مطلوب النصيحه

[amintaha]

السلام عليكم
انا عندى مشكله فى التكيف اثناء الزحمه بحس ان التكيف بيخلى العربيه السحب بتاعه بيبقى سئ جدا واحس ان العربيه متكتفه فعرفت من المنتدى انه ده سببه ان الفريون بيبقى زياده شويه (هل ده صح ولا فى سبب تانى) فكنت اول لما ارجع من السفر هروح التوكيل واشوف هيقوله ايه وكنت عايز اركب مجموعه البيرك الخاصه بعضه الفتيس لكن لقيت اكثر من عضو بينصحوا بعدم تركيبها لانها بتعمل مشاكل فهل ده فعلا السبب فى المشاكل ولا بلاش اركبها
افيدونى افادكم الله

[M.Radwan]

حضرتك عامل كام كيلو بالعربية لحد دلوقتي؟

[amintaha]

مطلوب النصيحه

السلام عليكم
انا عامل لغايت دلوقتى 900 كيلو ومعايا بقالها شهرين واتمنى ترد عليه بالنسبه للتكيف و الفتيس
وجزاك الله كل خير

[mohamed1979]

الحل فى التكييف انك تروح التوكيل و يظبط شحن الفريون و التكييف حيشتغل ان شاء الله كويس و زى الفل
اما مجموعه البريك فمش مقتنع بيها لان الفتيس فعلا كان فيه عضه بالمرشدير و لما العربيه عندى عدت ال 16000 الف اختفت تماما العضه و الفتيس اصبح اكثر نعومه و علشان كده مش حتكلم على مجموعه البريك فى صيانه ال20000 لأن الفتيس بقى تمام

[amr.elsayed]

900 كيلو قليل اوى علشان تحصل على اداء جيد من العربية اقل عدد كيلوات علشان تقدر تحكم 3000 كيلو
العربية فى اول عمرها بتكون مخنوقة حتى من غير تكييف ... انت لسة الماتور حيفتح معاك والسحب كمان لسة حيتحسن اكتر
.............................
عضة المارشدير لو مش موجودة عندك او موجودة على خفيف ما تتطلبش منهم يركبوا حاجة طالما مالهاش لازمة

[M.Radwan]

900 كيلو قليل اوى علشان تحصل على اداء جيد من العربية اقل عدد كيلوات علشان تقدر تحكم 3000 كيلو
العربية فى اول عمرها بتكون مخنوقة حتى من غير تكييف ... انت لسة الماتور حيفتح معاك والسحب كمان لسة حيتحسن اكتر
.............................
عضة المارشدير لو مش موجودة عندك او موجودة على خفيف ما تتطلبش منهم يركبوا حاجة طالما مالهاش لازمة

هو ده الكلام المظبوط..وحضرتك المفروض أصلا متشغلش التكييف قبل الألف كيلو

[amintaha]

مطلوب النصيحه

السلام عليكم
جزاكم الله كل خير على النصيحه بس انا كنت بشغل التكييف لانهم قالولى تقدر تشغل التكييف عادى لان العربيه جاهزه ومش محتاجه تليين معرف اذا كان الكلام ده صح ولا لا وبعدين هل ده هيئثر على كفائه الموتور بعد كده بسبب تشغيل التكيف فى او 1000 كيلو
وجزاكم الله كل خير

[amr.elsayed]

السلام عليكم
جزاكم الله كل خير على النصيحه بس انا كنت بشغل التكييف لانهم قالولى تقدر تشغل التكييف عادى لان العربيه جاهزه ومش محتاجه تليين معرف اذا كان الكلام ده صح ولا لا وبعدين هل ده هيئثر على كفائه الموتور بعد كده بسبب تشغيل التكيف فى او 1000 كيلو
وجزاكم الله كل خير

مافيش اى مشاكل من تشغيل التكييف فى اول عمر السيارة عادى ... وفعلا الماتور متليين
لكن فى حاجة واحدة ان العربية مش حتعطيك افضل اداء ليها غير بعد 3000 كيلو
يعنى انت مثلا بتشغل التكييف والعربية ماشية عادى لكن مخنوقة .. الخانقة دى حتروح بعد 3000 كيلو
وربنا يباركلك فيها وعيش حياتك وانت مع الوقت حتحس بتحسن تدريجى فى الاداء وفى السحب وفى كل حاجة

[amintaha]

مطلوب النصيحه

السلام عليكم ورحمه الله وبركاته
جزاك الله كل خير وربنا يكرمكم على النصيحه و فعلا منتدى ممتاز بيفيد الناس بس نفسى يكون التعليق بناء مش محبط
وجزاكم الله كل خير