إعـــــــلان

Collapse

.

,
See more
See less

اتحاد اللو جانية..........................

Collapse
X
 
  • Filter
  • الوقت
  • Show
Clear All
new posts

  • اتحاد اللو جانية..........................

    السلام عليكم
    الأخوة الكرام ...مستخدمى السيارة رينو لوجان
    اولا: ضايقنى جدا ما حدث لأحد الاخوة هنا و هو الأخ "خالد" و رغم انه ليس لى به معرفة شخصية
    فقد آلمنى ما حدث له و لم يكن يخطر بيالى ان التوكيل الذى نكيل له المديح ليل نهار هنا و فى اقسام اخرى بالمنتدى
    لا يستطيع حل مشكلته..هو أو غيره
    و يجب ان يعلم التوكيل اننا لا نمدح فيه و لا فى سيارته من أجل سواد عيونه و لكن لما يقدم من خدمات
    فان هو قصر فلا ولاء له علينا و سوف نذكر عيوبه طالما هو لا يحل مشاكلنا
    و يكفى اننا ليل نهار عمالين نشكر فى اللوجان و توكيلها و كما قلت قبل ذلك يجب ان نرى منه كل خير
    فنحن لا نقصر فى نشر سيارته و انا شخصيا كان لى صديق طبيب يريد ان يشترى لوجان و كان متردد بينها و بين اللانوس و اخدته و فرجته على السيارة اللوجان و شرحتها له حتة حتة و خليته ساقها كمان و هو على وشك شرائها ان شاء الله.. طيب احنا بنعمل كده ليه فنحن لا نستفيد شئ من اقناع الناس و لكن ما نفعله نفعله لاننا مقتنعون بالسيارة و بوكيلها فاذا هو لم يعاملنا بالمثل فلا ينتظر منا حمدا و لا شكرا و كما يفعلون فى الاقسام الأخرى
    سوف نفعل.... ليس تهديدا و لكن مجرد لفت نظر لتوكيل احببناه و اقتنعنا بسيارته و ندعو لها ليل نهار هنا و فى كل مكان..
    و لأن الذئب لا يأكل من الغنم الا القاصية فيجب ان نكون على قلب رجل واحد و اذا حصل مشكلة مع واحد منا ان يقف معه الجميع مساندين له حتى يأخذ حقه كاملا..
    و الا فهناك عديد من الاجراءات يجب ان نتخذها ابسطها عدم الدعاية للسيارة و عدم الكتابة هنا الا عن عيوبها
    و ليكن لنا " اتحاد اللوجانية" نكون فيه يدا واحدة و لا نعتبر ان مشكلة عضو هى مشكلة وحيدة تخصه هو فقط
    و لكن مشكلتنا جميعا و نقف معه الا ان ياخذ حقه
    و طبعا انا اتكلم عن المشاكل الكبيرة
    و شكرا للجميع و فى انتظار تفاعلكم مع الفكرة

  • #2
    انا موافق على فكرة الاتحاد
    بس مش موافق اننا بنعمل دعاية للسيارة
    ده كلام غير صحيح..احنا بنوضح للناس مميزاتها وعيوبها بكل حيادية
    ملناش دعوة بالتوكيل بقى ولا مبيعاته
    بدليل اننا مقطعين توكيل المقطم لانه بيعامل الناس وحش وبنشكر فى توكيل العبور
    رغم انهم نفس التوكيل!
    [CENTER]“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة :E_braces[1]:”
    [img2]http://s28.postimg.org/myt8ifkrh/Untitled_1_copy.png[/img2]
    [/CENTER]

    Comment


    • #3
      المشاركة الأصلية كتبت بواسطة foxoo7 مشاهدة المشاركة
      انا موافق على فكرة الاتحاد
      بس مش موافق اننا بنعمل دعاية للسيارة
      ده كلام غير صحيح..احنا بنوضح للناس مميزاتها وعيوبها بكل حيادية
      ملناش دعوة بالتوكيل بقى ولا مبيعاته
      بدليل اننا مقطعين توكيل المقطم لانه بيعامل الناس وحش وبنشكر فى توكيل العبور
      رغم انهم نفس التوكيل!
      +1111111111111111
      [gdwl][glow=#3f38a1][CENTER][LEFT]عاشت مصر حره مستقله[/LEFT][/CENTER][/glow][/gdwl]

      Comment


      • #4
        فكرة ممتازة.لو حس التوكيل من اللوجانية بايجابية هيضطر يقف وقفة مع نفسه لكن لو قعدنا نقول دي مشاكل بسيطة واحنا احسن من غيرنا الامور هتسوْء جدا.واي مشكلة تواجه حد فينا ونسكت عليها موقفنا السلبي هيكون له مردود سئ علينا (اكلت يوم اكل الثور الابيض)

        Comment


        • #5
          المشاركة الأصلية كتبت بواسطة foxoo7 مشاهدة المشاركة
          انا موافق على فكرة الاتحاد

          بس مش موافق اننا بنعمل دعاية للسيارة
          ده كلام غير صحيح..احنا بنوضح للناس مميزاتها وعيوبها بكل حيادية
          ملناش دعوة بالتوكيل بقى ولا مبيعاته
          بدليل اننا مقطعين توكيل المقطم لانه بيعامل الناس وحش وبنشكر فى توكيل العبور
          رغم انهم نفس التوكيل!
          أولا شكرا على سرعة الرد
          ثانيا: انا لم اقل اننا بنعمل دعاية للتوكيل و لكن قلت اننا لا ندخر وسعا فى الحديث عن مميزاتها
          و تحمسنا لها و اننا لا نفعل ذلك من اجل سواد عيون التوكيل و لكن لانه توكيل محترم و سيارته محترمه
          فلو حصل غير كده فلن نذكر الا العيوب

          Comment


          • #6
            المشاركة الأصلية كتبت بواسطة mohamed2001 مشاهدة المشاركة
            فكرة ممتازة.لو حس التوكيل من اللوجانية بايجابية هيضطر يقف وقفة مع نفسه لكن لو قعدنا نقول دي مشاكل بسيطة واحنا احسن من غيرنا الامور هتسوْء جدا.واي مشكلة تواجه حد فينا ونسكت عليها موقفنا السلبي هيكون له مردود سئ علينا (اكلت يوم اكل الثور الابيض)
            شكرا لتجاوبك مع الفكرة و فى انتظار باقى الاخوة لدراسة الفكرة من جميع النواحى

            Comment


            • #7
              طيب ياريت حد يقولنا نقدر نعمل ايه للأستاذ خالد
              وأنا معاكم ان شاء الله،
              [CENTER]“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة :E_braces[1]:”
              [img2]http://s28.postimg.org/myt8ifkrh/Untitled_1_copy.png[/img2]
              [/CENTER]

              Comment


              • #8
                مفيش حد بيحصله مشكلة فى نايل موتورز وبنقف مكتوفى الايدى لكن كل حاجة لازم تتاخد بهدوء
                ومفيش حد بيعمل دعاية للعربية ... احنا زى ما بنقول العربية كويسة وبنت حلال زى ما بنقول ان العربية فيها عيب كذا وكذا بكل صراحة
                وزى ما بنقول التوكيل محترم وكويس زى ما بنقول حصل معانا كذا وكذا فى اى شيئ يقصر فيه التوكيل ...
                مشكلة الاستاذ خالد حتتحل ان شاء الله ولكن صبرا جميلا ونشوف اليومين الجايين ايه اللى حيكون
                [RIGHT]سبحان الله وبحمده سبحان الله العظيم
                [/RIGHT]

                Comment


                • #9
                  بارك الله فيكم جميعا والله انا مش عارف اقول ايه غيران ربنا يكرمكم يارب في اولادكم واحبابكم


                  شكرا من قلبي لكل واحد فيكم



                  هونتوا عني كتير


                  وانا اول الموافقين على فكرة الاتحاد دي ومن قبل ما اكون في مشكلتي ربنا يفرجها من عنده انا كنت طلبت نتجمع علشان كده نبقى مع بعض نجيب تخفيضات نحل مشاكل بعض


                  انا طلبي واقتراحي اللي ممكن يساعدني

                  1- الاتصال على الخط الساخن 16202 لملاك اللوجان والاخوه اللي لسه بيسالوا وبيطمنوا للسؤال عن الاجراءات اللي تمت في شكوى خالد محمود خضر رقم موبايله 0104884180 بخصوص عربيته رقم شاسيه 43060180


                  2- ممكن نبعت ايميلات بنفس المعنى متابعة شكوى والاستفسار عن ما تم من اجراءات على ايميل الشركه في مصر وفي فرنسا.

                  والتعريف عن نفسنا انني خالد محمود خضر صاحب السياره او المقدم على شراء سياره رينو وواحد من اتحاد اللوجانيه من منتدى نايل موتورز


                  وجزاكم الله خيرا لسؤالكم عني فقط هذا اقتراح اقوله على استحياء

                  Comment


                  • #10
                    المشاركة الأصلية كتبت بواسطة joso مشاهدة المشاركة

                    انا طلبي واقتراحي اللي ممكن يساعدني

                    1- الاتصال على الخط الساخن 16202 لملاك اللوجان والاخوه اللي لسه بيسالوا وبيطمنوا للسؤال عن الاجراءات اللي تمت في شكوى خالد محمود خضر رقم موبايله 0104884180 بخصوص عربيته رقم شاسيه 43060180


                    2- ممكن نبعت ايميلات بنفس المعنى متابعة شكوى والاستفسار عن ما تم من اجراءات على ايميل الشركه في مصر وفي فرنسا.

                    والتعريف عن نفسنا انني خالد محمود خضر صاحب السياره او المقدم على شراء سياره رينو وواحد من اتحاد اللوجانيه من منتدى نايل موتورز


                    وجزاكم الله خيرا لسؤالكم عني فقط هذا اقتراح اقوله على استحياء
                    كده بس يا باشا .. من عينى الاتنين ، ومش هاتصل انا لوحدى هاخلى اتنين كمان من اصدقائى ملاك اللوجان يتصلوا .. وان شاء الله المشكلة تكون بسيطة وتتحل بشكل يرضيك ويرضينا احنا كمان
                    [bor=#ff0000][CENTER][SIZE=2][B]فكل ما تريدون ان يفعل الناس بكم
                    [/B][/SIZE][/CENTER]
                    [CENTER][SIZE=2][B]افعلوا هكذا انتم ايضا بهم [/B]
                    [/SIZE] [/CENTER]
                    [/bor] [CENTER]
                    [/CENTER]

                    Comment


                    • #11
                      انا معاكم فى كل اللى تتفقون عليه ، يد الله مع الجماعة
                      [FONT=Simplified Arabic][B]يقول تعالى: [COLOR=blue](ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ)[/COLOR] [الروم: 41]. [/B][/FONT]

                      Comment


                      • #12
                        انا متشكر ليكم جدا على الدعم المعنوي الكبير والمسانده الايجابيه الكبيره دي وانا بشكر الاستاذ foxo لانه اقترح عليا اجرب المفتاح الاحتياطي وفعلا جربته امبارح والعربيه دارت على طول وجربته كتير ورجعت جربت المفتاح الاصلي اشتغلت برضه وقمت الصبح علشان اروح حماية المستهلك جربت المفتاحين دارت العربيه على طول والحمد لله المهم رحت التوكيل بتاع العبور تاني

                        فابلت المهندس امجد انسان فوق الذوق والاحترام قابلني مقابله ممتازه حسسني اني مش لوحدي وكأن اخويا اللي شغال في التوكيل فرق كبير بينه مبين مهندس احمد سامي

                        المهم قلتله على اللي حصل وقلتله كمان ان التابلوه ما اتقفلش كويس والارجل جه معايا وبص بنفسه وسمعته صزن كده في الموتور

                        وطلبت ادور العربيه اللوجان اللي معروضه مشكورا راح جاب المفتاح وخلاني اجرب تشغيلها واسمع صوت الموتور


                        المهم استلم العربيه 10.30 ص وخرجت 12.30 م وقالي خلاص احنا راجعنا التكويد بتاع المفاتيح وقفلنا التابلوه وصوت الموتور مفيهوش حاجه وقالي والله ماتخافش

                        واعتذر لي عن اللي حصل والحقيقه اول واحد يعتذر لي عن اللي بيحصل وانا شكرته لذوقه وبرضوا احب اقول ان باقي التوكيل مش وحشين بالعكس وانا معنديش اي شكوى من التوكيل وكمان انا مش حابب اعمل مشاكل وخلاص اناغ كل اللي عايزه حقي وبس

                        المهم ادعولي انا رايح اسكندريه مشوار اجرب العربيه وربنا يجبرني في المشوار ده والله المستعان دعواتكم

                        Comment


                        • #13
                          الف مبروك يا اخى ، بس طمنا بعد ما تسافر بيها مسافة كبيرة .
                          [FONT=Simplified Arabic][B]يقول تعالى: [COLOR=blue](ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ)[/COLOR] [الروم: 41]. [/B][/FONT]

                          Comment


                          • #14
                            الله يبارك فيك وفيكم جميعا ودعواتكم والحمد لله

                            Comment


                            • #15
                              انا كنت جبت تليفون واحد في شارع دمشق اسمه عطيه بتاع قطع غيار رينو بس ما فضيتش احط نمرتو وسط القصة بتاعتي اللي كلكوا عشتوها معاية المهم انا سالته عن اللوجان قال لسه ما نزلهاش حاجة وقلتله على المنتدى واننا عددنا كبير ولو نزل مش هيندم المهم الراجل اتبسط وقال والله كويس اتمنى اننا نساعد بعض وعلى الاقل كل واحد معدي في حته يلاقي محل متخصص قطع غيار رينو يجيب تليفونه ويكلمه عن المنتدى وعن عددنا الكبير على المنتدى بس ويحط نمرته ودورنا اننا نتصل بالمحلات دي هنا زي ما بنشارك اللي محتاج خاحة يسال عن سعرها ويقول للراجل انه عرفه عن طريق المنتدى وبكده نعمل تاكيد للمعلومه وندي ثقة للتجار ان في ناس بتيال فعلا وان في طلب وده هيخلي التجار تتحرك بدون شك وهيبقى في تنافس لمصلحتنا وكمان ياريت كل واحد يروح التوكيل وويابل حد يقوله على المنتدى بتاعنا لازم نعرف ان في تجمعنا قوة حتى لو مش هنتقابل بس نجتمع على فكرة ونطبقها مش هيكلفنا اكتر من مكالمة تليفون لتاجر وحوار بسيط مع صاحب سيارة بالتوكيل قاعد جمبك اعتقد الموضوع بسيط وسهل التطبيق وهيحقق لينا مصلحة مباشرة اتمنى يكون في تجاوب واننا نتعاون بشكل ايجابي


                              عموما محل قطع غيار رينو في شارع دمشق اللي انا سالته لو حد عايز يتصل بيه ويساله عن قطع غيار اللوجان

                              اسمه عطية الاسكندراني 38 ش دمشق ت 22566362

                              موبايل 0105149490

                              Comment

                              Working...
                              X