عيوب لوجى هى أجمل مميزاتها....

[mohyeldien]

بصراحة منذ اسابيع لما نويت اشترى اللوجان وجدت ان معظم عيوبها
فى مكان الكلكس و مكان زارير فتح الزجاج الامامى و الخلفى و ايضا حيانا شكل العربية
لكن لأنى أقتنعت بالعربية لقيت ان هذة العيوب هى أفضل مميزاتها...
مثلا مكان الكلكس...... راااائع جدا و سهل الاستخدام فهو لا يضطرك ان ترفع ايديك عن عجلة القيادة
بل بطرف صابعك يتدى الكلكس و هذا افضل من ان يكون بطارة الديركسيون و تضطر لرفع ايديك كلها لتستخدمها
فى ضرب الكلكس....
ايضا مكان ازرار التحكم فى نوافذ السيارة الزجاج أماكن مثالية لأنها تجعلك تراقب بنفسك أى حركة ممكن تتعمل
فلو معاك اولاد سوف يضطرن ان يستخدموا الازرار اللى خلف عصا الفتيس ليفتحوها و بالتالى سهل جدا رؤيتهم
و ايضا أماكنها تجعلك انت المتحكم الوحيد فى رؤيتها جميعا و سهولة استخدامها..
بالنسبة لشكل لعربية بصراحة يكاد يكون جميل جدااا لأنه مميز فهى ليست عربية مفرطحة طويلة و هبلة
و لا عريضة و مفرشحة لكن عربية تحس كده إنها بنت ناس ملمومة و شيك ووقفتها ثابتة قوية

عندما ذهبت للترخيص كان فى واحد معايا مشترى اسبرانزا من نفس معرضى و روحنا إحنا الاتنين نرخص مع بعض
بصراحة لما ركنت عربيتى جنب عربيته حسيت بالفرق بينهم
زى ما تكون واحدة بنت ناس واقفة جنب واحدة حاطة كيلو مكياج على وشها
و لله دى مش لانى معجب بلوجى لكن لأن دى هى الحقيقة
حفظ الله اللوجان و راكبيها من كل سوءءءءءءءءءءء

[M.Radwan]

كلامك صحيح وخصوصا الكلاكس
سهل جدا في الاستخدام
بس عارف لو فيها عيوب الدنيا كلها كفاية عفشتها وارتفاعها عن الأرض!

[amr.elsayed]

الله يفتح عليك ويباركلك فيها ويعطيك خيرها ... ولسة حتحبها اكتر ان شاء الله لما تعمل كيلوات كتيرة
وتيجى تبص على عفشة العربية تلاقيها زى ما استلمتها من المعرض رغم المطبات والهبد والرزع اللى شافته فى طرقنا العجيبة
عربية محترمة واعتمادية بكل المقاييس لواحد عايز عربية تعيش معاه مش واحد بيدور على ازاز كهربة فى مسند الباب وشوية لعب
والف مبروك عربية تستحق كل سحتوت ادفع فيها

[mohamed1979]

معاك فى كل كلمه قلتها وربنا يباركلك فيها ان شاء الله
شفها كمان فى السفر ممتعه جدا و كمان تكييفها بصراحه عايز اقلك انه احسن من العربيه الانسر الشارك فى التكييف(لسه مسافر بيها امبارح البحر الأحمر)

[Moh_Ibrahim]

والله يا جماعه مكان الكلاكس ده رائع و سهل فى التعامل معاه و العربيه شكلها جميل جدا ( من وجهة نظرى)
بصراحه الواد الفرنساوى اللى صممها جامد قوى ، يبانلك من الوهله الاولى انها شكلها مش عصرى بس لما تشوفها كذا مره تحس ان هى من كوكب تانى و انا شايف ان شكلها عصرى جدا
و انا عايز اقول ان العيوب اللى الناس اظهرتها فى هذا المنتدى عيوب عاديه و موجود اكثر منها فى عربيات اعلى منها سعرا ، بس هى ظاهره قوى فيها لان تقريبا اكثر مشاركات فى المنتدى فى قسم اللوجان و هى العربيه الوحيده اللى لها قسم لوحده نتيجة كثرة المشاركين

و هذا يدل على ان العربيه ده الناس حباها ، اى حد بيشوفها فى الشارع بيروح على النت يدور على تفاصيل ليه

وانا متاكد بفضل الله تان العربيه ده احسن من عربيات كورى كثير زى الاكسنت و الفيرنا .... و اللانوس

و هنتشر بشكل كبير

[Mah_Badawy]

بس عارف لو فيها عيوب الدنيا كلها كفاية عفشتها وارتفاعها عن الأرض!

الله ينور عليك والله دي أهم مميزاتها و خاصة إني ساكن في شارع فيه جبال صناعية و لوجي عمرها ماسلمت علي حد فيهم

[lena jo]

بصراحة منذ اسابيع لما نويت اشترى اللوجان وجدت ان معظم عيوبها

فى مكان الكلكس و مكان زارير فتح الزجاج الامامى و الخلفى و ايضا حيانا شكل العربية
لكن لأنى أقتنعت بالعربية لقيت ان هذة العيوب هى أفضل مميزاتها...
مثلا مكان الكلكس...... راااائع جدا و سهل الاستخدام فهو لا يضطرك ان ترفع ايديك عن عجلة القيادة
بل بطرف صابعك يتدى الكلكس و هذا افضل من ان يكون بطارة الديركسيون و تضطر لرفع ايديك كلها لتستخدمها
فى ضرب الكلكس....
ايضا مكان ازرار التحكم فى نوافذ السيارة الزجاج أماكن مثالية لأنها تجعلك تراقب بنفسك أى حركة ممكن تتعمل
فلو معاك اولاد سوف يضطرن ان يستخدموا الازرار اللى خلف عصا الفتيس ليفتحوها و بالتالى سهل جدا رؤيتهم
و ايضا أماكنها تجعلك انت المتحكم الوحيد فى رؤيتها جميعا و سهولة استخدام
Exactly,i also liked that i can use these buttons with my right hand while my left is on the driving wheel better than buttons at ur sides.i enjoy that.
بالنسبة لشكل لعربية بصراحة يكاد يكون جميل جدااا لأنه مميز فهى ليست عربية مفرطحة طويلة و هبلة
و لا عريضة و مفرشحة لكن عربية تحس كده إنها بنت ناس ملمومة و شيك ووقفتها ثابتة قوي

عندما ذهبت للترخيص كان فى واحد معايا مشترى اسبرانزا من نفس معرضى و روحنا إحنا الاتنين نرخص مع بعض
بصراحة لما ركنت عربيتى جنب عربيته حسيت بالفرق بينهم
زى ما تكون واحدة بنت ناس واقفة جنب واحدة حاطة كيلو مكياج على
وشها
That s what i thougt when i got it.I don t like cars that are big for nothing like speranza & sunny though i respect the nissan sunny as a car but i don t like its size but lugy though looks smaller from the outside is very wide from the inside and make u feel comfortable.Besides it s design is good that it s compact from the back yet with a very large luggage compartment
actualy some people don t like its design from the back but i like it all back and front .i would use your very same words.
Besides all that, good people here to help and explain anything to anyone who needs help on scientific bases
و لله دى مش لانى معجب بلوجى لكن لأن دى هى الحقيقة

حفظ الله اللوجان و راكبيها من كل سوءءءءءءءءءءء
amen

[DR/WAFEK]

والله نفس احساسي خصوصا في موضوع الكلاكس دا لو الواحد فكر بعد كده يغير لاغزم يكون الكلاكس برده في الدراع اريح كتير مع ان الناس بتعتبرها من ضمن العيوب الجامده في العربيه

[mohyeldien]

كلامك صحيح وخصوصا الكلاكس

سهل جدا في الاستخدام
بس عارف لو فيها عيوب الدنيا كلها كفاية عفشتها وارتفاعها عن الأرض!

الارتفاع عن الأرض ايضا من أهم مميزاتها و عفشتها ما شاء الله مفيش أحسن من كده

[mohyeldien]

الله يفتح عليك ويباركلك فيها ويعطيك خيرها ... ولسة حتحبها اكتر ان شاء الله لما تعمل كيلوات كتيرة
وتيجى تبص على عفشة العربية تلاقيها زى ما استلمتها من المعرض رغم المطبات والهبد والرزع اللى شافته فى طرقنا العجيبة
عربية محترمة واعتمادية بكل المقاييس لواحد عايز عربية تعيش معاه مش واحد بيدور على ازاز كهربة فى مسند الباب وشوية لعب
والف مبروك عربية تستحق كل سحتوت ادفع فيها

آمين و لك من الدعاء مثل ما قلت فى هذا اليوم العظيم يوم الجمعة
و الله أنا فعلا بأستغرب من الكلام الفاضى عن مكان الزارير و الكلكس و مش عارف إيه
يبدو ان الصين جعلت الناس يهتمون بالمنظر فقط
و رغم ذلك فأنا شايف ان كل ده مميزات فى اللوجان مش عيوب
و أعتقد ان ده هيقلدوه فى عربياتهم بعد فترة
على فكرة اؤكد لكم ان غشاشين الصين سوف يقلدون لوجى قريبا فى كل شيئ
الله يلعنهم لايعرفون سوى التقليد و نادرا ما يبتكرون جديدا
و الله يبارك فيك و شكرا جزيلا زوءك

[mohyeldien]

معاك فى كل كلمه قلتها وربنا يباركلك فيها ان شاء الله
شفها كمان فى السفر ممتعه جدا و كمان تكييفها بصراحه عايز اقلك انه احسن من العربيه الانسر الشارك فى التكييف(لسه مسافر بيها امبارح البحر الأحمر)

الله يبارك فيك و ان شاء الله سوف أفعل بنصيحتك و اسافر بيها قريبا بإذن الله حفظنا الله جميعا

[mohyeldien]

والله يا جماعه مكان الكلاكس ده رائع و سهل فى التعامل معاه و العربيه شكلها جميل جدا ( من وجهة نظرى)
بصراحه الواد الفرنساوى اللى صممها جامد قوى ، يبانلك من الوهله الاولى انها شكلها مش عصرى بس لما تشوفها كذا مره تحس ان هى من كوكب تانى و انا شايف ان شكلها عصرى جدا
و انا عايز اقول ان العيوب اللى الناس اظهرتها فى هذا المنتدى عيوب عاديه و موجود اكثر منها فى عربيات اعلى منها سعرا ، بس هى ظاهره قوى فيها لان تقريبا اكثر مشاركات فى المنتدى فى قسم اللوجان و هى العربيه الوحيده اللى لها قسم لوحده نتيجة كثرة المشاركين

و هذا يدل على ان العربيه ده الناس حباها ، اى حد بيشوفها فى الشارع بيروح على النت يدور على تفاصيل ليه

وانا متاكد بفضل الله تان العربيه ده احسن من عربيات كورى كثير زى الاكسنت و الفيرنا .... و اللانوس

و هنتشر بشكل كبير

لا زلت اسمى ما يقال عن عيوب اللوجان مميزات ففعلا لم أجد عيبا فيها الا كان ميزة
طبعا الكمال لله وحده و لا يوجد صناعة كاملة مائة فى المائة و لكن عندما تكون 90% بيكون انجاز راااائع
لكن اللوجان بصراحة 97%
المهم ان واحد كان راكب فيرنا ماشى جنبى و يبدو انه فرحان بعربيته و لأنى فى فترة تلين الموتور ما حبتش اسرع بيها
ففوجئت بصاحبنا طار من جنبى عايز يبين لى انه ركب صاروخ المهم مشى شوية و كان فى مطب فى وشه
شفت العربية من ورا قلت الله يعوض عليه اتهبد هبدة و اللوجان حفظها الله لقيت نفسى زى ما قال الأخ نادر نبيل فى موضوعه كأنك راكب على ريش النعام....
ما شااااااااء الله لا قوة الابالله

[xevergreen]

انا مش عارفة ايه اللى يضايق لو الكلاكس كان فى الدراع ,هو الواحد بيشترى عربية علشان يكلكس بيها
أعتقد أن الفروق البسيطة (زى الكلاكس و أماكن الأزار مثلا) مش عيوب لمجرد ان باقى العربيات مفيهاش نفس النظام

[bishoy02010]

الف مبرووووووووووك ربنا يباركلك فيها ويديك خيرها ويكفيك شرها وانا أؤيدك الرأى

[yahiazakaria]

اولا مبروك عليك العربيه
ثانيا العربيه من وجهه نظري العيوب ديه مش عيوب والعربيه ممتازه كفايه العفشه وارتفاع العربيه وشنطتها و.......