مسئول المبيعات هيطير المصيف عليا و على عائلتي

[mr_3m]

وعدني مسئول المبيعات بأستلام السيارة الاربعاء الماضي 11-8-2010 و قلتلة عندي سفر اسكندرية يوم 18-8
قالي ماتقلقش قبل كده كمان العربيه هتكون عندك
يوم الاربعاء الماضي ذهبت و كلي امل وسعاده و هرجع للعيال بالعربية الجديدة بقه و ديه أول سيارة زيرو ليا
لكن الباشا ضحك وقالي معلش العربيات طلعت من الجمرك و طلعت علي التوكيل هتكون عندك يوم الأحد 15-8 قلتلة ليه الزنقه مش هلحق ارخص معلش يا باشا هخدمك فى ورقها و تاني يوم هيكون عندك و اتفضل معاليك تشرب ايه و حركات ......
السبت الصبح قلت اديله آلوه اعرف العربيات وصلت ما وصلتش هصيف مش هصيف
فوجئت بانه مش عاوز يرد علي الموبيل و خلي اخوه يرد عليا و يقوليه انة اجازه و مش نازل المعرض / طيب أكلمه / لا والله هو نايم و ماقدرش اصحية (الساعة كانت 11 ص)
رحت اتصلت بخدمة العملاء علشان اشتكي سؤ المعاملة
جاء الرد كالصاعقة
حضرتك آسفين على إلي حصل لكن معلوماتي ان ما فيش عربيات خرجت من الجمرك و مش قبل 15 يوم كمان
شوفتم
الباشا بيسبتني و كل ما يشوفني يقولي عنيا ليك يا دكتور و اتفضل يا دكتور و بعد ما امشي يقول ابقي قابلني لو سافرت بيها يا دكتور . مع اني مش دكتور
عاوز اخد حقي يا رجاله

[A.Saad]

هات اسم مدير مبيعات التوكيل واتصل بيه
ايميل لفرنسا كمان

[m_car]

هو احنا ليه فى مصر بنتفنن اننا نرخم على بعض

ياجامعة انا زهقت من البلد دى والله

[mr_3m]

عملت شكوه من العيار التقيل لفرنسا و كمان فى مصر
يا مسهل
يمكن يجيب معاهم

[blazer]

هو مش التوكيل لو بتعمل لعربيتك صيانه و هتاخد مده بيدولك عربيه لحد اما عربيتك تخلص؟
يبقى ممكن مثلا ينفع يدولك عربيه على حسابهم لحد اما تستلم ؟

[mr_3m]

هو مش التوكيل لو بتعمل لعربيتك صيانه و هتاخد مده بيدولك عربيه لحد اما عربيتك تخلص؟
يبقى ممكن مثلا ينفع يدولك عربيه على حسابهم لحد اما تستلم ؟

أنا معاك لكن حط نفسك مكانهم برده. هيديلي عربية اسافر بيها و بعد ما ارجع اقلة غيرت رأي و مش عاوز اللوجان و اسحب المقدم
لو نفع كده هعملها قبل كل مصيف فكره برضة

طبعاً لا و معتقدش انه هيعمل كده مع اى حد يالأخص مع حاجزي اللوجان علشان العربية اقتصادية مش بتاعة بهوات. و برده نعتقدش ان العربية لو عايزه يوم ولا اتنين فى التوكيل مش هيديني عربية تانية لحد ما استلم عربيتي من الصيانه بيتاعتها انا اعرف ان مع المرسيدس و الـ BMW الكلام ده موجود ممكن مع الميجان و الفلونس يمكن لكن مش مع اللوجان فيه حد حصل معاه حاجة زي كده يطمنا يا جماعة

[joso]

ياريت حضرتك تحط اسم مسئول المبيعات ده وكمان عنوانه او مكانه ونمرة تليفونه علشان على الاقل نبعتله رسائل نبلغه فيها استيائنا من تصرفه مع حضرتك وكمان اننا حطين اسمه للتحذير من التعامل معاه
انا مش عارف ليه احنا مشعايزين نتجمع ونحط نظام لمالكي اللوجان يساعدنا في مشاكلنا

يد الله مع الجماعه

[M_Rehawy]

هات اسم مدير مبيعات التوكيل واتصل بيه
ايميل لفرنسا كمان

والله يا جماعة انا ليا رأي في موضوع الايميلات لفرنسا ده.
اننا بلاش اول ما يحصل مشكلة نبعت لفرنسا علطول لازم الأول نحاول مع اكبر ناس في التوكيل هنا في مصر زي شريف العالم مثلا علشان كتر الايميلات لفرنسا ممكن يجيب نتيجة عكسية اما انهم يبطلوا يستيجيبوا او انهم يفكروا ان التوكيل ده في مصر لازم يتغير وفي الحالتين احنا اللي خسرانين.
تخيلوا كده لو لغوا عقد الوكالة مع EIM وادوه لكعبور(غبور) مثلا.

[Richman]

والله يا جماعة انا ليا رأي في موضوع الايميلات لفرنسا ده.
اننا بلاش اول ما يحصل مشكلة نبعت لفرنسا علطول لازم الأول نحاول مع اكبر ناس في التوكيل هنا في مصر زي شريف العالم مثلا علشان كتر الايميلات لفرنسا ممكن يجيب نتيجة عكسية اما انهم يبطلوا يستيجيبوا او انهم يفكروا ان التوكيل ده في مصر لازم يتغير وفي الحالتين احنا اللي خسرانين.
تخيلوا كده لو لغوا عقد الوكالة مع eim وادوه لكعبور(غبور) مثلا.

غبور استحالة ياخد توكيل تاني ببساطة لان هو دلوقتي معاه مازدا و هيونداي

[mr_3m]

بركة (فرنسا) حلت
فية ايميل وصل الصبح من فرنسا بيطمني انهم وصلوا الشكوي للتوكيل في مصر و متابعين الشكوي ( منتهي الذوق بصراحه)

بعدها بساعة اتصل واحد من خدمة العملاء و آخر من المبيعات بيسمعوا تفاصيل الموضوع و قالوا هيتصلوا بيا أول ما يوصلوا لحل

ادعولي بالتسهيل

[Richman]

هو دة الكلام السليم، الناس دي متجيش غير كدة

[M_Rehawy]

غبور استحالة ياخد توكيل تاني ببساطة لان هو دلوقتي معاه مازدا و هيونداي

مش لازم غبور بعينه خليه ابو الفتوح.
المقصود ان مفيش في مصر توكيلات عدلة وEIM من أفضلهم حاليا يبقى ليه نخسرهم طالما انه ممكن الموضوع يتحل من غير فرنسا.
وبالنسبة لغبور مفيش حاجة مش ممكن تحصل في مصر.

[Richman]

مش لازم غبور بعينه خليه ابو الفتوح:t_thum1[1]:.
المقصود ان مفيش في مصر توكيلات عدلة وeim من أفضلهم حاليا يبقى ليه نخسرهم طالما انه ممكن الموضوع يتحل من غير فرنسا.
وبالنسبة لغبور مفيش حاجة مش ممكن تحصل في مصر.

هو نافع في اسبيرانزا عشان ياخد رينو؟؟

وانت معاك حق فعلا كل حاجة ممكن تحصل في مصر

[MoHaMed HaMeD]

ان شاء الله خير ياباشا متقلقش توكيل رينو محترم وان شاء لله تستلم ع خير

[zkralla]

تخيلوا كده لو لغوا عقد الوكالة مع eim وادوه لكعبور(غبور) مثلا.

مفيش مقارنه فعلا بين التوكيلات ديه ول eim
فعلا والله ناس محترمين
سيبك من حركات قارعه بتحصل كده من واحد هنا ولا هناك
لكن اول ما تقلب وشك تلاقى الدنيا كلها اتظبت

أن شاء الله ياباشا قلبه الوش بتاعتك ( الاميل بتاع فرنسا ) هبظبط الدنيا كلها