إعـــــــلان

Collapse

.

,
See more
See less

صيانة ال 5000 للوجى و تقييم اداء توكيل رينو

Collapse
X
 
  • Filter
  • الوقت
  • Show
Clear All
new posts

  • صيانة ال 5000 للوجى و تقييم اداء توكيل رينو

    [justify] [/justify][justify][/justify][justify][/justify]
    [justify][/justify][justify]

    السلام عليكم اعضاء قسم رينو الحبيب


    النهاردة روحت عملت صيانة ال 5000 ودة تقريرى عنها بمنتهى الامانة
    الملاحظات اللى كانت عندى
    1- مستوى اداء التكييف بقى اضعف قليلا من الاول
    2- مسمار فرامل اليد كان باين وكان فى بلستكة وقعة جوة (اللى بتغطى المسمار)
    3- عضة المارشدير الرخمة
    4- سخونة الكونسول (بصراحة هى مش عندى بس انا قولت كدة علشان يركبه العازل )
    5- صيانة 5000
    ...........................
    اول حاجة كنت خايف من موضوع 1000 كيلو سماح علشان الضمان لكن انا عامل 7000 كيلو ومحدش اتكلم
    .........................
    كنت اتكلمت قبل كدة عن سوء مستوى مهندسين الاستقبال لكن النهاردة الوضع مختلف جدا جدا
    النهاردة مهندسة الاستقبال كانت 10 على 10 وسمعتنى للاخر وردت ردود جيدة جدا (والحاجات دى بتهمنى اوى لانها بتوضح مدى احترام عقلية العميل)
    المهم قالتلى عربيتك حتاخد حوالى ساعتين او 3 ساعات علشان الحاجات اللى انا طالبها ممكن تاخد وقت
    وتوجهت الى الاستراحة وكان فى فلم جامد شغال فضلت اتفرج عليه ( زى الفل )
    ......................
    بعد ساعة وربع ندهو على اسمى المهم عربيتك خلصت وهى فى الغسيل وظبتنا كل حاجة يا مستر عمرو والتكييف سليم مافيهوش اى شيئ لكن احنا غسلنا سربنتينة التكييف ... ومفيش اى مبلغ يدفع
    انا قولت بس العربية اتكروتت وبدأ يظهر عليا بوادر التحفظ من المستوى لان انا مش حسكت على اى تقصير
    ...................
    روحت استلم العربية لاقيت العربية اقل ما يقال عنها انها بتبرق من الخارج .. فتحت الباب لاقيتها بتبرق من الداخل (مستوى غسيل السيارة 10 على 10 بالمقارنة بغسيل صيانة ال 1000)
    ....................
    ركبت العربية وبدأت اعمل التشك بتاعى على كل حاجة فيها

    الملحوظة وما تم فى معالجتها
    1- مستوى اداء التكييف بقى اضعف قليلا من الاول
    التكييف تحول وبقى اقوى من الاول ممكن يكونوا فعلا غسلوا السربنتينة وكانت فيها تراب او اى شيئ ساددها
    التكييف عندى كان صوته عالى اوى على درجة المروحة رقم 4 لكن صوته هدى بشكل ملحوظ جدا
    ودرجة البرودة حاسيتها اسرع من الاول بكتير على الرغم من ان الجو على الصحراوى حر جدا وشمس جدا



    2- مسمار فرامل اليد كان باين وكان فى بلستكة وقعة جوة (اللى بتغطى المسمار)
    المسمار اتحط عليه الحتة البلاستيك ورجع زى الاول



    3- عضة المارشدير الرخمة
    طبعا اهم ملحوظة انا رايحلها وكان طلبى ان الموضوع يتحل بدون اى تدخل فى بدال الدبرياج ولا يعلى ولا يوطى
    وقد كان العضة انتهت والفتيس بقى زى الحلاوة الحمد لله لان دى كانت اكتر حاجة مزعلانى فى العربية
    جميع النقلات بقت ممتازة وسلسة للغاية ومفيش اى مشكلة فى الفتيس ولله الحمد



    4- سخونة الكونسول (بصراحة هى مش عندى بس انا قولت كدة علشان يركبه العازل )
    مهندس الاستقبال قالى انهم ركبوا عازل الحرارة (طبعا انا مصدقهم وانا اصلا مش حاسس بيها )



    5- صيانة 5000
    تم عمل كشف على سوائل السيارة ... الزيت لا يلزم تغييره ويمكن تغييره على صيانة ال 10000 قريبا ان شاء الله
    تربيط العفشة وكشف شامل على الاشارات والانوار والعدادات والسيارة عموما
    ..........................
    أداء السيارة بعد الصيانة واختبارها على طريق غير ممهد بوابات اسكندرية على الطريق الصحراوى
    1- اداء العربية بقى اكتر من ممتاز سحب وتسارع وحتى مع التكييف
    2- ثبات العربية انا بجد حاسس ان ركبت عربية تانية فعلا فعلا تربيط العفشة بصورة جيدة بيفرق جدا .. العربية بسم الله ما شاء الله بقت عاملة زى الدبشة على الاسفلت ومكلبشة فيه
    3- فرامل العربية .. انا فى الصيانة ماشتكتش من فرامل العربية لكن لاحظت تحسن رهيب فى مستوى الفرامل بقت قوية جدا وتأثيرها سريع وفعال جدا جدا
    4- احساسى بتفاصيل الطريق تحسن بشكل ملفت للنظر ودة نتيجة تربيط العفشة بمستوى جيد جدا
    ................................
    وفى النهاية انا راضى جدا جدا جدا عن مستوى الصيانة ومستوى مهندس الاستقبال وهو دة اللى كنت منتظره من توكيل رينو .. بصراحة كدة النهاردة من انضف الصيانات اللى شوفتها فى حياتى وخاصا عملها فى وقت قياسى ( ساعة وربع فقط ) بالاضافة انها مجانية (مادفعتش ولا مليم)
    ................................
    نسيت اقولكوا ان توكيل العامرية بيعملوا نسكافيه فاجر ... اى حد مدمن نسكافيه يروح فى الاستراحة يطلب نسكافيه ب 5 جنيه كدة
    شكرا توكيل رينو على حسن الضيافة وحسن الاداء وتحسن الخدمة الملحوظ جدا جدا
    وعدم التهرب من اى ملحوظة انا قولتها بالعكس اتعمل حاجات فى العربية انا مش طالبها
    ................................
    توكيل رينو فرع العامرية هات بوسة

    [/justify]
    [RIGHT]سبحان الله وبحمده سبحان الله العظيم
    [/RIGHT]

  • #2
    مبروك يا باشا وعقبال صيانه ال 5 مليون
    فإن مع العسر يسراً إن مع العسر يسراً
    http://www.nilemotors.net/Nile/270217-2010.html

    Comment


    • #3
      مبروك يا باشا

      انا عملت ال5000 في العبور...و مانبسطش قوي...
      [CENTER][SIGPIC][/SIGPIC][/CENTER]

      Comment


      • #4
        طب قولنا اسم مهندسة الاستقبال ايه عشان اللي يروح يروح عليها علي طول بدل مايقع في ايد حد تاني زيي كده ويرد عليه بكلمة واحدة " مش موجودة "..." تابعنا "... والله ده كرهني في العربية من يومها وفكرت ابيعها

        Comment


        • #5
          الف مبروك ياباشا طمنتنا انا شاء الله رايح صيانة الالف قريب

          Comment


          • #6
            ربنا يطمنك يا شيخ ريحت باللي من موضوع الصيانة و معاملة التوكيل لحسن كل المواضيع بتتكلم عن استهبال المهندسين فى شكاوي و ملاحظات اصحاب السيارات و خاصاً اللوجان ( واحد يقولك غضة المارشدير ديه عادي و غيره يقولك عازل أيه انا عمري ما سمعت عنه ....)
            شكراً ليك يا باشا
            لكن توقع اي حد قريباً هيتهمك بالعمل لدي التوكيل أو على الأقل واخد نسبة

            Comment


            • #7
              ربنا يبارك فيك وفى لوجى ..... مبروك الصيانة الممتازة والتقرير الجامد
              ربنا ارضى عنا وارحمنا .. امين

              Comment


              • #8
                مبروك عليك يا كبير صيانة ال 5000 و عقبال صيانه ال 5 مليون . و هما فعلا ناس محترمة و حيتصلوا بك بعد ايام يطمئنوا علي الصيانة اللي عملوها و لو عندك اي ملاحظات . بس كده انت بتعمل لتوكيل العامرية دعاية و دي مشكله لنا بتوع الإسكندرية لأن ممكن بتوع الجمهورية كلهم ييجوا يعملوا صيانتهم عندنا و يزحمونا .هههههه . و شكرا لك .
                [SIZE=5][B]اللهم انك كريم حليم عفو تحب العفو فاعفو عنا[/B][B] .
                اللهم اعني علي ذكرك و شكرك و حسن عبادتك .[/B][/SIZE]

                Comment


                • #9
                  الف مبرررررررررررررروك بس ايه اخبار رعشه الفتيس
                  :dontudear:

                  Comment


                  • #10
                    المشاركة الأصلية كتبت بواسطة test50 مشاهدة المشاركة
                    مبروك يا باشا وعقبال صيانه ال 5 مليون
                    اله يبارك فيك يا تست وعقبال ما تكون مبسوط من الصيانة وكل الاعضاء ان شاء الله

                    المشاركة الأصلية كتبت بواسطة nadernabil مشاهدة المشاركة
                    مبروك يا باشا

                    انا عملت ال5000 في العبور...و مانبسطش قوي...
                    والله يا نادر يا خويا هى على حسب الغزالة لو رايقة يبقى الاداء حيكون كويس وحتنبسط
                    لكن عموما اعتقد ان الزحام على فروع القاهرة اكبر من الضغط على فرع العامرية
                    وربنا يباركلك فى عربيتك

                    المشاركة الأصلية كتبت بواسطة hardlive مشاهدة المشاركة
                    طب قولنا اسم مهندسة الاستقبال ايه عشان اللي يروح يروح عليها علي طول بدل مايقع في ايد حد تاني زيي كده ويرد عليه بكلمة واحدة " مش موجودة "..." تابعنا "... والله ده كرهني في العربية من يومها وفكرت ابيعها
                    لا والله ما اعرف اسمها بس الفكرة مش فى مهندس الاستقبال لكن الفكرة فى مستوى الفنيين جوة
                    اهم حاجة انك تصمم على رأيك لكن متصممش فى حاجة انت عارفها انها من تصميم العربية
                    [RIGHT]سبحان الله وبحمده سبحان الله العظيم
                    [/RIGHT]

                    Comment


                    • #11
                      المشاركة الأصلية كتبت بواسطة mr_3m مشاهدة المشاركة
                      ربنا يطمنك يا شيخ ريحت باللي من موضوع الصيانة و معاملة التوكيل لحسن كل المواضيع بتتكلم عن استهبال المهندسين فى شكاوي و ملاحظات اصحاب السيارات و خاصاً اللوجان ( واحد يقولك غضة المارشدير ديه عادي و غيره يقولك عازل أيه انا عمري ما سمعت عنه ....)
                      شكراً ليك يا باشا
                      لكن توقع اي حد قريباً هيتهمك بالعمل لدي التوكيل أو على الأقل واخد نسبة
                      هههههههههه يعنى هى جت عليا ما 80 % من اعضاء القسم بيشتغلوا فى التوكيل
                      ومافيش شك ان كل ما الوقت بيمر علينا كل ما صيانات اللوجان حتكون احسن ودة نتيجة ظهور الحلول
                      وتمرس الفنيين فى صيانة العربية واجادتها .. ما فيش حد بيفهم حاجة جديدة بين يوم وليلة لا الموضوع محتاج شوية وقت

                      المشاركة الأصلية كتبت بواسطة hobby10 مشاهدة المشاركة
                      ربنا يبارك فيك وفى لوجى ..... مبروك الصيانة الممتازة والتقرير الجامد
                      الله يبارك فيكى يا استاذتنا وعقبال ما تكونى راضية ومبسوطة من الصيانة


                      المشاركة الأصلية كتبت بواسطة attosaroka مشاهدة المشاركة
                      الف مبروك ياباشا طمنتنا انا شاء الله رايح صيانة الالف قريب
                      لا اطمن يا باشا صيانة الالف صيانة بسيطة وانا لاحظت اهتمام اكبر بكتير فى صيانة ال 5000 ولاحظ ان صيانة 5000 هى اول صيانة رسمية للوجان
                      [RIGHT]سبحان الله وبحمده سبحان الله العظيم
                      [/RIGHT]

                      Comment


                      • #12
                        المشاركة الأصلية كتبت بواسطة frhateg مشاهدة المشاركة
                        مبروك عليك يا كبير صيانة ال 5000 و عقبال صيانه ال 5 مليون . و هما فعلا ناس محترمة و حيتصلوا بك بعد ايام يطمئنوا علي الصيانة اللي عملوها و لو عندك اي ملاحظات . بس كده انت بتعمل لتوكيل العامرية دعاية و دي مشكله لنا بتوع الإسكندرية لأن ممكن بتوع الجمهورية كلهم ييجوا يعملوا صيانتهم عندنا و يزحمونا .هههههه . و شكرا لك .:ta_clap[1]: :s_thum1[1]:
                        ههههههه الله يبارك فيك يا باشا وهم فعلا بيتصلوا بعد الصيانة واتصلوا بيا بعد صيانة ال 1000
                        بالنسبة للدعاية فانا اى شيئ كويس فى بلدنا واستفدت منه لازم اقول انه كويس مش بس الاشياء اللى مش كويسة هى اللى نقول عليها


                        المشاركة الأصلية كتبت بواسطة nomercy22 مشاهدة المشاركة
                        الف مبرررررررررررررروك بس ايه اخبار رعشه الفتيس
                        هو دة اللى انا بتكلم عليه ... يعنى دى حاجة احنا عارفين انها فى تصميم اللوجان وانا اتأكدت قبل كدة من عربيات لوجان كتير جدا
                        مش بس كدة .. ودخلت منتدى رومانى مسقط رأس العربية وسألت الناس هناك عن هذه الرعشة واكدولى انها طبيعية وفى كل اللوجان
                        اقوم انا اروح التوكيل اعمل صيانة واقولهم انا مش عايز الفتيس يتهز ياما كدة يائما حتكونوا توكيل مش كويس
                        طبعا مش صح ان انا اعمل كدة لان دة كدة يبقى تعجييز .. بالاضافة ان الهزة دى بقت عندى لا تذكر
                        والهزة مش بتظهر الا على وضع المور وهزة عادية جدا وبسيطة جدا جدا
                        وربنا يبارك فيك وفى عربيتك وتكون مبسوط منها دايما
                        [RIGHT]سبحان الله وبحمده سبحان الله العظيم
                        [/RIGHT]

                        Comment


                        • #13
                          ان شاء الله الصيانات كلها تبقي كده
                          [B][I][COLOR=blue]قلت لواحد صاحبي في واحد كل ما يركن عربيته تحت البيت ينزل يلاقيها مخبوطه[/COLOR][/I][/B]
                          [I][B][COLOR=blue]قاللى:[/COLOR][/B][/I]
                          [I][B][COLOR=blue]انا من الاول قلت ان اللوجان دي عربيه زبال[/COLOR][/B][/I][I][B][COLOR=blue]ه[/COLOR][/B][/I]
                          [I][B][COLOR=blue]:8954[1]:[/COLOR][/B][/I]

                          Comment


                          • #14
                            مبروك يا رينجو على الصيانة و عقبالي بقى انا خللت و حاسس ان العربية مش حتجيب ال 5000 دي ابدا و عقبال صيانة ال5000000000000 ان شاء الله
                            يجب تعديل حجم الصورة

                            Comment


                            • #15
                              مليون مبروك يا رنجو وعقبال ال 1000000 كيلو ووحشنا والله وربنا يحفظك من كل مكروه
                              وانا معلش مشغول شويه وشكرا جدا على اهتمامك بالرد عليه على فكره انا اسمى محمد
                              وانت عمرو مش كده وانتظر منى كالعادة حبة اسالة كده ان شاء الله

                              Comment

                              Working...
                              X