ماذا عن رعشة دواسة البنزين؟؟!!

[mohamedhmk]

السلام عليكم جميعا

العربيه عامله دلوقت 185 كيلو - وانطباعي عنها انها مريحه في القياده وقويه وثابته ...

بس انا رعشة دواسة البنزين دي مستغربها قوي ... هي مش بتأثر على القياده لكنها غريبه

هل هي موجوده في كل العربيات ولا البعض منها ... وهل لقولها حل او عرفوا السبب ولا ايه النظام؟

تحياتي

[Super_Star_h]

185
لسه بدرى مش هتخف عندك دلوقتى
هى موجوده عند كله
هتخف معاك بعد كده

[mohamedhmk]

185
لسه بدرى مش هتخف عندك دلوقتى
هى موجوده عند كله
هتخف معاك بعد كده

شكرا جزيلا على التوضيح
بس هي متوقع تخف ولا تنتهي نهائيا عند كيلو متر معين؟

تحياتي

[Super_Star_h]

شكرا جزيلا على التوضيح
بس هي متوقع تخف ولا تنتهي نهائيا عند كيلو متر معين؟

تحياتي

اه طبعآ هتخف من عندك وهتختفى خالص ان شاء الله
بس بعد تجاوز كده ال 10 الاف تقريبآ هتلاحظ انها بدأت تخف
وفيما بعد هتتلاشى
مش تقلق من الحوار ده مالوش تأثير

[ahmadalsattar]

كانت عندى وراحت بعد ال 5000
انا مش حاسس بيها الان

[waleedfadeel]

انا عامل حوالى 300 كم توجد عندى هزه فى عصاية الفتيس وهزه فى الدواسة ولو ماركزتش مش هاتحس بيهم وان اشاء الله تختفى ذى الاخوة ما افادونا
عموما انا مش قلقان لانه موضوع ثانوى جدا ،طالما انه مش نتيجة خلل فى العربية يعنى مش راح ينتج عنه خلل اكبر

[mohamedhmk]

شكرا جزيلا للوحوش ... الله يكرمكم

[bishoy02010]

هيا الصراحة مبتختفيش او مختفتش عندى بس هيا مش فارقة فى أى حاجة ومع الوقت هتنساها وهتتعود عليها العربية عاملة 26000 كيلو

[arakysolom]

انا عندي هزة عصاية الفتيس و رعشة دواسة البنزين و عربيتي اوبترا 2010

[mostafabakry]

انا عامل دلوقتي 42 الف كم بالعربية و مبقتش احس بيها
مش عارف دا سببه اني اتعودت عليها و هي لسه موجودة و لا الرعشة اختفت خلاص
اللي ممكن يؤكد الكلام دا واحد لسه عنده الرعشة يركب عربية عاملة كيلو متر كتير و يقارن هل الرعشة قلت و لا زي ما هيا

بس عموما أداء العربية بيتحسن جدا

بس ما زال صوت الموتور عالي نسبييا بعد ال 100 كم /س حتي 120 كم/س و بعدها بيبتدي ينعم

لي ابن عمي شغال في شركة نقل سياحي علي عربية ليوزين تويوتا كورولا و لما ركب ماحسش بالرعشة اللي بنتكلم عنها بس بصراحة حس بالسخونة اللي من تحت التابلوه و بردا حس ان الموتور صوت بيعلي بعد ال 100 كم/س

بس الحمدلله مافيش مشاكل حقيقية

[taahmed]

انا عامل 1800 كم .. والرعشة في الدواسة قلت بنسبة كبيرة عن الأول .. هي بالفعل تكاد تكون غير ملحوظة ..

[yahiazakaria]

اه طبعآ هتخف من عندك وهتختفى خالص ان شاء الله
بس بعد تجاوز كده ال 10 الاف تقريبآ هتلاحظ انها بدأت تخف
وفيما بعد هتتلاشى
مش تقلق من الحوار ده مالوش تأثير

+++++++11111111111111111111111

[sukkar76]

انا العربيه عندى عامله 5500 كم والحمد لله موضوع الرعشه قل عندى جدا عن الاول
او يمكن اكون اخدت عليها ومش باحس بيها يعنى الموضوع بقى عادى

[btm222]

انا عامل حوالى 200 كيلو بالعربية ورعشة دواسة البنزين بدأت تخف لدرجة انى مفتكرتش الموضوع ده غير لما قريت عنوان الموضوع
الماتور صوته عالى شويه لما بتشيل رجلك من على الدبرياج بعد الغيار ده لو كنت بتدى غيار وانت على 3*1000 لفه بالنسبة للمحرك
او بالنسبة للغيارات 1 20 ك
2 40 ك
3 60 ك
4 80 ك
اللى عنده كلام مختلف ياريت يقولى عليه ونتناقش
على الفكره العربية معايا من 3 ايام بس