هل الوسائد الهوائية لها تاريخ صلاحية ؟

[ramos01]

الى اساتذة الرينو هل الوسائد الهوائية لها تاريخ صلاحية ؟ والموضوع ببساطة انة واحد قريبى قالى ان زميلة فى العمل عندة رينو ميجان وانة فجاة وجد الدركسيون تقيل جدا ولما راح للتوكيل قالولة ان دة بسبب انتهاء صلاحية الوسادة الهوائية ودة مرتبط بحد معين بالكيلو متر وانة حيكلفة حوالى 5 الاف جنية وطبعا معملهاش فى التوكيل وراح لواحد برة عملهالو بالف جنية .

ارجو الافادة حيث اننى ارغب فى شراء رينو لوجان وعايز اطمن قبل ماشتريها

[M.Radwan]

الى اساتذة الرينو هل الوسائد الهوائية لها تاريخ صلاحية ؟ والموضوع ببساطة انة واحد قريبى قالى ان زميلة فى العمل عندة رينو ميجان وانة فجاة وجد الدركسيون تقيل جدا ولما راح للتوكيل قالولة ان دة بسبب انتهاء صلاحية الوسادة الهوائية ودة مرتبط بحد معين بالكيلو متر وانة حيكلفة حوالى 5 الاف جنية وطبعا معملهاش فى التوكيل وراح لواحد برة عملهالو بالف جنية .

ارجو الافادة حيث اننى ارغب فى شراء رينو لوجان وعايز اطمن قبل ماشتريها

بصراحة أول مرة أسمع الحكاية دي
ليه ان شاء الله
هى الوسائد الهوائية علبة تونة مثلا؟

[human]

ديه جديييييييييييييييييده نوفى
لازم تتحط جنب المفتاح ابو 35 الف جنيه

طبعا كلام لا يسدكه عكل

[د.محمود صلاح]

بالفعل نظام الوسائد الهوائية له عمر افتراضي في حدود ال 10 سنوات تقريباً

[fadod]

ديه خدعة ، مفش حاجة اسمها صلاحية ، عربيتي القديمة الله يرحمها قبل الحادثة كانت كامري 97 ،وعمري ولا في ترخيص أو فحص أو تصليح عند toyota ،قالولي حاجة ذي ديه . الاختراعات ديه مش موجده غير في مصر .
أو ممكن داه يكون عيب تصنيع من toyota بس التوكيل علشان ميتحملش التكلفة ،قام ملبسها لصاحب العربية بصنعة لطافة

[Ahmed A Rahman]

اللي اعرفه من المنتدى هنا ان فعلا الوسائد الهوائية ليها 10 سنين صلاحية

لانها بتعتمد على انفجار مواد كيماوية معينة عشان تقدر تنفخ الكيس في جزء من الثانية قبل رأس السائق ما تخيش في الدركسيون

وان المواد المتفجرة ليها صلاحية عشان الرطوبة بتبوظها

دا كلام عضو ذهبي عزيز ربنا انعم عليه وجاب موتوسيكل وبصراحة بثق في كلامه

ربنا يكون في عون اللي عندهم 12 اير باج

[Moe86]

أيوا ليها تاريخ صلاحية زى ما د\محمود صلاح و hamadamd قالوا
فى الموقع دة
Airbag - Wikipedia, the free encyclopedia

Some automakers (such as Mercedes-Benz) call for the replacement of undeployed airbags after a certain period of time to ensure their reliability in an accident. One example is the 1992 S500 which has an expiry date sticker attached to the door pillar. Skoda vehicles say 14 years from the date of manufacture. In this case replacement would be uneconomic as the car would have negligible value at 14 years old, far less than the cost of fitting new airbags.

بيقولوا عربيات سكودا مثلا صلاحية الايرباج فيها 14 سنة

ياريت اللى مايعرفش معلومة مايتكلمش بثقة كدة!
بس اللى مستغرب لية فى عربية صاحبك الميجان , اية علاقة الايرباج بالدركسيون ؟ الايرباج مثلا فتحت عندى و ماشى بالعربية عادى جدا
و كمان الصلاحية مرتبطة بالسنيين مش بالكيلومترات

[Ahmed A Rahman]

[b][size=3].

ارجو الافادة حيث اننى ارغب فى شراء رينو لوجان وعايز اطمن قبل ماشتريها

معلش اصل الكلمة دي لفتت نظري

حضرتك عايز تتطمن ان الاير باج ليها صلاحية ولا لأ ولو ليها مش حتشتري اللوجان؟؟؟

انا قعدت سنة مش قادر اشتري النيو اكسنت رغم حبي ليها عشان غبور مخبي الاير باج في بيتهم ومش منزل اي من عربياته باير باج

وبدون الاختلاف في وجهات النظر
اي حادث يخلي الراس تخبط في الدركسيون بعنف
بعد الشر عن حضرتك وعنا جميعا
احنا بنتكلم على :
* كسر قاع الجمجمة
* كسر عظام الجمجمة
* نزيف داخلي في المخ
* فقدان البصر من شدة الضربة
* كسر في فقرات العنق (اذا لم يستخدم الحزام)

وصدقني وانا شغلي متعلق بهذه الاشياء, 5000 جنيه ولا حاجه
حاجه واحدة من دول تتكلف على الاقل 5 اضعاف المبلغ

[fadod]

أيوا ليها تاريخ صلاحية زى ما د\محمود صلاح و hamadamd قالوا
فى الموقع دة
Airbag - Wikipedia, the free encyclopedia

Some automakers (such as Mercedes-Benz) call for the replacement of undeployed airbags after a certain period of time to ensure their reliability in an accident. One example is the 1992 S500 which has an expiry date sticker attached to the door pillar. Skoda vehicles say 14 years from the date of manufacture. In this case replacement would be uneconomic as the car would have negligible value at 14 years old, far less than the cost of fitting new airbags.

بيقولوا عربيات سكودا مثلا صلاحية الايرباج فيها 14 سنة

ياريت اللى مايعرفش معلومة مايتكلمش بثقة كدة!
بس اللى مستغرب لية فى عربية صاحبك الميجان , اية علاقة الايرباج بالدركسيون ؟ الايرباج مثلا فتحت عندى و ماشى بالعربية عادى جدا
و كمان الصلاحية مرتبطة بالسنيين مش بالكيلومترات

نتكلم بالراحة،
إنت بتتكلم عن موديلات قبل 92 و بيقولك some ،مش كل الموديلات كمان ، وبعدين wikipidea داه مصدر ضعيف، أنا هنا كان معايا كذا عربية وفي أمريكا ،وكلهم أكتر من 15 سنة وعمر ماحصل لي إستدعاء من أي شركة. طبعاً أنا هنا لو عملت حادثة وال-airbag مفتحتش ممكن أخد فيها تعويض بالملايين ، وتبقى مصيبتهم مصيبة . ذي موضوع فرامل toyota كدة إلي علشانه استدعت كام ميت ألف عربية.وبعدين لو ديه حاجة أساسية كانو نبهوا عليها كفاية ، هو فيه حد بيرمي عربية بعد 10 سنين .

[د.محمود صلاح]

أنا لفيت على كم منتدى أجنبي بخصوص الموضوع ده والمكتوب " ينصح " بتغيير النظام وليس إجباري .

[kojo2010]

اعتقد ان التوكيل بيبالغ كتير وممكن تكون بايظه من الاول

[arch_msaid]

بصراحة أول مرة أسمع الحكاية دي
ليه ان شاء الله
هى الوسائد الهوائية علبة تونة مثلا؟ :n_no[1]:

جامدة بجد:)

حاجة تحزن فعلا نحط فلوسها جمب ال 15000 اللى قبليها وربنا يستر علينا

[bishoy02010]

معلومة مهمة مع انى مسمعتهاش قبل كده

[ramos01]

مشكوريين انا بس كنت عايز اطمن واعرف اية الصح

[ahmedbakr50]

بيقولوا عربيات سكودا مثلا صلاحية الايرباج فيها 14 سنة

ياريت اللى مايعرفش معلومة مايتكلمش بثقة كدة!
بس اللى مستغرب لية فى عربية صاحبك الميجان , اية علاقة الايرباج بالدركسيون ؟ الايرباج مثلا فتحت عندى و ماشى بالعربية عادى جدا
و كمان الصلاحية مرتبطة بالسنيين مش بالكيلومترات

هوه إذا إيرباج الدركسيون فتح ممكن الدركسيون ميتغيرش ونمشى بالعربية عادى؟؟؟؟؟ من غير إيرباج؟؟