سى دى اللوجان بيقطع كتيير

[logan2010]

انا معايا العربيه من حوالى 3 شهور و طبعا كنت شغال على mp3 fm و الايان دى باشغل السى دى لقيته بيشتغل تمام و بعد ما يطول شويه يبدأ يقطع جربت كذا اشطوانه هوه تقريبا لما يسخن بتحصل المشكلة دى لانها مش بتحصل من اول التراك هل حد صادفته المشكلة دى و هل اغير الكاسيت و اجيب كاسيت تانى و ايه اللى ينفع للوجان انا سمعت انه البايونيير 2150 سعره 575 و ممتاز و فيه usb ولا فيه احسن منه و يكون سعره متهاود هل حد من الاخوه هنا غير السى دى بتاعه يا ريت يقولنا و يقول نوعه ايه ؟؟؟؟؟؟
بس المهم انه يكون خلفيته فى الاضاءة زى الكاسيت القديم لانه ماشى مع اضاءة العربيه

[factorialx]

اول حاجه ممكن يكون السي دي متجرح أو نوعية رديئه ------------> إشتري حافظة سيديهات أو غير لسيديهات tdk
ممكن تكون العدسة متربة مع إن العربية جديده و أنا معايا العربية من 6 شهور و محصلتش معايا المشكله دي

بس بالنسبه ليا الكاسيت شغال تمام حتى مع الطرق الطويله لما يسخن يعني

[hesham_tawfiq]

كان عندى نفس المشكله واكتشفت انو كان عيب السى دى اللى بستخدمه مش عيب البلاير

[M.Radwan]

المشكلة دي بتحصل عندي برضه لما السيدي يشتغل كتير
مش عارف العيب منين.

[Egyzizo]

طالما عندك mp3 ، يبقى احنا قرينــا عليك .. :)

[logan2010]

طالما عندك mp3 ، يبقى احنا قرينــا عليك .. :)

لا ما قريتو عليا لانه الكاسيت اوديو انا كنت اقصد ال fm mp3 الى بيركب فى الولاعه دا انا بافكر اغير السى دى بواحد يكون فيه usb و عاوز نوع يكون كويس و سعره متهاود

[Galilioz]

انا العربيه معايا بقالها اربع ايام حصل معايا الموضوع ده فى عدد 2 سي دى بصيت عليهم لقتهم مجروحين شويه روحت عاملين اتنين جداد وشغلتهم شغالين تمام ومحصلش حاجه من بعد كده وربنا يستر

[medoadel]

لا ما قريتو عليا لانه الكاسيت اوديو انا كنت اقصد ال fm mp3 الى بيركب فى الولاعه دا انا بافكر اغير السى دى بواحد يكون فيه usb و عاوز نوع يكون كويس و سعره متهاود

طيب ياباشا مش كنت توضح الموضوع ده قبل ما نقور عليك ياللا مش مش مشكلة ، على فكرة العيب ده تقريبا عيب سيديهات استخدم سى دى نضيفة وجرب، و تعرض السيديهات للحرارة العالية فى العربية ممكن يعمل كده. او تعرض السيديهات للخربشة.

[د.محمود صلاح]

سي دي نظيف وحافظة تحط فيها السيديهات بعد ما تخرجه

[arch_msaid]

طب ياجماعة لو غيرنا السى دى هايحصل مشكله مع الضمان؟؟؟

[logan2010]

طب ياجماعة لو غيرنا السى دى هايحصل مشكله مع الضمان؟؟؟

هوه مش عباره عن جاك بيتفك من ورا و يركب فى السى دى الجديد و لا السى دى بتبقى توصيلاته مختلفه ؟؟؟؟

[drahmd]

خلوا بالكو ياجماعه السيدي ممكن يكون جديد ونوعيه ممتازه بس منسوخ على سرعه عاليه على النيرو وده طبعا غلط وطبيعي تلاقيه بيقطع ساعات ويسرع ساعات.النسخ يكون على أقل سرعه في النيرو عشان تتنسخ الاسطوانه كويس والبلاي باك بتاعها يكون حلو.ده طبعا الى جانب حفظ السيديهات في حافظه.عموما جرب تنسخ السيدي على اقل سرعه واختار نوعيه كويسه ولو ماشتغلش يبقى غالبا من البلاير .

[gebreel]

يتحصل معايا بسبب السيديهات المتجرحة لو سي دي جديد عمرو ما هيعمل معاك كدة

[bishoy02010]

المشكلة 90% من السى ديهات هات سى دى نظيفة وهتشتغل معاك زى الفل

[hesham_tawfiq]

خلوا بالكو ياجماعه السيدي ممكن يكون جديد ونوعيه ممتازه بس منسوخ على سرعه عاليه على النيرو وده طبعا غلط وطبيعي تلاقيه بيقطع ساعات ويسرع ساعات.النسخ يكون على أقل سرعه في النيرو عشان تتنسخ الاسطوانه كويس والبلاي باك بتاعها يكون حلو.ده طبعا الى جانب حفظ السيديهات في حافظه.عموما جرب تنسخ السيدي على اقل سرعه واختار نوعيه كويسه ولو ماشتغلش يبقى غالبا من البلاير .

معلومه جديده جدابالنسبه ليا انا دايما بنسخ على سرعات عاليه
الف شكر على التنبيه