اللوجان الهاتشباك

[zico900]

السلام عليكم

حد سمع عن موضوع اللوجان الهاتشباك الاتوماتيك (اسمها sandero في اوروبا)....؟ لو حد يعرف التوكيل هينزلها امتى او بكام او المواصفات لوسمحت ميبخلش

شكرا مقدما

[Egyzizo]

نزلت مانيوال وممكن تحجزها من التوكيل ، ومافيش اوتوماتيك فى المستقبل القريب.

[zico900]

شكرا على الرد....متعرفش سعرها كام او اذا كانت مغربي او روماني؟

و هل نازله بنفس مواصفات اللوجان؟

[DViPER]

شكرا على الرد....متعرفش سعرها كام او اذا كانت مغربي او روماني؟

و هل نازله بنفس مواصفات اللوجان؟

تمنها حوالي 69900

نفس مواصفات اللوجان الكاملة بس الإرتفاع أقل شوية والعرض برضه أقل شويه وهي مغربي

[joso]

هل ليها صورر

[zico900]

شكرا على الرد بس طالما مغربي هيبقى فيها نفس مشاكل اللوجان الغريبه (الازاز البيتسرطن و الهزه في البدلات و الفتيس و ضعف التكييف)....طب تعتقدوا اللوجان احسن ولا الفيات بونتو؟

[mohamed1979]

شكرا على الرد بس طالما مغربي هيبقى فيها نفس مشاكل اللوجان الغريبه (الازاز البيتسرطن و الهزه في البدلات و الفتيس و ضعف التكييف)....طب تعتقدوا اللوجان احسن ولا الفيات بونتو؟

البونتو احسن 100 مره مفيش و جه مقارنه بين الأتنين

[zico900]

انا اقصد البنونتو كلاسيك التمنها متقارب من اللوجان الفل اوبشن مش الجراند بونتو او الايفو الجديده....

و بعدين انت معاك العربيه....هي مش عجباك او فيها مشاكل كتير؟

[AHMEDmostafa79]

يا استاذ زيكو900 محمد باشا يقصد اننا بجد زهقنا من كتر ما بندفع عن العربية دية ونقول حلوة وحلوة واللهي احسن حاجة في فئتها ومفيش فايدة الناس برضة ظلمها وبتقارن ما بنها وبين عربيات ان في راي اقل منها لكن الي خلها تدخل معهم في مقارنة هو سعرها بس .

[m_bakr]

شكرا على الرد بس طالما مغربي هيبقى فيها نفس مشاكل اللوجان الغريبه (الازاز البيتسرطن و الهزه في البدلات و الفتيس و ضعف التكييف)....طب تعتقدوا اللوجان احسن ولا الفيات بونتو؟

حرام والله، مش حالة ولا اتنين (والتوكيل صلحهالهم) هاتكون مقياس على أداء العربية

[zico900]

البونتو احسن 100 مره مفيش و جه مقارنه بين الأتنين:i_angr1[1]:

انا مش فاهمك....انت معاك العربيه....هل هي وحشه ولا لا؟

البونتو متعتبرش وحشه ولا فئه تانيه بالنسبه لي....انا متفرقش معايا وسع العربيه ولا الشنطه.....انا تفرق معايا سمعه العربيه و جوده و التقفيل.....

ممكن يا ملاك اللوجان تساعدوني....علشان والله انا عايز اشتري عربيه و مش عايزها تتطلع كفته في الاخر!!!

1-هل اللوجان تكيفها حلو على نص سرعه المروحه؟ (هل يبقى زي الياباني, الكوري, الاوروبي؟)
2-اه حكايه سرطان الزجاج الخلفي؟
3-اه حكايه رعشه البدلات؟
4-اه حكايه رعشه الفتيس؟
5-هل في اي عيوب تانيه شائعه؟
6- هل التقفيل ممتاز ولا عادي ولا سيئ؟
7-هل قطع الغيار في السعر نفس الكوري او الاوروبي؟
8-هل قطع الغيار في الكفائه نفس الكوري ولا الاوروبي؟
9-في فرق بين العربيات الكانت بتتقفل في المغرب غير الفي الرومانيا؟ (اقصد في جوده التقفيل)

في اي حاجه تانيه لازم ابقى عرفها قبل ما اقدم على استخاره شراء اللوجان؟

[zico900]

قطع الغيار.....في واحد بيشتكي انها غاليه:

http://www.nilemotors.net/Nile/165250-a.html

هل دي المرايه بس ولا اه؟ مش معقول يبقى العربيه تيل الفرامل ب250 و الفانوس كله ب500 و المرايا ب700!!! مش كده ولا اه؟

[Egyzizo]

ما تستعجلش يا زيكو ، انت عايز هاتش باك وماحدش لسه دخل معانا واستلم العربية فماحدش عارف ظروفها هتبقى ايه
فطالما انت من النوع المدقق كده يبقى استنى لما تنتشر شوية وتعرف نظامها ، أو خليك فى حاجة تانية انت متقبلها نفسياً.

[zico900]

المشكله انا عايز حاجه اليومين دول....اللوجان العاديه هل هي كويسه ولا لا؟

[mohamed1979]

طيب شوف اللنك ده

http://www.nilemotors.net/Nile/165076-17.html