سؤالين للوجان

[frhateg]

السؤال الأول : في التقرير المفصل للوجان من الأخ نادر نبيل وفي صور السيارة فيه طفاية سجاير في الباب الخلفي هل هي موجودة في كل السيارات علما بانها غير موجودة عندي بالرغم ان سيارتي فول اوبشن .
السؤال الثاني : اللمبة اللي موجودة بالشنطة هل بتقفل عند غلق الشنطة و فين مفتاحها ... لأني قفلت الشنطة للآخر يعني سيبت مساحة ضئيلة جدا و لقيتها منورة .

[nomercy22]

بالنسبه للسؤال الاول الطفايات موجوده في الفول اوبشن في الباب اللي ورا تحت اما السؤال التاني مش متاكد من الاجابه

[ramy_gamal]

الشنطه لازم تتقفل للاخر عشان تطفى زى الباب لو ماتقفلش كويس لمبه الصالون منورة ( عندى كدة فى الكليو واكيد فى اللوجان )

[amr.elsayed]

الطفايات الخلفية مش موجودة فى كل الدفعات .. ومش موجودة عندى .. ومش عارف السبب
النور مش بيطفى الا لو الشنطة اتقفلت باحكام ..

[frhateg]

الطفايات مش موجودة في كل الدفعات . الكاسيت mp3 مش في كل الدفعات . الكتالوجات مش في كل الدفعات .............. هل دي حاجة طبيعية ........!!!!!!!!!!

[amr.elsayed]

الطفايات مش موجودة في كل الدفعات . الكاسيت mp3 مش في كل الدفعات . الكتالوجات مش في كل الدفعات .............. هل دي حاجة طبيعية ........!!!!!!!!!!

هو انا عارف يا فرحات بينى وبينك فى ساعات حاجات عبيطة بس ساعات بتدايق
يعنى الطفاية دى يعنى حيخسروا ايه يعنى لما يتنيلوا يعملوها فى كل العربيات
انا اتفاجأت فى مرة كان معايا واحد بيشرب سجارة فى الكنبة الخلفية و شايفه فى المراية عمال يدور
فبقوله فى ايه مالك .. قالى هى العربية دى مفيهاش طفاية .. انا اخدت الكلمة ورحت مديله
الطفاية اللى جنبى اللى بتتفك من حامل الاكواب دى .. بس حاجة غريبة يعنى
عموما مش مشكلة يا فرحات ... وحياة غلاوتك عندى حنعملوا كل حاجة فى العربية
بس نظبطها شوية فى الصيانات والعربية تريح من التليين دة .. ونفضة للتعديلات .. ماتقلقش

[amrdiab]

.. انا اخدت الكلمة ورحت مديله

والله كنت فاكرك هتقول .. انا اخدت الكلمة ورحت مديله بالبوكس
صباح الفل يا عمرو باشا

[amr.elsayed]

والله كنت فاكرك هتقول .. انا اخدت الكلمة ورحت مديله بالبوكس
صباح الفل يا عمرو باشا

:POINTI~2[2]::POINTI~2[2]:

ما هو دة اللى كنت عايز اعمله بس كنت سايق ومش مالك اديله بالبوكس
اصل هو سأل السؤال وغاظنى (هى العربية دى مفيهاش طفاية ولا ايه)
محسسنى انها من غير ماتور .. انت مشكلة

[Usama Nagi]

فعلا حاجات بسيطة بس بتغيظ من توكيلات مصر

[bishoy02010]

[size=4][color=blue]
عموما مش مشكلة يا فرحات ... وحياة غلاوتك عندى حنعملوا كل حاجة فى العربية
بس نظبطها شوية فى الصيانات والعربية تريح من التليين دة .. ونفضة للتعديلات .. ماتقلقش

معاااااااااااااااااااك

[neemmohamed]

:pointi~2[2]::pointi~2[2]:

ما هو دة اللى كنت عايز اعمله بس كنت سايق ومش مالك اديله بالبوكس
اصل هو سأل السؤال وغاظنى (هى العربية دى مفيهاش طفاية ولا ايه)
محسسنى انها من غير ماتور .. انت مشكلة :ta_clap[1]:

هههه فعلا حاجة تضايق شوية خاصا انك جايب فول اوبشن ... و الفروق الصغيرة ديه من احد المزايا اللى بيتباهوا بيها فى الكاتلوجات بين باقى الموديلات (الهاف و الفاضية)

معليش ... المهم انها مش من غير ماتور على رايكم ....

[frhateg]

انا مش قلقان العربية معايا فل الفل ..... بس مدام العربية بتتصنع في مصنع واحد و خط الأنتاج واحد لية الحاجات العبيطة دي .... وليه التفرقة العنصرية دي . واحد صاحبي معاه لوجان و الكاسيت بتاعه mp3 كل ما يشوفني يغيظني و يطلع لي لسانه اقول مهلعش خاليك انت الكبير ....طيب ليه !!!!!!!

[Dr.Karim Emam]

يا جماعه الطفايه موجوده فى كل العربيات فى الباب اللى ورا اليمين بس

[amr.elsayed]

انا مش قلقان العربية معايا فل الفل ..... بس مدام العربية بتتصنع في مصنع واحد و خط الأنتاج واحد لية الحاجات العبيطة دي .... وليه التفرقة العنصرية دي . واحد صاحبي معاه لوجان و الكاسيت بتاعه mp3 كل ما يشوفني يغيظني و يطلع لي لسانه اقول مهلعش خاليك انت الكبير ....طيب ليه !!!!!!!

لا سيبك من موضوع الكاسيت دة لان انت فى اى وقت ممكن تركب كاسيت ويكون احسن من الفابريكة كمان
(وحتى موضوع الكاسيت دة مش قضيتنا لان تجهيز العربية المتفق عليه ان الكاسيت اوديو فقط) حتة الطفاية دى سوء استلام منى ومنك .. يعنى احنا اللى مركزناش ومستلمناش حلو .. بالذات ان احنا عندنا اوبشن زى المنتدى اللى بيمدنا بالمعلومات اومال الناس التانية تعمل ايه
حتى محمود عزت لما ماستلمش كتالوج العربية هو اللى غلطان زينا كدة فى موضوع الطفاية عشان مستلمناش كويس بس انا مردتش اقوله كدة خوفت لا يزعل
احنا ركزنا على الحاجات الكبيرة والمهمة وسيبنا الحاجات الصغيرة

يا جماعه الطفايه موجوده فى كل العربيات فى الباب اللى ورا اليمين بس

لا مش فى كل العربيات يا كيمو

[Egyzizo]

السؤال الأول : في التقرير المفصل للوجان من الأخ نادر نبيل وفي صور السيارة فيه طفاية سجاير في الباب الخلفي هل هي موجودة في كل السيارات علما بانها غير موجودة عندي بالرغم ان سيارتي فول اوبشن .
السؤال الثاني : اللمبة اللي موجودة بالشنطة هل بتقفل عند غلق الشنطة و فين مفتاحها ... لأني قفلت الشنطة للآخر يعني سيبت مساحة ضئيلة جدا و لقيتها منورة .

بالنسبة لموضوع الشنطة ، فأنا فاكر لما كنت بأعمل فرش جلد للعربية ، السروجى طبعاً طلع الكنبة كلها بره ، فبقى الصالون مفتوح على الشنطة ، ولاحظت فعلاً ان الشنطة كانت مقفولة واللمبة منورة ، وتقريباً طفت بعد فترة ، والموضوع ده لفت نظرى بس نسيته وافتكرته دلوقتى لما قريت التساؤل بتاعك ..

فأعتقد والله أعلم ، إن لمبة الشنطة بتنور لما بتفتح الشنطة وبتطفى لما أبواب العربية كلها تكون مقفولة بما فيها الشنطة بعد وقت معين كده زى لمبة الصالون يعنى هى مش مربوطة مباشرة بقفل الشنطة .. بس أنا هأحاول اتأكد من الموضوع ده وأن كنت مش عارف ازاى بس هافكر فى حل.

أما بالنسبة للطفاية اللى ورا ، فلحد دلوقتى مش عارف موجودة واللا لأ لأنى ماحتجتهاش ومافكرتش أبص عليها بس واضح انها مش فى كل العربيات زى ما الزملاء قالوا ..