و بدأت حكايتى مع اللوجان

[Impra]

الحمد لله استلمت اللوجان البترولى فول اوبشن من يومين و رخصتها فى ساعة واحدة بس ، و على فكرة أنا كنت سايق قبلها ماروتى و بعدين بيكانتو
و دى ملاحظاتى فى اليومين دول بعد ما عملت بيها 250 ك و طبعاً انا لسه فى التليين و علشان كده ما باسحبش بها جامد
• البيكانتو انعم منها و احلى بمراحل بس انا محتاج شنطة و عربية كبيرة
• صوت الموتور عالى جدا لكن العزل فى الكابينة لا بأس به ، بيخليك حاسس بالصوت بس بيكون مكتوم و أعتقد لان صوته عالى فهناك زنة محسوسة فى دواسة البنزين
• كله حركة و همسة و زنة فى الموتور بتكون محسوسة فى الفتيس حتى لو دوست فرامل علشان أهدى شوية و أنا ماشى بأحس بالدوسة فى الفتيس
• التكييف مش عاجبنى خالص و لازم أشغله على 4 علشان بس أحس أنه ملتطف الجو و عمرى ما حسيت بالنهار أنه بيسقع حاجة على عكس البيكانتو . و علشان أبدأ احس بالبرودة البسيطة لازم الأر.بى.إم يزيد عن 2000 . و توزيع الهواء بتاعه سيء
• فيه صوت تكة باسمعه من تحت العربية و أنا ماشى على الاول أو التانى و كأنها من صندوق التروس و مش عارف أربطها باى حاجة لأنها ساعات بتكون مش موجودة و علشان اسمعها كويس لازم أكون قافل التكييف و فاتح زجاج العربية
• ما حسيتش خالص بعضة المارشدير و لكن الأول و التانى تقال شوية أما التالت و الرابع كويسين
• ما شاء الله على العفشة و الثبات (عشرة على عشرة)
• الكراسى كنزة و صغيرة و تقويسة الظهر غير مريحة و مكان الخياطة فى الظهر و المقعده متعب جداً جداً لأنه عامل زى حز ناشف بس موضع الخياطة دى اتحل شوية لما ركبت فرش جلد محترم
• موضوع فتح تنك البنزين من الخارج غلس جداً
• الراديو سى دى زى الفل
• صوت الإشارة تحفة بس اللمبة بتاعت الإشارة اللى فى التابلوه بتنور فى الإتجاهين فى نفس الوقت مش يمين أول شمال على حدا مع الإشارة
• باور الدركسيون كان تقيل لاكن لما حطيت طارة جلد اصبح التحكم فيه كويس
• الفرامل كويسة
• لمبة الحزام مش بتنور عندى و مش عارف ليه
• الإضاءة و الأنوار تحفة بجد

[ahmedbakr50]

ربنا يديك خيرها ويكفيك شرها

• لمبة الحزام مش بتنور عندى و مش عارف ليه
• الإضاءة و الأنوار تحفة بجد

هيه ملغية ومش عارف ليه بيوفرو 2 مليم
وصوت الإشارة واطى جداً يعنى إذا مشغل الكاسيت ويوم بالنهار ممكن أنسى إنى مدى إشارة

[Super_Star_h]

• صوت الموتور عالى جدا لكن العزل فى الكابينة لا بأس به ، بيخليك حاسس بالصوت بس بيكون مكتوم و أعتقد لان صوته عالى فهناك زنة محسوسة فى دواسة البنزين
• كله حركة و همسة و زنة فى الموتور بتكون محسوسة فى الفتيس حتى لو دوست فرامل علشان أهدى شوية و أنا ماشى بأحس بالدوسة فى الفتيس

• فيه صوت تكة باسمعه من تحت العربية و أنا ماشى على الاول أو التانى و كأنها من صندوق التروس و مش عارف أربطها باى حاجة لأنها ساعات بتكون مش موجودة و علشان اسمعها كويس لازم أكون قافل التكييف و فاتح زجاج العربية
• ما حسيتش خالص بعضة المارشدير و لكن الأول و التانى تقال شوية أما التالت و الرابع كويسين

• لمبة الحزام مش بتنور عندى و مش عارف ليه

موضوع التكه كان عندى برضو على الاول والتانى وانا بهدى
وطلع فى الاخر العفشه عايزه تتربط وبقى كله تمام
وموضوع الفيبريشن بتاع دواسه البنزين هيختفى مع الوقت وخصوصآ بعد ال 10000 الاف
انا عربيتى عامله 15000 الف كيلو والموضوع تقريبآ انتهى
وكذلك موضوع الفتيس الفيبريشن خف عن الاول بكتير جدآ
ولمبة الحزام مش شغاله عند كله لانها مش موجوده فى اللوجان
وصوت الماتور بقى انعم من الاول بكتير جدآ جدآ ده كان مضايقنى اوى الاول
وسحب العربيه بقى احسن والحمد لله

[M.Radwan]

• التكييف مش عاجبنى خالص و لازم أشغله على 4 علشان بس أحس أنه ملتطف الجو و عمرى ما حسيت بالنهار أنه بيسقع حاجة على عكس البيكانتو . و علشان أبدأ احس بالبرودة البسيطة لازم الأر.بى.إم يزيد عن 2000 . و توزيع الهواء بتاعه سيء

اللى مكتوب في المانيوال انك المفروض التكييف ميشتغلش قبل الألف كيلو الأولى..بالنسبة للتكييف، أنا شغلته طول اليوم امبارح على 2 وساعات على 3 وكان ممتاز بصراحة.

[Egyzizo]

التكييف عندى كويس خالص ، وباشغله على 2 وكافى جداً فى اليومين الحر دول.

[M.Osman]

• باور الدركسيون كان تقيل لاكن لما حطيت طارة جلد اصبح التحكم فيه كويس

يعني اية يعني ؟؟؟

و ازاي هتفرق اصلاً ؟؟

[factorialx]

على فكره الباور عندي كان تقيل سنه بعد 7000 كيلو بقى كويس

و التكيف أديله 3/5

[hugan]

يعني اية يعني ؟؟؟

و ازاي هتفرق اصلاً ؟؟

الطاره الجلد بتخلي الدركسيون اكبر شويه بتدي عزم اكبر معاه عند الدوران

[DOCTORBADRAN]

البيكانتو انعم منها و احلى بمراحل بس انا محتاج شنطة ؟؟؟؟؟؟؟؟
تريت تقولنا احلى فى اية...............

[bishoy02010]

البيكانتو انعم منها و احلى بمراحل بس انا محتاج شنطة ؟؟؟؟؟؟؟؟
تريت تقولنا احلى فى اية...............

+1111
والف مبروك العربية

[ahmednashaat]

ربنا يديك خيرها ويكفيك شرها

[amr.elsayed]

الف مبرووك وربنا يباركلك فيها ويكفيك شرها
ابقى افتكرنى علشان انت بعد 5000 كيلو حتقول شعر فى اللوجان عارف ليه
علشان كل اللى بتشتكى منه حيتظبط معاك فى خلال الفترة دى وبعد صيانة ال 5000 العربية حتفوق معاك جدا
سواء فى الاهتزازات اللى فى الفتيس او الدواسات او سواء فى صوت الماتور او سواء فى تقل الفتيس
كل دة حينعم معاك اكتر واكتر وانت حتلاحظ بنفسك تحسن اداء السيارة مع مرور الوقت
.....................
حاجة بس عايز اعلق عليها وهى التكييف بعد ما تعدى 2000 كيلو ابقى جرب التكييف تانى
وحاول تتبع تعليمات تشغيل التكييف زى ان انت تخرج الهواء السخن الاول من العربية يعنى تفتح النوافذ لمدة 5 دقائق
وبعد كدة تشغل التكييف دقيقتين والنوافذ مفتوحة وتبدأ تقفل النوافذ واحد واحد
عموما لو التكييف اداءه غير مرضى بعد فترة من عمل كيلوات قولهم عليه فى الصيانة وغالبا بتكون حاجات بسيطة جدا
تقبل مرورى والف مبروك

[mindvision]

التكييف فعلا ماتحكمش عليه من دلوقتي واستني حتي لما تقفل الـ1000 كيلو الاولي... انا كان عندي مش متظبط في الاول برده لما كنت اقل من 1000كم لكن بعد كده بقي 10 علي 10 الحمد لله

[ahmedbakr50]

اللى مكتوب في المانيوال انك المفروض التكييف ميشتغلش قبل الألف كيلو الأولى..بالنسبة للتكييف، أنا شغلته طول اليوم امبارح على 2 وساعات على 3 وكان ممتاز بصراحة.

أنا قرأت المانويل كله ومش جايب سيره إنه متشغلوش فى أول 1000 كم
ممكن حضرتك تقولى قرأتها فين؟؟

[Impra]

اللى مكتوب في المانيوال انك المفروض التكييف ميشتغلش قبل الألف كيلو الأولى..بالنسبة للتكييف، أنا شغلته طول اليوم امبارح على 2 وساعات على 3 وكان ممتاز بصراحة.

انا مش لاقى الكلام ده فى كتيب التشغيل