هل فعلا العربية الجديدة لازم تاخد العين ؟؟؟

[cementman]

اللى حصل معايا مش حرص ولا اى حاجة
نزلت من العربية كان فى متوسكل واقف فا المهم وقع على الباب الخلفى للساتق طبعاخد خبطة اكنك بسيف يدك كدة وانا بشيلة فا بزقو جامد ونا مدايق فا صباعى الصغير خبط فية خبطة جامدة واتكسر وروحت جبست ايدى اليمين ومسوقتش العربية لمدة شهررر واكان داخل العيد الصغيرر
فا قدر الله مشاء فعل

واضح اننا هتسمع عن تجارب شخصية غريبة و عجيبة

[nomercy22]

اه والله العين تقصف الحجر

[cementman]

طيب و العيال اللى مقضيينها لعب فى الشارع و تنطيط على العربيات !!!!

[menocomp]

فكرتنى بالذى مضى.
بس لازم أرجع وأقول الحمد لله.
3شهور أستخدام , عربية عاملة 3000 كيلو مركونة صف أول أنزل ألاقيها مخبوطة جامد أعمل مقايسة فى التوكيل تتطلع بمبلغ 26000 بعد التخفيض.

ربنا يسهلنا طريقنا.

[llottfy]

قال رسول الله صلى الله عليه وسلم "العين حق"
وقد ثبتت الأحاديث عن النبي صلى الله عليه وسلم في الإصابة بالعين ، فمن ذلك ما في الصحيحين عن عائشة رضي الله عنها قالت : " كان رسول الله صلى الله عليه وسلم يأمرني أن أسترقي من العين " ،
وأخرج مسلم وأحمد والترمذي وصححه عن ابن عباس رضي الله عنهما عن النبي صلى الله عليه وسلم قال : " العين حق ولو كان شيء سابق القدر لسبقته العين ، وإذا استغسلتم فاغسلوا " صححه الألباني في السلسلة الصحيحة ( 1251 ) .
وأخرج الإمام أحمد والترمذي ( 2059 ) وصححه ، عن أسماء بنت عميس أنها قالت : يا رسول الله ، إن بني جعفر تصيبهم العين ، أفنسترقي لهم ؟ ، قال : نعم ، فلو كان شيء سابق القدر لسبقته العين . وصححه الألباني في صحيح الترمذي.

ولكن التحصن من العين يجب أن يكون بالأساليب الشرعية وليس كما يحدث مثلا كفوف الدم على العربية وفردة الحذاء وكوز الدرة والكلام الفاضي دا
وانما التحصن من العين يكون من خلال التعوذات النبوية وكثرة قراءة المعوذتين وسورة الإخلاص وفاتحة الكتاب وآية الكرسي ، ومن التعوذات : " أعوذ بكلمات الله التامات من شر ما خلق " و " أعوذ بكلمات الله التامة من غضبه وعقابه ، ومن شر عباده ومن همزات الشياطين وأن يحضرون " ، وقوله تعالى { حسبي الله لا إله إلا هو عليه توكلت وهو رب العرش العظيم } ونحو ذلك من الأدعية الشرعية

جزاك الله كل خير

[drahmd]

قصة العين دي معرفش صح ولا غلط بس العربيه اتحكت 3 حكات وهي واقفه واحده رفرف قداماني يمين وواحده رفرف قداماني شمال وواحده رفرف وراني شمال صحيح كلها حكات بسيطه بس تخلي الواحد يتنرفز ويتحرق دمه بصراحه.

[M.Radwan]

عربيتي الحمد لله اتخبطت مرتين في نفس الرفرف
وجاتلها زلطة في الزجاج الامامي على الدائري
عايز أكد ان في الناس في مصر وحشين قوي ومحدش بيتمني الخير لحد
مرة ما شي بالعربية ومرجع الكرسي لورا شوية، لقيت واحد بيقولك:
هو ماله مجعوص قوي كده ليه!!
طب ده ترد عليه تقوله ايه؟

[cementman]

عربيتي الحمد لله اتخبطت مرتين في نفس الرفرف

وجاتلها زلطة في الزجاج الامامي على الدائري
عايز أكد ان في الناس في مصر وحشين قوي ومحدش بيتمني الخير لحد
مرة ما شي بالعربية ومرجع الكرسي لورا شوية، لقيت واحد بيقولك:
هو ماله مجعوص قوي كده ليه!!
طب ده ترد عليه تقوله ايه؟

طيب وانت كنت مرجع الكرسى ليه!!!!

[M.Radwan]

طيب وانت كنت مرجع الكرسى ليه!!!!

يعني لازم لما أركب العربية، ألزق الكرسي فى الدركسيون عشان أعجب!!
معلومة جديدة دي برضه أشكرك عليها

[Super_Star_h]

طبعآ كل شئ نصيب
ونصيبها هيجيلها لغايت عندها حتى لو راكنه فى البيت
المهم ان الانسان يعمل اللى عليه
ياخد باله فى الاول على ما يتعود على العربيه
يركنها ركنات مضمونه ويقفل مرياته
مش تسبهالى فى ملطش وترجع تلاقيها اتخبطت ما ده الطبيعى
وخصوصآ ان احنا عندنا فى مصر ناس راضعه برسيم
لا بيفهمو سواقه ولا بيفهمو فى حاجه خالص

[Super_Star_h]

عربيتي الحمد لله اتخبطت مرتين في نفس الرفرف
وجاتلها زلطة في الزجاج الامامي على الدائري
عايز أكد ان في الناس في مصر وحشين قوي ومحدش بيتمني الخير لحد
مرة ما شي بالعربية ومرجع الكرسي لورا شوية، لقيت واحد بيقولك:
هو ماله مجعوص قوي كده ليه!!
طب ده ترد عليه تقوله ايه؟

قوله يا عم انجعص برحتى بفلوسى
محدش له عندى حاجه
انت راكب ملاكى مش اجره
يعنى تنجعص برحتك وتحط رجل على رجل كمان طالع تتفسح
وهو اصلآ لو مكانك هينجعص اكتر منك
ده شعب حقود اصلك

[M.Radwan]

وخصوصآ ان احنا عندنا فى مصر ناس راضعه برسيم

[د.محمود صلاح]

قراءة دعاء الركوب والسفر ,, وقراءة المعوذتين

[MOK3336]

يا جماعة بجد الموضوع ده شاغلني جدا اليومين دول
هقولكم ايلي حصل معايا و أنتم بقي أحكموا
أول ما جبت العربية و داخل بيها الشارع عندنا
في ناس ( بعض الناس ) وقفوا يبصوا علي العربية كأنهم شايفين ( فيفي عبده ماشية ) معلش في التشبيه
كأنهم أول مرة يشوفوا عربية
أنا أديقت جدا بصراحة و قولت ربنا يستر
المهم
ثاني يوم لقيت واحد راكن قدامى بعربية بيجو 504 و الشنكل بتاع الإكصدام الوراني بتاعة عاجن الإكصدام القدمانى بتاعي
و الغريبة انه مش خبطها بقي يطلع قدام شوية لأ فضل زى ما هو
و إيلي أتغربتله أكتر أن كان قدامهم أكتر من واحد في المحلات ايلي في الشارع محدش عرف يقوله كفاية حاسب ؟؟؟

و ثالث يوم راجع بالعربية بظهري فخبط الرفرف القدامنى و الإكصدام إتحك
فواحد من ايلي انا مبقتش برتحلهم كل ايلي عمله طلع من محله و بص علي الخبطة و بكل غباء بص علي العربية بنظره إستحقار مش عارف شماته الله أعلم و دخل المحل لا حتى قالي معلش ألف سلامه ولا الهوي

لدرجة ان في ناس في الشارع انا معرفهومش اساسا و مليش علاقه بيهم لقيته وقفوا معايا و معلش و الحمد لله و ايلي يحاول يعدل الخبطة بإيدة و ايلي يقولي مفيهاش حاجة الحمد لله انك مخبطش عيل صغير و ايلي كان واقف عند العربية كأنها عربيته بالظبط

لكن أخونا أياه ولا حتى طلع و قال الحمد لله ربنا ستر

و انا من يوميها مش عاوز حتى ابص في وش حد من ايلي عارفهم و عارفه نفسيتهم عامله أزاى
مع أنى و الله معاملتي مع كل الناس حلوة و مش أكتر من السلام عليكم و عليكم السلام

لدرجة أنى وصلت لمرحة و انا طالع من الشارع أو داخل الشارع بقول ربنا يستر ربنا يستر

تخيوا بقي الناس وصلت لإية
ليه كل واحد ميسبش غيره في حالة و بدال ما يبصله بحقد يدعيله و يدعي لنفسه يرزقه أحسن منها

و إنا لله و إنا إليه راجعون

[sukkar76]

الحمد لله على كل حال
انا اشتريت العربيه الشهر اللى فات ولحد دلوقتى حكيت بيها مرتين
بصراحه لما اتخدشت منى ماحبيتش احاول اشيل الخدش من عليها قلت يمكن علشان ماحدش يحسدها يعنى اخليه علشان العين.ههههه