هل ممكن الدواسات البلاستيك بتعت اللوجان ....

[exart2u]

هل ممكن الدواسات البلاستيك بتعت اللوجان تنكسر من كتر الاستخدام ولا إيه الحوار بتاع الدواواست البالستك دي أول مرة أعرف الحوار ده

[Super_Star_h]

اه ده والنصيبه كمان
ان الاكصدمات فيبر
اززززززززززززززززززززززززززززززززاى الكلام ده
لا لا لا لا انا هكسر الدوسات واروح لورشة لحام تركبلى سيخ حديد محمل اه
عشان الدواسات تسقط منها لنفسها كده توماتيكى توماتيكى
بلاش قلق بقى
وربنا ده بلاستيك مضغوط ومحمل وقوى جدآآآآآآآآآآ
وفى نفس الوقت اخف من الحديد

[AirForces]

يا جماعة هو اى حاجة بلاستيك تبقا بتتكسر البلاستيك دا مليون نوع وفى حاجة اسمها هندسة مواد مش هيعملوا دواسة بتتكسر مع الوقت دا هما عاملينها بلاستيك عشان تبقا سهلة الحركة مش هيضحوا بعملاءهم عشان يفرحوهم شوية

اطمن يا فندم

[karimnet]

ايه الدواسات البلاستيك دى ؟

[ada7]

معلومه صغيره دواسة الفرامل حديد
وباقى الدواسات معموله من البلاستك المفروض اه يستحمل الضعط (احنا مش هنحارب ) وده لتقليل وزن السياره وتكلفة المواد

[zkralla]

ايه الدواسات البلاستيك دى ؟

بنزين ودبرياج وفرامل

بلاش يا باشا القلق ده أنت ربنا رزقك بعربيه عملاها شركه ليها تاريخ كبير ومش اول مره تعمل دواسات وكل حاجه بيتعمل عليها دراسات كتير قبل ما تتحط فى العربيه
هى من بلاستيك قوى وكمان معلهاش تحميل بدرجه كبيره

[3ateef]

هههههههههه والله موتني ضحك اضحك الله سنك

[exart2u]

يا جدعان احنا هنضحك علي بعض البلاستك طول عمره بيتكسر حتى لو كان ............ دي حقيقة النهرده الدواسات بلاستيك والاكسدامات فيبر بكرة الموتور يبقى داخل في تركيبته البلاستك والمصيبة يضحك عليك ويقولك أصله بلاستيك مقوى يعني بالذمة دواسة حديد هتزود علي تمن العربيه كام يعني خلاص داقت بيهم الدنيا
وإيه كمان يا لوجي.............

[Moh_Ibrahim]

على فكره فى بلاستيك اقوى من الحديد و احنا ممكن نسال و نعرف نوع بلاستيك تادوسات ايه و نشوف مدى قوته
فا قبل ما اى حد يتكلم لازم نعرف قوة الخامه الاول علميا و ليس بالفقاقه


واشنطن : تمكن فريق من العلماء الأمريكيين من تطوير نوع خاص من البلاستيك تفوق صلابته الحديد ليستخدم في عمليات البناء.

وأشار الباحثون إلى أن الأبحاث اعتمدت على تطوير تركيبة جزئيات البلاستيك وبعض المواد الموجودة في الأصداف البحرية لتكسبها المزيد من الصلابة وقوة التحمل، وتم تصنيعها على هيئة طبقات شديدة الدقة تصل إلى 300 طبقة مع خلط مادة البوليمير والتي تتناغم خواصها مع خواص الغراء الأبيض.

ويرى العلماء طبقاً لما ورد بجريدة "عمان اليوم"، أن البلاستيك المطور يمكن الاستعانة به في العديد من الصناعات الهامة كالطائرات والأجهزة الكهربائية الدقيقة وشرائح الحاسب الآلي.

[karimnet]

معتقدش رينو هابلة حتعمل دواسات بلاستيك زى بلاستيك لعب الأطفال يعنى

ان شاء الله خير :)

[amr.elsayed]

يعنى مش كفاية عمال تشتغلنا وتقول انك معاك لوجان وساكتين لأ وكمان عمال تعمل مواضيع مستفزة
ليس لها اى جدوى او منفعة غير استفزاز ملاك العربية .. بطل نفسنة من اللوجان بدل مسيحلك

[zkralla]

هو أنت بتاع الاشتغاله الى كنت بتسأل ازاى اجيب لوجان من المغرب وتانى يوم بقت عندك بقدره قادر - لا سحر ولا شعوذه -
وأنا عمال اقولك بلاش قلق وقلت فى عقل بالى "يمكن يكون موسوس شويه فعشان كده بيسأل الاسئله التعبانه وبقول اطمنه "
ده كنت بحسبك بحسبك اتاريك اتاريك

[amr.elsayed]

هو أنت بتاع الاشتغاله الى كنت بتسأل ازاى اجيب لوجان من المغرب وتانى يوم بقت عندك بقدره قادر - لا سحر ولا شعوذه -
وأنا عمال اقولك بلاش قلق وقلت فى عقل بالى "يمكن يكون موسوس شويه فعشان كده بيسأل الاسئله التعبانه وبقول اطمنه "
ده كنت بحسبك بحسبك اتاريك اتاريك

+10
بتحط نفسك فى مواقف بايخااااااااااااا

[ahfares]

أة وانا اللى كنت فاكر

[exart2u]

كان اوفرلها تعمل الدواسات الحديد بدل ماتستخدم داواسات بلاستيك متطور