صوت تزييق!!

[M.Radwan]

وأنا ماشي النهاردة سمعت صوت تزييق جاي من ورا
كنت معدي في شارع مش ولابد كله حفر ونقر والذي منه
هل ممكن يكون في حاجة في المساعدين اللى ورا؟
وفي الحالة دي أعمل ايه؟

[cementman]

مع الصيانة خليهم يربطوهالك

[Super_Star_h]

ممكن تلاقى العفشه عايزه تتربط بس
اما تروح التوكيل قولهم على المشكله
وخير ان شاء الله

[bishoy02010]

روح التوكيل خليهم يربطوا عفشه

[gebreel]

مش اكثر من تربيط عفشة

[amr.elsayed]

روح اغسل العفشة من تحت فى البنزينة وجرب

[Super_Star_h]

روح اغسل العفشة من تحت فى البنزينة وجرب

!!!!!!!!!!!!!!!!
كنت عايز اقول حاجه يا رينجو
انا فعلآ فى مره اما روحت غسلت العربيه فى البنزينه
من تحت وفوق وجوه والماتور وكله
اما طلعت بالعربيه ملقتش صوت طقطقه فى العربيه !
بس بعدها بيوم علطول الصوت رجع تانى !
بضربها فى دماغى ايه السبب مش لاقى حاجه مقنعه فى كده

[ahmedbakr50]

!!!!!!!!!!!!!!!!
كنت عايز اقول حاجه يا رينجو
انا فعلآ فى مره اما روحت غسلت العربيه فى البنزينه
من تحت وفوق وجوه والماتور وكله
اما طلعت بالعربيه ملقتش صوت طقطقه فى العربيه !
بس بعدها بيوم علطول الصوت رجع تانى !
بضربها فى دماغى ايه السبب مش لاقى حاجه مقنعه فى كده

حركات غريبة فعلاً

[Mah_Badawy]

يا جماعة متنسوش إنكم بتتكلموا على رينو

يا شباب اللوجان أنا منذ إستلمت العربية من شهرين و صوت التزييق الخلفي موجود و مكبر دماغي أدام مفيش مشاكل متسمعش للأصوات لأن العربية مفهاش عزل صوت و حرارة و إهتزازات (عادي أوبشن مش موجود) خلاص متسمعش للعربية و أتمتع بكل إمكانيتها و متبوظش إستمتاعك و فرحتك بيها و ثق أنها عربيه رينو و زيرو و مفهاش أي مشاكل و كله زي الفل .

[amr.elsayed]

يا شباب اللوجان أنا منذ إستلمت العربية من شهرين و صوت التزييق الخلفي موجود و مكبر دماغي أدام مفيش مشاكل متسمعش للأصوات لأن العربية مفهاش عزل صوت و حرارة و إهتزازات (عادي أوبشن مش موجود) :e_braces[1]::e_braces[1]::e_braces[1]: خلاص متسمعش للعربية و أتمتع بكل إمكانيتها و متبوظش إستمتاعك و فرحتك بيها و ثق أنها عربيه رينو و زيرو و مفهاش أي مشاكل و كله زي الفل :s_thum1[1]::s_thum1[1]::s_thum1[1]:.

يا استاذ محمد سيارات رينو مش نازلة من السما علشان مايكنش فيها عيوب
ممكن جدا صوت التزييق اللى حضرتك بتتكلم عنه يكون بوادر لعيب حقيقى فى العربية
علشان كدة انا قولت لصاحب الموضوع اغسل العفشة من تحت وجرب .. لو صوت التزييق راح
حيكون مش اكتر من ان المساعدين بيتراكم عليهم الطينة وهى اللى ممكن تعمل الصوت دة
لكن لو صوت التزييق مارحش من الغسيل لازم يكشف على العربية ويربط عفشة ويجرب تانى
هى غالبا بتكون حاجة بسيطة او شوية تشحيم لكن فى نفس الوقت بلاش نهمل فى اى صوت او رائحة بتخرج من العربية

[ahmedbakr50]

يا استاذ محمد سيارات رينو مش نازلة من السما علشان مايكنش فيها عيوب
ممكن جدا صوت التزييق اللى حضرتك بتتكلم عنه يكون بوادر لعيب حقيقى فى العربية
علشان كدة انا قولت لصاحب الموضوع اغسل العفشة من تحت وجرب .. لو صوت التزييق راح
حيكون مش اكتر من ان المساعدين بيتراكم عليهم الطينة وهى اللى ممكن تعمل الصوت دة
لكن لو صوت التزييق مارحش من الغسيل لازم يكشف على العربية ويربط عفشة ويجرب تانى
هى غالبا بتكون حاجة بسيطة او شوية تشحيم لكن فى نفس الوقت بلاش نهمل فى اى صوت او رائحة بتخرج من العربية

الله ينور عليك ، وأنا عن نفسى بعمل حركة إن أقفل الزجاج ومشغلش الكاسيت وأمشى فى طريق غير ممهد كل فترة بعمل الحركة دى عشان أشوف فى تزييق ولا لأ أو أى صوت غريب

[ahmadalsattar]

انا معايا اللوجان من شهر و عامل بيها 1500 كيلو و احيانا باسمع صوت تزييق فعلا بسيط جدا و بيظهر فى حالة واحده فقط لما اخد مطب علوى و بيظهر فقط لما العجلتين اللى قدام يطلعوا لفوق و التزييق فى الخلف لكن لما العجلتين اللى ورا بيجوا على المطب التزييق مش بيظهر و لازم علشان اسمعه اقفل القزاز و اوطى صوت الكاسيت

[medhatsalah]

السلام عليكم
انا عندى صوت طقطقة او تزييق خلفى بيظهر لما أمسك فرامك بقوة وانا ماشى بسرعة.لكنه لايظهر فى المطبات ؟؟؟ فهل ده يكون عيب عفشة أو مساعدين ؟