجان فول اوبشن اسمر

ده طبعا بعد متابعتى لاخبار السيارة هنا فى المنتدى على مدار شهرين والحقيقة العربية جميلة جدا واداؤها ممتاز

ولكن لدى استفسار وحيد بخصوص صوت الموتور

بحس انه عالى جدا اكتر من الازم لدرجة انه اعلى من موتور ربع نقل شيفروليه فهل ده طبيعى فيها ولا فيها مشكلة

بانتظار ردك من الاخوة الخبراء

الاستفسار الاخر بخصوص الجنوط لان السيارة فيها جنط 15 والسيارة عالية جدا وده ممتاز بالنسبة للطرق بنت 60*70 بتاعتنا ولكن اعتقد انه بياثر على استقرار السيارة على الطريق فى السرعات العالية والمناورة بيها والغرز الخ

فهل تركيب جنط 14 عريض هيكون افضل فى الاداء ام لا واذا كان افضل وهيعطى ثبات واستقرار اعلى ايه المقاس المناسب بالتحديد للسيارة ومتوسط الاسعار


تحياتى

[cementman]

لو زى ما بتقول كده أعلى من صوت شيفروليه ربع نقل يبقى فيه مشكلة
العربية عموما ثابتة ولا ينصح باللعب فى كاوتشوجنوط العربية حتى لا ت}ثر على ثباتها و سحبها وعفشتها

[emann]

الف مبروك ياباشا..
انت فى المفروض تستلم فى دفعة 12

[alex_life1989]

الف مبروك يا باشا

[zkralla]

الف مبروك
صوت الماتور عالى شويه خاصتا صباحا لكن الصوت مرتفع سنة بسيطة عن الفيرنا واللانوس وأنا بعد ما بسخن شويه ( أنا مصمم على موضوع التسخين ولو لديقيفين ومش عارف اقتنع بأن العربيات الحديثة مش محتاجة تسخين ) بتلاقى ما فيش صوت خالص وأنا جوه العربية مابعرفش العربية دايرة ولا مبطله
وثبات العربية اكثر من ممتاز فحضرتك ما تتسرعش فى الحكم وتكلف نفسك تكلفه ملهاش لازمة استنى شويه وأنت ها تقتنع بده لوحدك واصرف على تظبيط العربية فرش ودواسات وانذار وتشميع عشان التراب ما يلزقش فى العربية ( أنا عملته امبارح وادى نتيجة ممتازة جدا )وربنا يباركك فى العربية ويديك خيرها ويكفيك شرها

[amr.elsayed]

الف مبرووووووووووك وربنا يعطيك خيرها ويكفيك شرها
متغيرش اى حاجة فى العربية

[Samah AbdAllah]

الف مبروك
لو حضرتك متأكد ان صوت الموتور عالى اوى كده وبتسمعه وانت جوة العربية يبقا وديها التوكيل واعمل تشيك اب عليها
لان المفترض ان حضرتك ما تسمعش صوت الموتور وانت جوة العربية

[gebreel]

الف مبروك و متلعبش في حاجة في العربية لأن ثباتها ممتاز و معرفش مدى تأثير تغيير الجنوط على العفشة و الثبات ايه
و خلينا نتفق ان رينو عاملة حساب كل سم في ارتفاع العربية و معادلاه و دي حاجة اسمها الايروديناميكس و بتبقى محسوبة بدقة علشان تزود الثبات و تقلل مقاومة الهواء للعربية

[Youssef.Awad]

100000000000000000000000 مبروووووووووووووووووووووووك

[MoHaMed HaMeD]

مبروك عايز اشمع العربيه فين وبكام

[I.S.L.A.M]

الف مبروك
لو حضرتك متأكد ان صوت الموتور عالى اوى كده وبتسمعه وانت جوة العربية يبقا وديها التوكيل واعمل تشيك اب عليها
لان المفترض ان حضرتك ما تسمعش صوت الموتور وانت جوة العربية

+111111111111111
والمفروض ما تغيرش الجنوط عشان الاتزان والف مبروك انضمامك للوحوش

[elshinawy80]

مليون مبروك ياباشا

[elshinawy80]

ربنا يديلك خيرها و يكفيك شرها

[engehab]

الف شكر ليكم ياشباب

والعربية فعلا ممتازة ومسالة الصوت دى كانت التعقيب الوحيد ليا فيها واتاكدت انى كنت مخطئ

وكل الخبراء قالوا ان الصوت طبيعى وخصوصا السيارة لسه جديدة

* الاخت emann انا فعلا تسليم دفعة 12 ولكن حدثت ظروف واضطريت الغى الحجز من الوكيل واشتريت من معرض اوفر برايس 500 جنيه

[Beam28]

الف مبروك وربنا يباركلك فيها