مساعدة عاجلة في اللوجان

[M.Radwan]

السلام عليكم يا شباب

طبعا من كتر ما حببتوني فى العربية روحت اشتريت واحدة
فول أوبشنز فضي وهستلمها بكرة ان شاء الله وأرخصها
كنت عايز أسألكم بس شوية حاجات بسيطة:

1- بالنسبة للكاوتش أنا كنت قرأت انه ليه ضغط معين بس للأسف نسيت هو ايه؟ وهل الطاسات بتحتاج أفيزات ولا فيها صواميل؟
2- هل بيجي معاها غطاء ولا أجيب أنا؟ منين وبكام؟ الغطاء ده حاجة مهمة جدا ليا لان عندنا شوية مقاطيع في الشارع مش عايز أقولكم!!

وشكرا جزيلا،

[frhateg]

1000 مبروك عليك مقدما .
1 ــ الكاوتش انا عاملة 30 ورا و امام و عبيته نيتروجين . و بالنسبة للطاسات كل طاسة 2 افيز الواحد ب 25 قرش .
2 ــ اما الغطاء فده بتشتريه و هناك انواع كتيرة من 45 جنية لغاية 200 جنية و اكثر لو قلت ساكن فين اكيد احد جيرانك حيساعدك و يدلك علي اقرب واحد تشتريه من عنده .

[korkor]

طبقا للمكتوب على العربيه الضغط للكاوتش الامامى 29 والخلفى 30

[nomercy22]

10000 مبروك

[gebreel]

انا من ساعة ما جبت العربية و انا بظبط الكاوتش زي اللي على القايم اللي هوا تقريبا 30 ورا و 29 قدام حاجة كدة مش فاكر بالظبط بس الضغط اللي على القايم انا شايف انو اصح ضغط

[ahmedbakr50]

طبقا للمكتوب على العربيه الضغط للكاوتش الامامى 29 والخلفى 30

أمامى 29 وخلفى 32 طبقا لما هو مكتوب على القائم

[gebreel]

أمامى 29 وخلفى 32 طبقا لما هو مكتوب على القائم

ايوة هوا ده الضغط المظبوط مش اللي في مشاركتي يا جماعة

شكرا يا احمد باشا

[best2010]

الغطاء تشترية من كورنيش وكالة البلح .. دول تجار متخصصين فى كده وهتلاقيه بسعر حلو هناك

[bishoy02010]

29 قدام
32 ورا

والغطا لو عايز زى الى فى التوكيل بلظبط اشتريه من Topcover egypt

والطاسات ملهاش صواميل

ومبروك مقدما

[derinyym]

بكام يا ستاذ بيشوى

[bishoy02010]

بكام يا ستاذ بيشوى

فى التوكيل ب 235 ممكن تاخدة من هناك ب 200 مثلا فى الحدود ديه

[M.Radwan]

ألف ألف شكر يا رجالة على المساعدة
أنا استلمت ورخصت النهاردة الحمد لله
وظبط ضغط الإطارات واشتريت غطا بـ 100 جنيه
حتى الان الملاحظات كالاتى:

1- العربية ناعمة جدا جدا، وقاعدتها مريحة قوي.
2- معنديش أي عضة فى الفتيس في أى من الغيارات.
3- رعشة الفتيس المشهورة شايف انه كفاية بصراحة نتكلم عليها
عشان خوفتوني منها جامد وطلعت حاجة مش ملحوظة نهائي

[Beam28]

الف مبروك ليك

[bishoy02010]

ألف ألف شكر يا رجالة على المساعدة
أنا استلمت ورخصت النهاردة الحمد لله
وظبط ضغط الإطارات واشتريت غطا بـ 100 جنيه
حتى الان الملاحظات كالاتى:

1- العربية ناعمة جدا جدا، وقاعدتها مريحة قوي.
2- معنديش أي عضة فى الفتيس في أى من الغيارات.
3- رعشة الفتيس المشهورة شايف انه كفاية بصراحة نتكلم عليها
عشان خوفتوني منها جامد وطلعت حاجة مش ملحوظة نهائي

الف الف الف مبروك ياباشا ربنا يباركل فيها ويديك خيرها ويكفيك شرها
وفعلا انا لاحظت كذا عربية فى التوكيل العضه مش موجودة فيهم ابتدوا يتلاشوا الموضوع ده على ما اعتقد فى ال pdi بتاع العربية بس معنديش معلومات مأكده بكده
وفعلا على موضوع الرعشه عندك حق والف مبروك مره تانية ولو احتجت اى حاجة كلنا هنساعدك

[best2010]

الف مبروووووووووووووووك