العربية اتحكت جامد.....وتقييم للعربية

[abdelgawadprof]

العربية اتحكت جامد فى الباب الخلفى يمين وفيه تطبيقة مكان الحكة انا قربت على صيانة ال 5 الاف . هل انتظر لحد مروح التوكيل . وهما هيعملو ايه هل هيرشوها مكان الحكة (عبارة عن 5 خطوط بيضا ) بلون مطابق للون العربية (اسود) وهتكون زى الاول ولا ايه وبالنسبة للتطبيقة انا بسمع فيه رد على البارد. بالنسبة لتكلفة صيانة ال5 الاف..كام؟ وبالنسبة لو رشو مكان الحكة والتطبيقة بتتكلف كام؟

بالنسبة للعربية وفربت على 5 الاف كيلووالكلام ده بامانة بدون مبالغة
1. سحب العربية ضعيف جدا (لا تسعفنى) لو بعدى عربية نقل مثلا (بخاف حاليا اعدى اى عربية طويلة) لانى خلاص عرفت امكانيات اللوجان. كمان لو العربية محملة ناس هتلاقهيا اكنها فعلا بطة بلدى زى واحد مقال فى المنتدى
2. لعربية شكلها عربية مشئومة ( انا مشفتش عربية بنسبة الخبطات زى اللوجان) انا مش عارف ايه الحكاية لو اى حد مشتريها هتلاقيه محكوكة او مخبوطة ....مش عارف ايه السبب. منحوسة ولا ايه عليها العين شكلها
3. التكييف كان فى البداية كويس دلوقتى مش كويس وطبعا بيخلى العربية زى الزفت فى السحب هى ناقصة هى اصلا سحبها ضعيف والتكييف بيكمل عليها
4. الطرق بتاعتنا فى البلد مش كويسة. بتخلى العربية اكنها بتتنطط مش ثابتة. فعلا العربية مش ثابتة وخفت على الطريق مش زى الاول . انا بخاف ازود عن 80 الا العربية تتقلب
5. بالنسبة للباور بتاع العربية انا اتعودت عليه من الاول مش خفيف (not smooth) وده بيضايقنى فى الملفات الجامدة
6. انا حاسس ان تمن العربية غالى جدا بالنسبة لامكانياتها هى لا تتعدى .......



الحمد لله على كل شئ خلاص كل واحد بياخد نصيبه
وانا راضى بالعربية باللى فيها والحمد لله
وربنا يستر ميطلعش فيها حاجة تانية


ارجو الرد وشكرا

[A.Saad]

سيب الحكة تاخد العين شوية
ورشها برة لان التوكيل اغلى كتير

[ger]

بس الرش بره هيبقى اللون زى باقى العربية

[frhateg]

1 - سحب العربية ولله الحمد مرضي جدا و ده كلام معظم الوحوش و بتسعف و ناس بتجيب بيها 180 . اكيد انت عندك مشكلة ياريت في صيانه ال 5000 تقول لهم عليها او انت بتحط بنزين 90 او 80 .
2 - معظم العربيات في المحروسة بتتخبط حتي و هي واقفة مش اللوجان بالذات . وانا برخص في مرور ابيس كان واحد بيرخص اوبترا و هو بيخلص ورقها من الشباك رجع لقي واحد خبطها في الرفرف الخلفي قعد يزعق و محدش رد عليه .
3 - و انت في صيانة ال 5000 قول لهم علي المكيف حيظبطوا الفريون و حيبقي 100 فل و 10 .
4 - مدام الطرق عندكم مش كويسة فبشويش علي العربية . جربها في طريق كويس و قول لي ثباتها ازاي .
5 - الباور بتاعها لا هو خفيف و لا هو تقيل . و ده بيديها ثبات في السرعات العالية .
6 - اما السعر بتاعها مش غالي جدا زي ما حضرتك بتقول و ياريت تكمل هي لا تتعدي ..... كام .
و كل عام وانتم بخير يا دكتور .

[bishoy02010]

العربية اتحكت جامد فى الباب الخلفى يمين وفيه تطبيقة مكان الحكة انا قربت على صيانة ال 5 الاف . هل انتظر لحد مروح التوكيل . وهما هيعملو ايه هل هيرشوها مكان الحكة (عبارة عن 5 خطوط بيضا ) بلون مطابق للون العربية (اسود) وهتكون زى الاول ولا ايه وبالنسبة للتطبيقة انا بسمع فيه رد على البارد. بالنسبة لتكلفة صيانة ال5 الاف..كام؟ وبالنسبة لو رشو مكان الحكة والتطبيقة بتتكلف كام؟

بالنسبة للعربية وفربت على 5 الاف كيلووالكلام ده بامانة بدون مبالغة
1. سحب العربية ضعيف جدا (لا تسعفنى) لو بعدى عربية نقل مثلا (بخاف حاليا اعدى اى عربية طويلة) لانى خلاص عرفت امكانيات اللوجان. كمان لو العربية محملة ناس هتلاقهيا اكنها فعلا بطة بلدى زى واحد مقال فى المنتدى
2. لعربية شكلها عربية مشئومة ( انا مشفتش عربية بنسبة الخبطات زى اللوجان) انا مش عارف ايه الحكاية لو اى حد مشتريها هتلاقيه محكوكة او مخبوطة ....مش عارف ايه السبب. منحوسة ولا ايه عليها العين شكلها
3. التكييف كان فى البداية كويس دلوقتى مش كويس وطبعا بيخلى العربية زى الزفت فى السحب هى ناقصة هى اصلا سحبها ضعيف والتكييف بيكمل عليها
4. الطرق بتاعتنا فى البلد مش كويسة. بتخلى العربية اكنها بتتنطط مش ثابتة. فعلا العربية مش ثابتة وخفت على الطريق مش زى الاول . انا بخاف ازود عن 80 الا العربية تتقلب
5. بالنسبة للباور بتاع العربية انا اتعودت عليه من الاول مش خفيف (not smooth) وده بيضايقنى فى الملفات الجامدة
6. انا حاسس ان تمن العربية غالى جدا بالنسبة لامكانياتها هى لا تتعدى .......



الحمد لله على كل شئ خلاص كل واحد بياخد نصيبه
وانا راضى بالعربية باللى فيها والحمد لله
وربنا يستر ميطلعش فيها حاجة تانية


ارجو الرد وشكرا

بالنسبة للخبطة لو اللون بتاع العربية التانية ممكن الكومبوند يطلعه
وصيانة ال 5000 ببلاش

1. حضرتك بتحط بنزين إيه ؟؟؟
2. كل شئ جايز
3. أكيد عندك مشكله
4. فعلا ديه مشكلة العربية ان الشوارع بايظة
5. راجع ضغط العجل والزوايا وربط عفشه ونشوف النقطة ديه بعديها
6. أختلف معاك جدا وبشده انا شايف ان مفيش عربية تستاهل تمنها فى مصر كلها قد العربية ديه

[mohamed1979]

نقطه السحب مش معاك فيها العربيه سحبها فوق الممتاز
من اسبوع راجع من شغلى فى البحر الأحمر مسافه 300 كيلو
العربيه فيها اربع وحوش وزن الواحد فيهم لايقل عن 100 كيلو
الشطه كامله الحموله
كل ده و سرعتى لاتقل فى المتوسط عن 140 و فى وش الهواء
طريق السخنه بالملفات + طريق فردى و بسهوله بعدى التريلات و فى طريق القطاميه عربيه ماتركس اتروق منى بجد و عربيه فرنا دخلت كمان واتروقت ووصلت بالحموله دى لغايه 190
حاجه من الأتنين يا اما البنزين و حش
يا اما حضرتك مش عارف تتعامل مع العربيه

[Egyzizo]

يا جماعة لاحظو نقطة مهمة ، فيه فرق بين السحب (التسارع) ، والسرعة القصوى (top speed)

وأنا شايف ان الاتنين فى اللوجان حلوين.

[mohyeldien]

العربية اتحكت جامد فى الباب الخلفى يمين وفيه تطبيقة مكان الحكة انا قربت على صيانة ال 5 الاف . هل انتظر لحد مروح التوكيل . وهما هيعملو ايه هل هيرشوها مكان الحكة (عبارة عن 5 خطوط بيضا ) بلون مطابق للون العربية (اسود) وهتكون زى الاول ولا ايه وبالنسبة للتطبيقة انا بسمع فيه رد على البارد. بالنسبة لتكلفة صيانة ال5 الاف..كام؟ وبالنسبة لو رشو مكان الحكة والتطبيقة بتتكلف كام؟

بالنسبة للعربية وفربت على 5 الاف كيلووالكلام ده بامانة بدون مبالغة
1. سحب العربية ضعيف جدا (لا تسعفنى) لو بعدى عربية نقل مثلا (بخاف حاليا اعدى اى عربية طويلة) لانى خلاص عرفت امكانيات اللوجان. كمان لو العربية محملة ناس هتلاقهيا اكنها فعلا بطة بلدى زى واحد مقال فى المنتدى
2. لعربية شكلها عربية مشئومة ( انا مشفتش عربية بنسبة الخبطات زى اللوجان) انا مش عارف ايه الحكاية لو اى حد مشتريها هتلاقيه محكوكة او مخبوطة ....مش عارف ايه السبب. منحوسة ولا ايه عليها العين شكلها
3. التكييف كان فى البداية كويس دلوقتى مش كويس وطبعا بيخلى العربية زى الزفت فى السحب هى ناقصة هى اصلا سحبها ضعيف والتكييف بيكمل عليها
4. الطرق بتاعتنا فى البلد مش كويسة. بتخلى العربية اكنها بتتنطط مش ثابتة. فعلا العربية مش ثابتة وخفت على الطريق مش زى الاول . انا بخاف ازود عن 80 الا العربية تتقلب
5. بالنسبة للباور بتاع العربية انا اتعودت عليه من الاول مش خفيف (not smooth) وده بيضايقنى فى الملفات الجامدة
6. انا حاسس ان تمن العربية غالى جدا بالنسبة لامكانياتها هى لا تتعدى .......



الحمد لله على كل شئ خلاص كل واحد بياخد نصيبه
وانا راضى بالعربية باللى فيها والحمد لله
وربنا يستر ميطلعش فيها حاجة تانية


ارجو الرد وشكرا

بصراحة اتفق معاك فى بعض النقاط خصوصا رقم 2 امبارح غسلت العربية بالمغسلة و كانت زى العروسة ما شاء الله و كمان عملتها بالواكس و اصبحت بتلمع كأنها لسه جديدة مفيش عشر دقايق ركنتها تحت البيت و انزل الاقيها
عدمانة من الجيران ما اعرفش رموا عليها ايه خلاها مليانة بقع غريبة طبعا زعلت جدا و قلت حصل خير طبعا بعد ما عليت صوتى علشان حد يرد ما لقيت حد يرد شتمت و مشيت رحت اخدت الولاد و قلت نروح نشترى سحور اول ليلة بقى فى رمضان كل سنة وانتم طيبين طبعا الدنيا زحمة موت كل الناس بتشترى سحور مش عارف مين قال ان البلد فيها ازمة اقتصادية الناس عاملة زى المناشير طوابير رهيبة و زحمة مووت المهم لقيت مكان بالعافية ركنت فيه العربية قريب من شجرة و قلت اكيد العصافير نامت دى الساعة 12 بالليل المهم دخلت و من شدة الزحمة قرفت و ما رضيت اشترى لما لقيت الناس بتتدافع بطريقة غريبة كانه آخر يوم فى حياتهم قلت ايه اللى يقرفنى هو خلاص لو ما اشتريت من هايبر ماركت مش هينفع روحت قلت اطلع ادور على مكان تانى اريق شوية
المهم طلعت لقيت العربية العصافير عاملة عليها حفلة و يبدو انها كانت واكلة أكلة تقيلة لقيت العربية كلها بقايا من العصافير طبعا اتنرفزت و برده قعدت اشتم فى العصافير ان عصفور يرد ما لقيت حد رد قلت حتى العصافير !!!
طبعا اتعكننت و قلت بلاها اشترى سحور و اكل الموجود بالبيت و خلاص
و ضاع الغسيل بالمغسلة و ضاع الواكس و ضاع تعبى 5 ساعات
ايه النحس ده مش عارف
و برضه من يومين لقيت عربية لوجان بترولى واقفة يعينى و لسه بورقها الابيض و فيها خدشبطول الباب الشمال
و الله زعلت عليها واضح ان صاحبها لسه حتى ما مشى بيها
و برضه اتفق معك فى موضوع التكيف مش عارف شحن ايه الزيادة اللى الواحد يشحنه و هو لسه مشترى عربية زيرو....

[Moh_Ibrahim]

[QUOTE=abdelgawadprof;3872931885]العربية اتحكت جامد فى الباب الخلفى يمين وفيه تطبيقة مكان الحكة انا قربت على صيانة ال 5 الاف . هل انتظر لحد مروح التوكيل . وهما هيعملو ايه هل هيرشوها مكان الحكة (عبارة عن 5 خطوط بيضا ) بلون مطابق للون العربية (اسود) وهتكون زى الاول ولا ايه وبالنسبة للتطبيقة انا بسمع فيه رد على البارد. بالنسبة لتكلفة صيانة ال5 الاف..كام؟ وبالنسبة لو رشو مكان الحكة والتطبيقة بتتكلف كام؟

بالنسبة للعربية وفربت على 5 الاف كيلووالكلام ده بامانة بدون مبالغة
1. سحب العربية ضعيف جدا (لا تسعفنى) لو بعدى عربية نقل مثلا (بخاف حاليا اعدى اى عربية طويلة) لانى خلاص عرفت امكانيات اللوجان. كمان لو العربية محملة ناس هتلاقهيا اكنها فعلا بطة بلدى زى واحد مقال فى المنتدى
2. لعربية شكلها عربية مشئومة ( انا مشفتش عربية بنسبة الخبطات زى اللوجان) انا مش عارف ايه الحكاية لو اى حد مشتريها هتلاقيه محكوكة او مخبوطة ....مش عارف ايه السبب. منحوسة ولا ايه عليها العين شكلها
3. التكييف كان فى البداية كويس دلوقتى مش كويس وطبعا بيخلى العربية زى الزفت فى السحب هى ناقصة هى اصلا سحبها ضعيف والتكييف بيكمل عليها
4. الطرق بتاعتنا فى البلد مش كويسة. بتخلى العربية اكنها بتتنطط مش ثابتة. فعلا العربية مش ثابتة وخفت على الطريق مش زى الاول . انا بخاف ازود عن 80 الا العربية تتقلب
5. بالنسبة للباور بتاع العربية انا اتعودت عليه من الاول مش خفيف (not smooth) وده بيضايقنى فى الملفات الجامدة
6. انا حاسس ان تمن العربية غالى جدا بالنسبة لامكانياتها هى لا تتعدى .......



الحمد لله على كل شئ خلاص كل واحد بياخد نصيبه
وانا راضى بالعربية باللى فيها والحمد لله
وربنا يستر ميطلعش فيها حاجة تانية


ارجو الرد وشكرا[/QUOTE

اكيد انت عندك مشكله انا العربيه عندى عامله 2500 كم و زى الفل
سحب جيد جدا و عفشه جميل و ثبات عالى ( كنت جايب 170 على طريق العين السخنه)

حاول تبص على الزيت علشان موضوع السحب
و احجز صيانه للتكييف