إعـــــــلان

Collapse

.

,
See more
See less

الحمد لله .... زيارة للتوكيل فى العامرية موفقة جدااااا

Collapse
X
 
  • Filter
  • الوقت
  • Show
Clear All
new posts

  • الحمد لله .... زيارة للتوكيل فى العامرية موفقة جدااااا

    الحمد لله النهاردة الساعة 10 كنت فى التوكيل سجلت كل الملحوظات بتاعتى وكان اهمها طبعا الفتيس وبعدين قابلت مهندس حسام حمدى وبصراحة انسان محترم جدا سواء فى تعامله او فى الشغل فعلا انا مروحتش النهاردة الا لما جرب معايا مرة واتنين وممشيتش الا لما اتأكد ان الحمد لله كل مشاكلى اتحلت وانى راضية عن العربية بجد

    طبعا بشكل اساسى الفتيس بقى تمام جدا بجد فى كل النقلات بقى ناعم فى النقلات والمارشدير بقى مفيش فيه اى مشكلة الحمد لله .. وكمان كان عندى شوية ملاحظات كلها اتعملت برضه ومشيت من هناك الساعة 2.5 تقريبا وبجد وانا مروحة حسيت بالفرق فى الفتيس ونعومة العربية عموما والعفشة

    كمان بقى انا اتكلمت مع مهندس حسام شوية فى كام نقطة كده

    اولا الزنة اللى فى دواسة البنزين مع ارتفاع الاربى ام هو قالى ان ناس قليلة اللى اشتكوا منها فهم محسوش انها مشكلة قوى زى مثلا موضوع الفتيس كتير اتكلموا فيه بس عموما هو وعدنى انه ان شاء الله حيحاول يشوف القصة دى وربنا يسهل ... بس اللى لازم تعرفوه عموما انهم بالمنطق كده مبيدوروش على حل لمشكلة الا لما تبقى مشكلة اصلا بمعنى ان لو محدش اشتكى هم اكيد مش حيبقى عندهم معلومة ان فى حاجة مضايقة العملاء ..... بس طبعا مفهوم ان ممكن تكون فى حاجة مضايقة الواحد ويبقى فى امكانية لحلها وحاجة تانية ملهاش حل بس لو فى حاجة مضايقانا نعرضها وربنا يسهل بقى اذا كانت تتحل او لأ زى موضوع الفتيس كده

    تانى حاجة انا لما حاولت ادى مهندس حسام فكرة عن راى الناس فى التوكيل قولتله ان فى ناس معجبة بالتوكيل وناس متضايقة كل واحد بحسب التجربة اللى مر بيها فهو تفهم ده تماما وحكتله على بعض الامثلة والمفاجأة بقى بدون الدخول فى التفاصيل قوى ان غالبا ياجماعة لما حد مننا بيكون فى مشكلة عنده متحلتش غالبا بتكون سوء ادارة من الاستقبال مش من الورشة يعنى اوقات الناس فى الاستقبال بيفتوا ويقولوا ده طبيعى وده مش عارفة ايه ولا ده حعملهولك وده لأ من دماغهم مش على اساس كلام المهندسين المختصين طبعا ده مش فى كل الاحوال لكن فى معظمها ... يعنى ابسط مثال لما بقوله موضوع التلات ثوانى قبل ما تجيب المارشدير وكده قالى لا طبعا ما دا كلام غريب ومش منطقى ومينفش يتقال اصلا قولتله ما للاسف الكلام ده بيتقال
    اللى عاوزة اقوله فى الاخر ان القصة زى اى حاجة فى الدنيا بتعتمد شوية على الشخصيات اللى بيصدف انك بتتعامل معاها
    طيب الحل ... الحل ان لو عندك مشكلة امشى فيها زى اى حاجة تانية بالترتيب الطبيعى حتكلم المسئول اتحلت ماشى متحلتش بتروح للى فوقيه وهكذا ... واهم حاجة عندهم توصيل ال
    feedback لان ده هو اللى بيعرفهم ايه الوضع وايه المشاكل اللى موجودة علشان يحلوها

    فى الاخر اللى عاوزه ااكد عليه بجد كل كلام مهندس حسام انه التوكيل وهم كمهندسين عاوزين يرضوا العملاء ويحلوا كل المشاكل وهكذا وبجد اللى شوفته قدامى انه مبيتأخرش على حد فى حاجة يقدر يعملها وحتحل للعميل مشكلته .. كل الحكاية ان ممكن يكون فى ناس بطريقة معاملة غلط او بسوء تفكير ممكن بتدى انطباع غلط عن مكان كويس

    .....................................

    اخر خبرين بقى ومعلش طولت عليكم

    المرايات ان شاء الله ممكن ممكن احتمال ترخص شوية الفترة الجاية وربنا يسهل ... انا اتكلمت على قصة المراية دى بالذات

    كمان انا كنت فاكرة ان اللوجان التوكيل مبريكبش لها وحدات رفع مهندس حسام قالى لا عادى وناس كتير ركبتها فعلا عادى ... وقالى ان فى نوع فى السوق بتشترى وحدتين الوحدة ب 45 جنية تقريبا وتركبيها فى التوكيل احسن علشان كهربة اللوجان متعبة شوية التركيب بالضريبة بكله حوالى 200 يبقى القصة كلها تقريبا ب 300 جنية ومبروك علينا وحدات الرفع

    مهندس حسام وعدنى انه حيحاول يدخل على نايل موتورز ربنا يسهل ان شاء الله ويقدر فى ظل ظروف شغله ان شاء الله

    كده ياجماعة رأى الشخصى المتواضع ... انا مش شايفة ان اللوجان فيها اى مشكلة خلاص يعنى نقدر نقول عليها كاملة والكمال لله وحده طبعا اللهم زنة دواسة البنزين بس ودى فى ناس اصلا مش حاسة بيها وناس انا منهم متأقلمة معاها ومش الحاجة اللى حتضايقنى من لوجى

    شكرا رينو فرنسا على سرعة الاستجابة
    شكرا مهندس عمرو ابو الفتوح
    شكرا مهندس حسام حمدى جدااااااااااااااااا
    وطبعا شكرا نايل موتورز

    شكراااااااااااااااااااااا ... واسفة على الاطالة
    ربنا ارضى عنا وارحمنا .. امين

  • #2
    الف شكر يا هوبي علي نقل تجربتك مع التوكيل و ان شاء الله تكوني مبسوطه من العربية .. و انا ان شاء الله عامل بالعربية دلوقتي 4000 و قريب حروح اعمل صيانة ال 5000 . فياريت يعملوا موضوع الفتيس ده من غير مناهده .
    [SIZE=5][B]اللهم انك كريم حليم عفو تحب العفو فاعفو عنا[/B][B] .
    اللهم اعني علي ذكرك و شكرك و حسن عبادتك .[/B][/SIZE]

    Comment


    • #3
      مبروك يا هوبى وشكراً على المعلومات الجديدة .. بس خللى بالك غالباً هم بسطوكى علشان أنتى بقيتى vip دلوقتى وصوتك مسمع لفرنسا ..

      يعنى ابسط مثال لما بقوله موضوع التلات ثوانى قبل ما تجيب المارشدير وكده قالى لا طبعا ما دا كلام غريب ومش منطقى ومينفش يتقال اصلا قولتله ما للاسف الكلام ده بيتقال
      موضوع الـ 3 ثوانى قاله ليا كبير مهندسى المقطم مش مجرد موظف استقبال..
      [LEFT]The only alternative to coexistence is codestruction - [I]Nehru[/I]
      [/LEFT]
      [LEFT][COLOR=#000000][LEFT]

      [/LEFT]
      [/COLOR][/LEFT]

      Comment


      • #4
        مبروك يا هوبى وشكراً على المعلومات الجديدة .. بس خللى بالك غالباً هم بسطوكى علشان أنتى بقيتى vip دلوقتى وصوتك مسمع لفرنسا ..

        نمسك الخشب بقى

        موضوع الـ 3 ثوانى قاله ليا كبير مهندسى المقطم مش مجرد موظف استقبال..

        معلش المسامح كريم وخلينا فى دلوقتى
        ربنا ارضى عنا وارحمنا .. امين

        Comment


        • #5
          بجد أنا كل يوم بيزيد اعجابي بالعربيه دي

          Comment


          • #6
            يعنى المفروض دلوقتى من غير ما أتكلم يعملوها
            يعنى أقولهم عندى تزعيق فى المارشدين مش هيعدو يقولو 3 ثوانى أو هات الأول
            ربنا يسهل
            Eng. Ahmed Bakr:tank:

            Comment


            • #7
              والله انا مهندس من الورشه ركب معايا ووريته العضه
              وقالى استنى علي المارشدير 3 ثوانى
              ده غير سوء المعامله فى الاستقبال من احد الموظفين
              ومشكلى اتحلت بالزعيق ولو مكنتش اتحلت بالزعيق انا كنت هقل ادبى بصراحه
              عشان انا خرجت عن شعورى خلاص ساعتها
              والله انا شايف يا جماعه ان كل واحد عنده مشكله يبعت لفرنسا ويشتكى
              عشان جنابهم يعملوك بأحترام شويه
              [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

              Comment


              • #8
                المشاركة الأصلية كتبت بواسطة super_star_h مشاهدة المشاركة
                والله انا مهندس من الورشه ركب معايا ووريته العضه

                وقالى استنى علي المارشدير 3 ثوانى
                ده غير سوء المعامله فى الاستقبال من احد الموظفين
                ومشكلى اتحلت بالزعيق ولو مكنتش اتحلت بالزعيق انا كنت هقل ادبى بصراحه
                عشان انا خرجت عن شعورى خلاص ساعتها
                والله انا شايف يا جماعه ان كل واحد عنده مشكله يبعت لفرنسا ويشتكى
                عشان جنابهم يعملوك بأحترام شويه
                انت اتعاملت مع مين---مش معنى فى مقف وحش او واحد وحش انك مترجعش لالاكبر منه او مهندس غيره

                Comment


                • #9
                  توكيل محترم بالفعل ..

                  Comment


                  • #10
                    المشاركة الأصلية كتبت بواسطة yassen010 مشاهدة المشاركة
                    انت اتعاملت مع مين---مش معنى فى مقف وحش او واحد وحش انك مترجعش لالاكبر منه او مهندس غيره
                    دى مش غلطتى
                    انا عميل
                    المفروض كل شخص بيمثل اسم واحد
                    [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

                    Comment


                    • #11
                      و الله تقرير مبشر و رجعلي الأمل في التوكيل _ مجهود ممتاز
                      المشاركة الأصلية كتبت بواسطة hobby10 مشاهدة المشاركة
                      المرايات ان شاء الله ممكن ممكن احتمال ترخص شوية الفترة الجاية وربنا يسهل ... انا اتكلمت على قصة المراية دى بالذات
                      الله يكرمكم يا شباب أي خبر أن المرايات الكهرباء رخصت تبلغوني علشان أشتري 2 إحتياطي لحسن المريات عندي غاوية تسلم علي زميلها في شوارع القاهرة الكبرى

                      Comment


                      • #12
                        مبرووووووووووك يا هبة
                        [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

                        [mtohg=null]http://i647.photobucket.com/albums/uu192/bishoy02010/651654076.jpg[/mtohg]
                        [/CENTER]

                        Comment


                        • #13
                          الله يبارك فيك يابشوى
                          ربنا ارضى عنا وارحمنا .. امين

                          Comment


                          • #14
                            المشاركة الأصلية كتبت بواسطة yassen010 مشاهدة المشاركة
                            انت اتعاملت مع مين---مش معنى فى مقف وحش او واحد وحش انك مترجعش لالاكبر منه او مهندس غيره
                            +1111111
                            ربنا ارضى عنا وارحمنا .. امين

                            Comment


                            • #15
                              المشاركة الأصلية كتبت بواسطة mah_badawy مشاهدة المشاركة
                              و الله تقرير مبشر و رجعلي الأمل في التوكيل _ مجهود ممتاز
                              +1111111
                              ربنا ارضى عنا وارحمنا .. امين

                              Comment

                              Working...
                              X