بخصوص تغيير الباب...

[M.Radwan]

السلام عليكم

الموضوع باختصار يا جماعة ان اخويا خرشم الباب الخلفي يمين للعربية
وطبعا اطبق كله ودخل لجوا، بس الحمد لله الازاز سليم وكل حاجة سليمة
وتم رد الباب على البارد.
المشكلة بقى في منظر الباب طبعا مبقاش زي الأول، هو مش ملحوظ غير لما تدقق فيه
بس الخرابيش باينة اوي. دلوقتى قدامي حلين:

1- اني أعمل الباب على الساخن وأرشه.
2- اني أجيب باب جديد.

ياريت حد يقولي أنهي حل أفضل مع العلم ان الباب الجديد غالى تمنه 1000 جنيه تقريبا
ده طبعا اكيد من غير الرش ومصنعيات التركيب،

[frhateg]

لو انت من القاهرة او ضواحيها تروح عدل علي العقيد خالد حتلاقي الأعلان بتاعه فوووووووووووووق .

[Ahmed A Rahman]

اولا الف سلامة للوجي على العربية والحمد لله على اي مكروه

رأيي الشخصي تعمله على البارد لان تقريبا اعتقد ان لما اي توكيل بيقول الباب ب 1000 جنيه بيبقى الصاج
يعني من غير مكن الازاز والفرش والازاز والمشتملات دي

ولا ايه؟

اطلع على العقيد خالد واستشيره فيها حيقولك الصح خصوصا انه من مالكي رينو ميجان فله خبره بالتوكيل

[M.Radwan]

اولا الف سلامة للوجي على العربية والحمد لله على اي مكروه

رأيي الشخصي تعمله على البارد لان تقريبا اعتقد ان لما اي توكيل بيقول الباب ب 1000 جنيه بيبقى الصاج
يعني من غير مكن الازاز والفرش والازاز والمشتملات دي

ولا ايه؟

اطلع على العقيد خالد واستشيره فيها حيقولك الصح خصوصا انه من مالكي رينو ميجان فله خبره بالتوكيل

الله يخليك يا باشا، معرفش والله العربية دي واخدة العين جامد كده ليه..بس الحمد لله.
مهو يا باشا ممكن ناخد الحاجات دي من الباب القديم..
أنا كنت ناوي أروح لسيادة العقيد وعشان كده ردتها على البارد الأول..لان عندي كمان رفرف مخبوط خبطة صغيرة السمكري معرفش يتصرف معاه وقالى لازم على السخن قلتله لأ.

بس السؤال بقى، هل لو جبت الباب جديد، هيركب زي الفابريكة بالظبط ولا هيبقى باين انه متغير؟ وكذلك الأمر بالنسبة لتغيير الرفرف.

[bishoy02010]

طبعا بكل المقايس الباب الجديد هيكون افضل وهيبقى فبريكة بالظبط لكن الموضوع كله هيعتمد على حالة الباب القديم فلو ممكن صور او تروح على العقيد خالد على طول وكل حاجة هتتظبط

[Col. Eng. Khaled]

رديت على حضرتك على الخاص .




إصلاح جاري من يوم الجمعة (الصور من على الونش) :-

[M.Radwan]

طبعا بكل المقايس الباب الجديد هيكون افضل وهيبقى فبريكة بالظبط لكن الموضوع كله هيعتمد على حالة الباب القديم فلو ممكن صور او تروح على العقيد خالد على طول وكل حاجة هتتظبط

شكرا يا بشوي باشا..وان شاء الله هروح لسيادة العقيد الأول

[M.Radwan]

رديت على حضرتك على الخاص .




إصلاح جاري من يوم الجمعة (الصور من على الونش) :-

شكرا على ردك يا سيادة العقيد..وان شاء الله هاجي لحضرتك قريب.

[zkralla]

سمكر يا باشا اوفر كتير والعقيد خالد أن شاء الله يرجعوا جديد

[barakot]

الله يعوض عليك والحمد لله أنها خسائر مادية و ليست في الأرواح.... بس ليا سؤال أنت ليه مش مأمن على العربيه ده لسه جديده ؟؟

[M.Radwan]

الله يعوض عليك والحمد لله أنها خسائر مادية و ليست في الأرواح.... بس ليا سؤال أنت ليه مش مأمن على العربيه ده لسه جديده ؟؟

لان بحثت في موضوع التأمين كثرا فوجدت انه حرام،

[karimnet]

بارك الله فيك

[placebo_sh82]

هى الخبطة كانت جامدة و لا الصاج هو اللى ضعيف؟