إعـــــــلان

Collapse

.

,
See more
See less

اكيد بتتكلمو عن عربية غير اللوجان

Collapse
X
 
  • Filter
  • الوقت
  • Show
Clear All
new posts

  • اكيد بتتكلمو عن عربية غير اللوجان

    انا بجد بقيت استغرب جدا لما بقرا تقييمات الناس هنا بخصوص اللوجان من ناحية العفشة واستهلاك البنزين وكذا حاجة تانية
    يعني استهلاك البنزين مش بيقل عندي عن 8 مفيش رقم ظهر عندي اسمه 5 او 6 ده خالص
    كمان العفشة ناشفة بسمع اقل طوبة تحتي وانا ماشي
    والببان من كتر الرزع مكنة الازاز بقت تعمل صوت ماشاء الله
    سواء بابي الشمال او اليمين والباب اللي ورا يمين من كتر يأسي منه بقي اللي يجيي يقفله اقوله ارزع الباب عشان يتقفل لاني بالراحة ولا بيتقفل ولا زفت


    استهلاك البنزين انا شايفه عادي جدا
    نيجي بقي لاكتر حاجة حارقة دمي هي السحب بتاع العربية عبارة عن بطة بلدي بتقوم
    خصوصا لما تكون ماشي مثلا علي الرابع وتيجي تاكل غرزة وتتزنق انا كنت في التويوتا كنت بروح جايب التالت وقارس عليه واحدف العربية لحد ماخرج من الغرزة وارجع اديها الرابع تاني
    في اللوجان مرة واحدة في صلاح سالم جربت اعملها من بطء السحب كنت هاعمل كارثة ربنا سترها عليا

    كنت متوقع اول مانقل غيار اقل اللي هو التالت هاتدي العربية دفعة انقذ بيها نفسي بس لقيت صوت الموتور عالي جدا نتيجة اني نازل من غيار اعلي لغيار اقل لكن السحب زي الزفت


    نيجي بقي لحاجة اهم هي التوكيل اللي شعاره ثبت الزبون ويقنعك اني كل حاجة في العربية زي الفل واني كل شكاواتي عبارة عن تهيؤات في تهيؤات واني اي حاجة بقولها في العربية يكون الرد بتاعها ده طبيعي وعادي وفي كل العربيات كده هما 3 جمل رد علي اي حاجة

    جديا بفكر مش اشتكي في التوكيل تاني في اي حاجة هاطلع مني علي جهاز حماية المستهلك علي طول وهما يتصرفوا اني مش هاخد العربية غير لما تبقي زي مالناس هنا بتكتب تقييماتها كده بالظبط
    لكن اني اروح التوكيل واشتكي ويقابلني واحد مش ضايق نفسه ويثبت فيا لا

  • #2
    يعني متنصحش بالعربية دي ولا اية بالظبط انا في حيرة منها غريبة بسمع كلام وفي نفس الوقث بسمع النقيض بتاعه
    اخيرا انا عرفت العربية دي مسمهاش لوجان اسمها بطيخة يعنى انت وحظك يا حمرا يا قرعا
    الله يكون في عونك ......

    Comment


    • #3
      يا باشا ما تعقدش نفسك من العربيه
      أنا والله متصور خنقتك وضيقك لكن خد بالك أنت كده هتكره العربيه ومش هتبقى طايقها
      أنا فاكر أنك اول ما جبت العربيه كنت مبسوط بيها قوى وبتشكر فيها
      متخليش اى حاجه تعقدك منها
      البنزين استهلاك على سرعه كام
      يعنى لو مش على طرق طوالى يبقى عمرك ما هتشوف رقم 5 و 6 ابدا ويبقى 7 و 8 وممكن 11 /لتر هو الرقم العادى
      العفشه
      أنا قعدت كذا شهر مش عارف اظبط ضغط العجل لغايه ما رحت بريد جستون
      كنت كل ما اروح بنزينه يقيس ويظبط اطلع على التانيه القيها على الى جمبها أتاكد القيها مش مظبوطه
      حكايه السحب ده موضوع نسبى
      يعنى لو بتقارنها بعربيه 120 حصان هتبقى اللوجان ما بتسحبش لو قارنتها بالفيرنا هتلاقى الفيرنا سحبها اعلى
      لو قارنتها باللانوس هتلاقيها متفوقه جدا

      السحب

      [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
      غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

      Comment


      • #4
        المفروض العكس لما تلاقى الناس بتتكلم ان العربية كويسة يبقى فى حاجة غلط فى عربيتك
        1- واضح ان ضغط الكاوتش عندك مش مظبوط
        2- واضح انك ماتطلعتش على طرق سريعة وفتحت ماتورك
        3- واضح انك بتقارن اللوجان اللى سعرها 70 الف بالتيوتا ال سعرها .......
        4- واضح ان انا كداب وشكرا
        [RIGHT]سبحان الله وبحمده سبحان الله العظيم
        [/RIGHT]

        Comment


        • #5
          أخى الحبيب أنا شايفك متحامل على العربيه جدا...وبالذات فى حكاية العفشه.. أكيد ضغط الإطارات مش متظبط والبنزين لما يكون إستهلاكه عادى على فرض إن هو كده يعنى عند الكل وده الطبيعى...يبفى مفيش برده مشكله إنما لما يكون إستهلاكه عالى تبقى هنا المشكله....العربيه مع الضغط عليها على ربى إم عالى المفروض إنها تجيب ال100 على 11ثانيه ونصف وده متهيألى رقم معقول جدا..أما لو حضرتك كنت بتقارنها بعربيات تسارعها 7 ثوانى أو 8 ثوانى من صفر إلى 100 أكيد حيبقى فيه فرق ملحوظ وحتحس بيه وتبقى مقارنه غير عادله أصلا..وأخيرا ربنا يوفقك وتحل أى مشكله فى عربيتك......

          Comment


          • #6
            هو حضرتك معاك عربيه تانيه غير عربيتنا ولا ايه
            لو حضرتك قريب من مدينه نصر ممكن نتقابل و نشوف العربيتن مع بعض
            [gdwl][glow=#3f38a1][CENTER][LEFT]عاشت مصر حره مستقله[/LEFT][/CENTER][/glow][/gdwl]

            Comment


            • #7
              انت بتتكلم عن السحب ؟
              مش عايز اقولك ان انا بحط بنزين 80 وبشغل التكييف طول الطريق داخل البلد ومحمل ناس
              ولا فى تكييف بينتش ولا فى تكييف بيأثر على السحب جامد زي ما حضرتك بتقول كده
              والتكييف كويس جدآ كفايه عليا اقولك انه بيشبر ميه على الازاز الامامى الله اكبر
              الغيار التالت بجيب بيه 80 والماتور يبدء صوته يعلى وجبت بيه 120 قبل كده
              عشان كنت بقرص على الغيارات تقدر تقول بفتح فى الماتور ودهبزه وادهرسه
              الغيار الرابع بجيب بيه 160 و 170
              انت عايز اكتر من كده ايه سحـــــــــــب ؟؟؟؟؟؟؟؟
              وبالنسبه للخبطات فى اللوجان بشكل عام
              مافيش حاجه اسمها مشئومه
              معظم اللى اشترو لوجان تبقى اول عربيه ليهم وبيتعلمو عليها
              عشان كده هتلاقى الخبط فيها على ودنه وكله ماشى برفارف وابواب مخبطه
              تعالى من نحية العفشه ؟
              انت بتتكلم على العفشه بتاعة اللوجان ولا على عربيه تانيه ؟
              عفشة اللوجان ناعمه جدآ جدآ جدآ جدآ
              ما هو انت متجيش تكسر وتخبط فى الشوارع المكسره وتمشى على 80
              وتاكل مطبات درررررررب وتيجى تقول العفشه ناشفه
              انت عايزها ايه يعنى تطير من فوق الارض
              تعالى اركب الادا وانت تعرف يعنى ايه عفشه ناشفــه
              السعر مناسب جدآآآ للعربيه بكل ما فيها
              وكفايه انك راكب رينو
              ارجح لحضرتك تبيعها لانك واضح انك كاره العربيه وواضح انك مش عارف تتعامل معاها
              خش على الصينى والكورى وانت هتلاقى كل عربيه بمشاكلها
              بعضها عيوب صناعه وبعضها سوء استخدام
              [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

              Comment


              • #8
                انا بجد بقيت استغرب جدا لما بقرا تقييمات الناس هنا بخصوص اللوجان من ناحية العفشة واستهلاك البنزين وكذا حاجة تانية
                يعني استهلاك البنزين مش بيقل عندي عن 8 مفيش رقم ظهر عندي اسمه 5 او 6 ده خالص
                حضرتك تعمل ايه بقى
                تطلع على طريق سريع وتجيب 100
                وتفضل ثابت عليهم
                وتقوم مصفر العداد
                وتخليك ماشى على نفس السرعه 100
                وشوف المتوسط اللى هيكتبه هيبقى كام
                واجرى شويه واثبت على سرعه برضو وشوف هيعمل كام
                لان العداد ده بيحسب متوسط السرعه
                على اساسه يقولك انت كده عربيتك بتستهلك كذا
                تعالى بقى للبنزين ..
                انا سافرت من اسكندريه للقاهره ورجعت فى نفس اليوم بالليل بعد عدة مشاوير فى القاهره
                بنفس التفويله اللى روحت بيها
                ووصلت بيتنا اللى هو فى اخر اسكندريه
                وكان فاضل فى العداد شرطه
                يعنى انت عايز اكتر من كده ايه توفير واستهلاك ؟؟؟
                [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

                Comment


                • #9
                  كل واحد بيقيم السيارة بناءا على خبراته السابقة مع السيارات

                  يعني مثلا من كان يقود سيارة قديمة او سيارة حديثة في نفس الفئة تقييمه سيكون ايجابيا اما من كان يقود سيارة اغلى الضعف مثلا سوف يقوم برمي السيارة في اقرب صندوق زبالة

                  اما من يقود لأول مرة ارجوه الا يكتب تقييم لكي لا يخدع الأخرين

                  Comment


                  • #10
                    المشاركة الأصلية كتبت بواسطة newdawn مشاهدة المشاركة

                    اما من يقود لأول مرة ارجوه الا يكتب تقييم لكي لا يخدع الأخرين
                    أنت جيب على اهم نقطه الموضوع ده فعلا مهم
                    لازم الى يعمل تقييم يكون جرب عربيات - عربيه واحده مش كفايه - فى فئه اعلى وفئه اقل وفى نفس الفئه عشان تقييم ده يعنى اعطاء درجات فى موضوع كله على بعضه نسبى يعنى لما اقول على عربيه تسارعها تعبان لازم اقول بالنسبه لأيه
                    يعنى لو حد نزل من فيرراى ركب بى ام هيقول على البى ام تسارعها تعبان
                    [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
                    غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

                    Comment


                    • #11
                      المشاركة الأصلية كتبت بواسطة hardlive مشاهدة المشاركة
                      انا بجد بقيت استغرب جدا لما بقرا تقييمات الناس هنا بخصوص اللوجان من ناحية العفشة واستهلاك البنزين وكذا حاجة تانية
                      يعني استهلاك البنزين مش بيقل عندي عن 8 مفيش رقم ظهر عندي اسمه 5 او 6 ده خالص

                      وأنا مافيش رقم ظهر عندى اسمه 8 خالص مابشوفش غير 5 و 6 وقليلاً 7
                      [LEFT]The only alternative to coexistence is codestruction - [I]Nehru[/I]
                      [/LEFT]
                      [LEFT][COLOR=#000000][LEFT]

                      [/LEFT]
                      [/COLOR][/LEFT]

                      Comment


                      • #12
                        المشاركة الأصلية كتبت بواسطة hardlive مشاهدة المشاركة
                        نيجي بقي لاكتر حاجة حارقة دمي هي السحب بتاع العربية عبارة عن بطة بلدي بتقوم
                        خصوصا لما تكون ماشي مثلا علي الرابع وتيجي تاكل غرزة وتتزنق انا كنت في التويوتا كنت بروح جايب التالت وقارس عليه واحدف العربية لحد ماخرج من الغرزة وارجع اديها الرابع تاني
                        في اللوجان مرة واحدة في صلاح سالم جربت اعملها من بطء السحب كنت هاعمل كارثة ربنا سترها عليا

                        كنت متوقع اول مانقل غيار اقل اللي هو التالت هاتدي العربية دفعة انقذ بيها نفسي بس لقيت صوت الموتور عالي جدا نتيجة اني نازل من غيار اعلي لغيار اقل لكن السحب زي الزفت
                        بالنسبة للنقطة دى فإليك ما أراه حسب خبرتى المتواضعة :
                        موضوع تسقيط نقلة ده موضوع نسبى والقرار يختلف على حسب السرعة اللى انت ماشى عليها.
                        يعنى ما ينفعش أكون ماشى على الرابع على سرعة 100 ، وييجى موقف محتاج فيه سحب ، أقوم أسقط للتالت وأكبس بنزين ، مش هتستفيد حاجة أكتر من ان العربية هتزعق وهتلاقى انك لو كنت كبست على الرابع كان بقى أفيد من التسقيط للتالت.
                        لكن لو انت ماشى على الرابع بسرعة 60 ، واحتجت سحب ، فالتسقيط للتالت هيعمل فرق كبير فى السحب فى الحالة دى لأن التالت هيبقى لسه قدامه براح علشان يدى العربية عزم فتلاقيها تفط منك.

                        لاحظ ان الموضوع ده بيختلف من عربية لعربية فلازم تتصادق مع عربيتك علشان يتربى عندك sense امتى تاخد قرار التسقيط.

                        لو نجحت فى كده ، هتخرج من اللوجان اللى كنت بتخرجه من التويوتا بسهولة.
                        [LEFT]The only alternative to coexistence is codestruction - [I]Nehru[/I]
                        [/LEFT]
                        [LEFT][COLOR=#000000][LEFT]

                        [/LEFT]
                        [/COLOR][/LEFT]

                        Comment


                        • #13
                          المشاركة الأصلية كتبت بواسطة hardlive مشاهدة المشاركة
                          نيجي بقي لحاجة اهم هي التوكيل اللي شعاره ثبت الزبون ويقنعك اني كل حاجة في العربية زي الفل واني كل شكاواتي عبارة عن تهيؤات في تهيؤات واني اي حاجة بقولها في العربية يكون الرد بتاعها ده طبيعي وعادي وفي كل العربيات كده هما 3 جمل رد علي اي حاجة
                          دى بقى هى النقطة اللى أنا متفق معاك فيها ، كلهم كذلك إلا من رحم ربى.
                          [LEFT]The only alternative to coexistence is codestruction - [I]Nehru[/I]
                          [/LEFT]
                          [LEFT][COLOR=#000000][LEFT]

                          [/LEFT]
                          [/COLOR][/LEFT]

                          Comment


                          • #14
                            المشاركة الأصلية كتبت بواسطة egyzizo مشاهدة المشاركة
                            بالنسبة للنقطة دى فإليك ما أراه حسب خبرتى المتواضعة :
                            موضوع تسقيط نقلة ده موضوع نسبى والقرار يختلف على حسب السرعة اللى انت ماشى عليها.
                            يعنى ما ينفعش أكون ماشى على الرابع على سرعة 100 ، وييجى موقف محتاج فيه سحب ، أقوم أسقط للتالت وأكبس بنزين ، مش هتستفيد حاجة أكتر من ان العربية هتزعق وهتلاقى انك لو كنت كبست على الرابع كان بقى أفيد من التسقيط للتالت.
                            لكن لو انت ماشى على الرابع بسرعة 60 ، واحتجت سحب ، فالتسقيط للتالت هيعمل فرق كبير فى السحب فى الحالة دى لأن التالت هيبقى لسه قدامه براح علشان يدى العربية عزم فتلاقيها تفط منك.

                            لاحظ ان الموضوع ده بيختلف من عربية لعربية فلازم تتصادق مع عربيتك علشان يتربى عندك sense امتى تاخد قرار التسقيط.

                            لو نجحت فى كده ، هتخرج من اللوجان اللى كنت بتخرجه من التويوتا بسهولة.

                            الموقف ماكانش رونشة وجري ولا حاجة بالعكس انا مش بجري خالص بس الموقف كان بالظبط اني كنت نازل النفق اللي في صلاح سالم بعد ماتعدي مدخل الكوربة وماسك اليمين ونازل بسرعة عادية مش كابس ولا حاجة فجاة لقيت اللي ادامي بيضرب فرامل علي الرغم اني الطريق مفتوح لكنفكرت اني لو هديت او ضربت فرامل اللي ورايا مش هايعرف يمسك نفسه قولت اسقط غيار وارمي شمال كان فيه مسافة كافية اني اطلع من الشمال بس بسرعة يعني اطلع بسرعة والم نفسي بسرعة كل ده في ثانيتين مثلا
                            المهم اخدت القرار وسقط غيار ومتوقع اني العربية اول ماسقط غيار هالاقي قوة موتور تنقذني بسرعة المهم سقطت الغيار وبرمي شمال لقيت العربية مش جمعت بسرعة وبتاخد وقت كاني لسه في اول الغيار طبعا روحت رديت يمين تاني كان بيني وبين اللي ادامي خلاص حاجة بسيطة اوي لانه برضه لسه بيهدي تقريبا خايف من منزل النفق الله اعلم او بيتعلم جديد

                            Comment


                            • #15
                              المشاركة الأصلية كتبت بواسطة egyzizo مشاهدة المشاركة
                              وأنا مافيش رقم ظهر عندى اسمه 8 خالص مابشوفش غير 5 و 6 وقليلاً 7

                              ماهو عشان كلام حضرتك ده وكلام ناس تانية في موضوع الاستهلاك ده انا بقول اما انكم بتتكلموا عن عربية غير لوجان او عربيتي فيها مشكلة

                              Comment

                              Working...
                              X