شكر خاص لمدير فرع رينو المقطم +مفاجاه

[yahiazakaria]

بختصار انا رحت اعمل صيانه 5000 قبلت المهندس محمد مدير الاستقبال قلتله عندي
1-عضه في المارشدير
2- لمبه ان فيه باب مفتوح بتنور لما اعدي بسرعه علي مطبات زي الي عملوها علي الكورنيش في المعادي
3- الباب اليمين ورا لازم ارزعه عشان يقفل
قالي ماشي وكتب كل حاجه قالي هتخلص في 3 ساعات قلت ماشي

المفاجه الاولي اسعار قطع الغيارالجديده

قلت اسال علي قطع الغيار عندهم

الراجل هناك قالي
الفانوس المامي بقي 440
الفانوس الخافي بقي 185
المساعدين 275 بدل 375
الاكصدام الامامي بقي 670 بدل 1100
قلتله والخلفي قالي نفس السعر قالي هما نزلو الحاجات الي حسو انا غاليه
طبعا كلو عايز يعرف سعر المرايه لاسف زي ماهي 1200

يعني في حاجات رخصت 50 وحجات 100 وحجات ......

قاتله شكرا

رجعت ابص علي عربيتي فين مش الاقيها قلت الف من ورا وابص عليها لقيتهم فتحين الكبوت وبيبصو علي معدل السوائل شويه ودخلوها علي الورشه رحت داخل المسؤل علي السمكره قالي
الباب بعد فتره هيبقي يلين لوحده ؤبلاش ادق او العب في السن المعدن الي في الباب احسن والله ابن اختي عنده نفس المشكله ومرضتش اعملها له برده قلتله ده مش طبيعي اشمعني الباب ده قالي معرفش المهم كبرت وقالي علي 1000 هيبقي كويس

راحت بعد كده للكهربائي وزبطها مكنتش معاه

وقالولي استلم العربيه
بجرب الفتيس لسه فيه عضه رحت قايله لسه فيه عضه قالي عادي استنه 3 ثواني وبعد كده هيجي معاك علي طول قلتله لا دا الماروتي 94 مكنتش كده مش رينو 2010 يمين شمال خنقت عليه بس بالزوق قالي حضرتك تعالي م عمرو مدير خدمه العملاء قلت اه هيجبلي واحد يهندلني ميعرفش اني كنت ليدر في خدمه العملاء واعرف اهندل انا كمان اليي قدامي وانا واقف وشكلي مدايق لقيت مدير الفرع بيكلمه وانا معرفش فبقله هو دا م عمرو فلقيت الراجل بيكلمني خير يا فندم قلتله عني عضه في المارشدير وده مش عاجبني طيب تعالي ونجرب جرب قالي معلش النهارده مش هقدر اعملهالك عشان الزحمه بس هكلمك الاسبوع اللي جاي وتيجي ونعملهالك ماشي خليني معاكو الاخر وبعدين بساله مين ده اصلا قالي م سامح شلبي مدير الفرع وده الحمد لله من حسن حظي مش عارف كنت عهمل ايه مع م عمرو

اتصل بي تاني اسبوع تعالي ورحت العربه دخلت وقالي هتاخد 3 ساعات ماشي بصيت علي العربيه من الزجاج لقيتهم فكو الكوتش اليمين الي قدام من جهه السواق وشتغلو في الفتيس قلت اما ادخل وشوف ايه الي غيروه وكان واحد اسمه م زكريا الي شغال ممكن اعرف ايه الجزء الي بتغيره قالي حاجه اسمها لوك lock وشفتها عباره عن حاجه مدوره عرضها نصف سم وفيها سنون نصف سم كمان عماله زي الترس غيرها وقفل كل حاجه تاني وجربت العربيه ماشاء الله زي الفل ولا الهوا ولقيت م زكريا قال م الستقبال غيرت لوك وسير كاتينه وحاجه بس مسمعتهاش

وديه المفاجه التانيه حل عضه المارش بالتفصيل

بس انا بصراحه عملت دور العميل الرخم الي بيسال كتير ويخنا بس اعمل ايه ده اللي اتعلمته من شغلي عملته معاهم وكله بالزوق ودخلت لمدير الفرع وشكرته بنفسي والك الناس الي اشتغلو في العربيه

طبعا اتحل مشكله لمبه الباب والمارشدير ورزعه الباب لا

توكيل رينو فعلا توكيل محترم

[zkralla]

الف شكر على نقل التجربه

[AirForces]

يعنى هما كل دا لسه ما حسوش ان سعر المراية غالى زيادة عن اللزوم اوى !!!!
والف مبروك يا فندم على حل مشكلة عضة الفتيس وباقى المشاكل والف شكر على نقل تجربتك

[frhateg]

تسلم و تعيش يا باشا و كل صيانه و انت و لوجي طيبين و بخير ان شاء الله .

[nomercy22]

طب كويس والله

[د.محمود صلاح]

الحمد لله .. من زمان ومعروف إنه توكيل محترم

[I.S.L.A.M]

ربنا يباركلك فيها ياباشا

[gebreel]

اخبار تفرح و الله

[ahmedbakr50]

ربنا يباركلك فيها

[aimangorg]

على فكره انا عندى نفي العيب بتاع الباب اليمين الى ورا

[bishoy02010]

شكرا على نقل التجربة والف مبروك على حل المشكلة بس مش مدير الفرع اسمه مهندس حسام ؟؟؟

[yahiazakaria]

شكرا على نقل التجربة والف مبروك على حل المشكلة بس مش مدير الفرع اسمه مهندس حسام ؟؟؟

هو اسمه حسام اوسامح يمكن انا غلط بس اكيد حاجه شلبي

[hobby10]

مبروووووك وشكرا على نقل التجربة

[دليل المقطم]

يارب يكون كلهم كده
دليل المقطم