إعـــــــلان

Collapse

.

,
See more
See less

عندي مشكله في كالون باب اللوجان !!!

Collapse
X
 
  • Filter
  • الوقت
  • Show
Clear All
new posts

  • عندي مشكله في كالون باب اللوجان !!!

    السلام عليكم و رحمة الله و بركاته

    من يومين كنت في مشوار لزيارة واحد قريبي عامل عمليه و طبعا روحت بالعربية و ركنتها عند بيته و لما طلعت بفتح الباب بالمفتاح لأني معنديش سنتر ريموت (هاف اوبشن) لقيت المفتاح مش راضي يفتح و تارس مش راضي يلف
    بصراحة اول مره تحصل معايا و كنت مستغرب جدا و طبعا ما حبتش اقف كتير لأني قلت في نفسي يمكن واحد من اياهم بص للعربية و صورها صورة عالماشي و جت العين في الباب
    اضطريت افتح الباب اللي جنبي و افتح الأبواب من زر السنتر لوك اللي في التابلوه و بعدين اشوف ايه المشكلة لما اروح بس طبعا كنت مضايق جدا و انا بعمل كدا

    لما رجعت البيت قعدت احاول اشوف ايه المشكلة لقيت الباب ساعة يفتح و ساعه بيعلق و يففتح بعد محاولات و تقريبا فيه مشكلة في الكالون نفسه انا حاسس انه ملخلخ من جوا و يمكن محتاج تربيط و لا حاجة مع انه عمره ما عملها معيا قبل كدا
    معقوله يكون و العربية راكنه عيل في الشارع حاول يدخل اي حاجة زي مسمار و لا خشبه جوا الكالون مثلا ؟؟؟ و حاجة محشورة جوا ؟؟ بس االمفتاه بيدخل عادي بس ما بيلفش في الكالون و يفتح السنتر لوك !!!

    المشكلة اني تاني يوم راكن العربية تحت البيت و كنت طالع بيها بالليل و بكشف الغطا من عليها لقيته مقطوع عند نفس الباب اليمين بتاعي و لقيت المرايا مخبوطة جامد و مش ثابته في مكانها الطبيعي لقيتها طالعا لبرا خالص و طالعه لقدام زي ما يكون حجاة جامدة خبطتها جامد خلتها طلعت من المكنا بتعاها و قعدت احاول ارجعها لمكانها و رجعت بالعافية بس ما فقدت الأمل انها تكون سليمة و اكيد علي الأقل هتكون الوايرات اللي بتعدل اتجاهات المرايا اتقطعت من كتر ما انا كنت بحاول ارجعها لمكانها
    عارف لما ححاجة بتنقصف من مكناها و تتحول اهو المرايا كانت عامله كدا بالضيط طالعه خالص من المجرا بتاعها و مكفيه لقدام


    بصراحة انا دمي غلي في عروقي و كنت شايط من الغضب و مش عارف اعمل ايه و لو شفت اللي عمل كدا مش عارف كنت هعمل فيه ايه

    طبعا الظاهر ان كل دا سببه عين بنت كلب بصت للعربية و الحمدلله انها جت علي كدا

    المهم انا دلوقتي مش عارف اعمل ايه في كالون الباب فكرت اني احط له شويه جاز بسرنجة يمكن يكون فيه تراب و لا حاجة بس خايف اعمل كدا الموضوع يزيد و بدل ما انه بيعلق شوية و يشتغل شوية يبوظ خالص
    و مش عارف لو رحت مركز الخدمة اللي انا بعمل صيانتي عندي هيعرفوا يحلو الموضوع و لا ايه
    يا ريت لو حد عنده اي فكار لحلول يساعدني بيها و لو حد صادفته مشكلة زي دي قبل كدا يقول حلها ازاي
    [CENTER][SIZE=2]ياااااااااااااا رب [/SIZE][/CENTER]

  • #2
    يا باشا معلش وأن شاء الله حاجه بسيطه
    طبعا روح مركز الخدمه حتى من غير صيانه وخليهم يظبطوا الدنيا ( مرايا وكالون ) وبأذن الله حاجه بسيطه يمكن فعلا فيه حاجه محشوره جوه وبلاش حكايه الجاز ديه طالما أحنا فى ضمان يبقى ليه هنتعب نفسنا
    [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
    غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

    Comment


    • #3
      بلاش جاز ممكن حضرتك تحط زيت باكم على المفتاح وتدخله فى الطبله وتجرب براحه لحد ماينعم وانشاء الله محلوله
      كن مطمئن جدا جدا ولا تفكر فى الامر كثيرا بل دع الامر لمن بيدة الامر

      r_gamal1 سابقا

      Comment

      Working...
      X