إعـــــــلان

Collapse

.

,
See more
See less

الاستبن نزل ولا حول ولا قوة إلا بالله - والسبب رعونة الناس في بلدنا

Collapse
X
 
  • Filter
  • الوقت
  • Show
Clear All
new posts

  • الاستبن نزل ولا حول ولا قوة إلا بالله - والسبب رعونة الناس في بلدنا

    كل سنه والوحوش طيبين وبخير

    انا مستلم العربيه من شهر كده وعامله 1200 كيلو دلوقتي والحمدلله عربيه كويسه جدا في كل حاجه وتستاهل تمنها

    المهم حصلي النهاردة موقف مش ظريف لكن قدر الله وما شاء فعل - بس الموقف ده اظهرلي شيء مهم

    الي حصل اني كنت ماشي النهارده بعد الفطار في منطقة شيراتون - مصر الجديده في شارع فاضي ومفتوح بس الاضائة فيه خافته شويه

    طبعا انا فاتح النور العادي وماشي لقيت مطب طبعا عادي لوجي عارفه شغلها والي بعده كل ده والدنيا ظريفه

    وبعد كده لقيت الطريق ممهد فجبت التالت وطلعت وعلى 3.5 rpm نقلت على الرابع وشفت على بعد 20 متر واحد واقف على الرصيف رعشتله نور وزمرتله وقولت امشي عادي وكان ده عند تقاطع بس المنطقه فاضيه قمت ماشي وكنت تقريبا على سرعه 70 وفجأة حسيت اني خبطت في حاجه جامد من تحت - انا اتلبشت وركنت بسرعه على اليمين نزلت ابص لقيت الكوتش الامامي شمال نايم على الارض والدريكسيون محدوف يمين!!!

    نزلت ببص ورا لقيت اني خبطت في دبشه كبيره والخبطه كلها جت في فرده العجل الامامي شمال

    المهم لقيت الولد الي كان واقف على الرصيف ده جيلي وقالي انا آسف هو حضرتك مشفتش الطوبه ولا ايه انا اصلي حطيتها علشان بعلم اختي تحود وكده

    قولتله في حد يعمل كده يحط طوب بالحجم ده في المكان ده من الشارع

    قالي ما الناس كلها عارفه ان ده شارع فاضي والناس بتيجي تتعلم فيه

    قولتله ايوه بس بيحطه الطوب او الاقماع على جانب الطريق على اليمين مش في نصه على الشمال؟؟؟؟؟؟؟؟!


    المهم قعد يتأسف وانا تحت امرك وحضرتك معاك عده ... لسه برد لقيت واحد جي معاه بالعده من عربيته وقالولي احنا هنغيرهالك لحد متروح بنزينه

    المهم نزلت الاستبن وكان احساس وحش خالص والعربيه لسه ما مشيتش

    المهم فكو العجله ببص عليها لقيت الكوتش نايم خالص والجنط شفته معوجه بشكل ملحوظ طبعا الدم فار في دماغي وهما عمالين يقولولي احنا اسفين وتحت امرك ... قولتلهم الحمد لله انا مش بقبل عوض

    ركبوا العجله واتأسفوا وشكلهم ولاد ناس مش وش بهدله سبتهم ومشيت وحطيت الفرده البايظة في الشنطه


    ولسه بقول يا هادي وبطلع حسيت بالدريكسيون في ايدي معوج ناحية الشمال
    اتابني أسوء احساس في الدنيا وقولت اكيد حصل حاجه في الزوايا

    المهم طلعت على بنزينة موبيل ملقتش فيها ظبط زوايا لكن رحت لبتاع الكاوتش قولتله بص على العجله وقرط عليها وظبط الضغط

    وبعدين فتحت الشنطه وورتله الفرده

    قالي الجنط ده اتعوج ما يتصلحش والكوتش عايز شنبر؟؟؟؟؟؟؟؟ وخدو بالكم من هذا اللص اللعين

    قولتله طب شكرا ورجعت الفرده ومشيت وطلعت ادور على بنزينه تانيه فيها ظبط زوايا لاني مش هينفع امشي كده

    المهم لقيت على طريق الاوتوستراد بنزينه وطنيه

    دخلت لقيت فيه ظبط زوايا دخلت عليها وظبط العربيه

    وابتدى يشيل الطاسات من الاربع فرد علشان يركب جهاز ظبط الزوايا والمفاجأة انه وهو بيشيل طاسة الفرده الشمال الي ورا لقيت برده شفة الجنط معوجه بس بصورة اقل بكتير جدا من الفرده الاماميه

    فقولتله على القصه قالي بعد ما نخلص هنديها لبتوع الكوتش يبصوا عليها

    المهم قعد يظبط في الزوايا وطبعا الموضوع كله كان في العجل الامامي ويتأكد من قرايات الجهاز ووزنه العجل والدريكسيون
    وجاب مفتاح وراح للعجله الشمال قدام (وانا قولت في نفسي هو هيفك ايه ده) وانا على ايده وكان طبعا بيظط زاويه العجل

    نزلت ابص على العربيه من تحت كانت طبعا حاجه جميله انك تنزل السلم وتشوف العربيه بالكامل من تحت وشوفت الدرع الي بيحمي المتور والحمد لله الطوب مجاش في اي حاجه في جسم العربيه

    وقالي خلاص كده تمام ... حسابك كام ... قالي 20 جنيه قولتله ماشي كل سنه وانت طيب


    المهم ركبت وحسيت ان الدنيا اتظبطت واتعدلت زي الاول

    رحت لبتاع الكاوتش اول ما شاف الفرده الي في الشنطه قالي استعدال انت خبطت في طوبه ولا ايه يا باشا

    قولتله ايوه الحمد لله قدر الله وما شاء فعل

    المهم نفخ الكوتش تاني والعجيب انه اتنفخ وكشف عليه بالصابون مفيش اي خروم ولا حاجه؟؟؟ طيب هو هوى ازاي لو حد عنده اجابه يا وحوش؟؟؟

    وجاب شاكوش وبدأ يعدل الجنط وكل دقه من الشكوش على الجنط كنت بحسها في دماغي ... اصل الفلوس لسه ما بردتش

    المهم عدله وقولتله هي كده تمام؟؟؟ قالي زي الفل مفيهاش حاجه

    قولتله طيب انا كنت لسه عند واحد بتاع كوتش في موبيل وقالي دي عايزة شمبر؟؟

    رد عليه بصوت عالي وقالي شمبر!!!!!!!!!!!! ايه يا باشا دي تيوبليس

    ده كان عايز يضحك عليك ويبعلك شمبر واصلا الكوتش ده تيوبليس مش بيتحطله شمبر

    المهم سألني هو ده الاستبن .... قولتله لا الاستبن ركبته

    خدته وقولتله بص بقى على الفرده الشمال ورا راح فكها وبرده استعدل الحته المعوجه في شفة الجنط وكشف عليها علشان الثقوب والخروم والحمد لله مفيش

    وقمت مديله حلاوته واتكلت على الله وانا بقول الحمد لله

    نيجي بقى للحاجه الجميله في الموضوع
    اني اكتشقت ثبات واتزان العربيه دي ان بالسرعه دي وضخامة الحجر الي جه في العجل انا كنت حاسس اني ثابت على الارض ومتزن الحمد لله ... كان ممكن لا قدر الله في حركه زي دي العربيه تتقلب

    انا حاولت اسرد القصه بالتفصيل الممل علشان الناس تستفيد من التجربه الوحشه دي وتاخد بالها من شوارعنا والناس الي في شوارعنا ... ربنا يهدي


    ولو في حد منكم يا وحوش عنده نصيحه ليا بعد الي حصل ده يا ريت يقولي

    شكرا جزيلا وربنا يسترها معانا جميعا

  • #2
    الف الف حمدا لله علي سلامتك و قدر الله و ما شاء فعل . و هي دي المحروسة و اهل المحروسه . و ربنا يسترها معاك و معانا . و مادام انت ركبت العربية و لقيتها مضبوطة . انسي الموضوع ده و استمتع بلوجي .
    [SIZE=5][B]اللهم انك كريم حليم عفو تحب العفو فاعفو عنا[/B][B] .
    اللهم اعني علي ذكرك و شكرك و حسن عبادتك .[/B][/SIZE]

    Comment


    • #3
      قدر الله وماشاء فعل
      الحمد لله انها جت على اد كدا
      والحمد لله كمان انك اتطمنت على ثبات العربية

      Comment


      • #4
        قدر الله وماشاء فعل والحمد الله انهاحاجه بسيطه وربنا يباركلك فيها ان شاء الله
        وهل الوطنيه ظبط الزوايا بتاعهم كويس
        [CENTER][B][I][FONT=Tahoma][COLOR=SeaGreen][SIZE=4]يارب عفوك ورضاك
        [/SIZE][/COLOR][/FONT][/I][/B]
        [FONT=Comic Sans MS][SIZE=5][COLOR=Purple]MoHaMeD[/COLOR][/SIZE][/FONT][FONT=Comic Sans MS]
        [/FONT] [FONT=Comic Sans MS][COLOR=Blue][SIZE=4] [COLOR=Black][SIZE=5]HaMeD[/SIZE][/COLOR][/SIZE][/COLOR][/FONT]
        [/CENTER]

        HaMeD_73 سابقاً

        Comment


        • #5
          ربنا يباركلك فى العربية
          Eng. Ahmed Bakr:tank:

          Comment


          • #6
            قدر الله وما شاء فعل
            معلش يا باشا الحمد لله انها جت على اد كدة و محصلش حاجة فى العربية من تحت
            ربنا يباركلك فيها
            [CENTER][URL="http://www.nilemotors.net/Nile/%3Ccenter%3E%3Ciframe%20align="][/URL][URL="http://www.nilemotors.net/Nile/%3Ccenter%3E%3Ciframe%20align="]<center><iframe id="IW_frame_1438" src="http://www.tvquran.com/add/index.htm" allowtransparency="1" width="302" align="center" frameborder="0" height="334" scrolling="no"></iframe></center>[/URL]

            [/CENTER]

            Comment


            • #7
              المشاركة الأصلية كتبت بواسطة frhateg مشاهدة المشاركة
              الف الف حمدا لله علي سلامتك و قدر الله و ما شاء فعل . و هي دي المحروسة و اهل المحروسه . و ربنا يسترها معاك و معانا . و مادام انت ركبت العربية و لقيتها مضبوطة . انسي الموضوع ده و استمتع بلوجي .
              الف شكر لحضرتك وربنا يعنا على المحروسه واهلها
              شكرا جزيلا

              المشاركة الأصلية كتبت بواسطة isso مشاهدة المشاركة
              قدر الله وماشاء فعل
              الحمد لله انها جت على اد كدا
              والحمد لله كمان انك اتطمنت على ثبات العربية
              الحمد لله رب العالمين وربنا يسترها علينا جميعا

              المشاركة الأصلية كتبت بواسطة hamed_73 مشاهدة المشاركة
              قدر الله وماشاء فعل والحمد الله انهاحاجه بسيطه وربنا يباركلك فيها ان شاء الله
              وهل الوطنيه ظبط الزوايا بتاعهم كويس
              الحمد لله رب العالمين... شكرا جزيلا

              بص انا النهارده اكتشفت ان الوطنيه دول كويسين في كل حاجه ... عارف ليه لانهم تبع الجيش فعندهم انضباط وامانه
              والحمد لله الفني الي هناك ظبط الزوايا كويس
              شكرا جزيلا

              المشاركة الأصلية كتبت بواسطة ahmedbakr50 مشاهدة المشاركة
              ربنا يباركلك فى العربية
              الله يخلي حضرتك يا أستاذ أحمد
              شكرا جزيلا

              المشاركة الأصلية كتبت بواسطة ahamed7405 مشاهدة المشاركة
              قدر الله وما شاء فعل
              معلش يا باشا الحمد لله انها جت على اد كدة و محصلش حاجة فى العربية من تحت
              ربنا يباركلك فيها
              الحمد لله رب العالمين
              كانت اول مره اشوف العربيه من تحت بالوضوح ده عند بتاع الزوايا
              الحمد لله ان مفيش حاجه جت في جسم العربيه

              شكرا جزيلا وربنا يلهمنا الصواب وسداد الخطى اجمعين يا رب

              Comment


              • #8
                يعني الكاوتش طلع مش مخروم ؟
                يبقى غالباً الفردة نامت عشان الجنط اتعوج ...

                حمد لله على السلامة

                Comment


                • #9
                  المشاركة الأصلية كتبت بواسطة m.osman مشاهدة المشاركة
                  يعني الكاوتش طلع مش مخروم ؟
                  يبقى غالباً الفردة نامت عشان الجنط اتعوج ...

                  حمد لله على السلامة
                  +1111111
                  فعلا الفرده نامت عاشان الجنط اتعوج
                  [gdwl][glow=#3f38a1][CENTER][LEFT]عاشت مصر حره مستقله[/LEFT][/CENTER][/glow][/gdwl]

                  Comment


                  • #10
                    المشاركة الأصلية كتبت بواسطة m.osman مشاهدة المشاركة
                    يعني الكاوتش طلع مش مخروم ؟
                    يبقى غالباً الفردة نامت عشان الجنط اتعوج ...

                    حمد لله على السلامة
                    الله يسلمك ... بس انا مش فاهم يعني ايه الفرده نامت عشان الجنط اتعوج ممكن حضرتك تشرحلي ... يعني هل دي خاصيه في الكاوتش التيوبليس؟

                    المشاركة الأصلية كتبت بواسطة mohamed1979 مشاهدة المشاركة
                    +1111111
                    فعلا الفرده نامت عاشان الجنط اتعوج

                    شكرا جزيلا للمشاركه
                    تحياتي

                    Comment


                    • #11
                      الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.

                      Comment


                      • #12
                        المشاركة الأصلية كتبت بواسطة lastknight مشاهدة المشاركة
                        الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.
                        +1
                        و لذلك كلما قل ارتفاع اجناب الكاوتش (side wall aspect ratio) كلما قلت ملائمة الكواتش و الجنط لشوارع المحروسة ... و دي حاجة بيعاني منها اصحاب السيراتو اللي بيجنط 17 بسبب البروفايل القليل

                        Comment


                        • #13
                          الف سلامة يا باشا

                          وحمد الله على سلامة لوجي

                          ثاني مرة لما يحصل حاجه في الكاوتش اطلع على فروع بريدجستون وحيتعمل شغلك نضيف وحتاخد خصم على الشغل عشان نايل موتورز
                          [CENTER][COLOR="Purple"][SIZE="4"]د. أحمد عبد الرحمن
                          ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

                          Comment


                          • #14
                            متزعلش يا باشا
                            اومال هما سموه استبن ليه
                            انا فى الحقيقه بستغرب من الناس اللى بتقولك مش عايزه انزل الاستبن على الارض
                            اومال هو محطوط فى العربيه ليه ؟ زينه يعنى
                            عشان اما تيجى تبيعها تقول الاستبن منزلش على الارض ؟
                            يا راجل اتمتع بعربيتك
                            ما علينا
                            مش تقلق مش حكاية عوجان الجنط دى
                            حصلت معايا قبل كده واستعدلته كانت الفرده شمال قدام برضو
                            وبعدين الكاوتش من الخبطه مش هيتخرم
                            غالبآ بيتقطع علطول ومبينفعش الا باللحاااااااام
                            بس الكاوتش نوعه نضيف ولسه مش هيحصله الكلام ده
                            الحمد لله انه طلع سليم
                            قدر الله وما شاء فعل
                            [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

                            Comment


                            • #15
                              المشاركة الأصلية كتبت بواسطة lastknight مشاهدة المشاركة
                              الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.
                              الله ينور على حضرتك
                              شكرا جزيلا على المعلومه
                              تحياتي

                              المشاركة الأصلية كتبت بواسطة m.osman مشاهدة المشاركة
                              +1
                              و لذلك كلما قل ارتفاع اجناب الكاوتش (side wall aspect ratio) كلما قلت ملائمة الكواتش و الجنط لشوارع المحروسة ... و دي حاجة بيعاني منها اصحاب السيراتو اللي بيجنط 17 بسبب البروفايل القليل
                              شكرا جزيلا لحضرتك على المعلومه الجميله دي
                              تحياتي

                              المشاركة الأصلية كتبت بواسطة د.أحمد عبد الرحمن مشاهدة المشاركة
                              الف سلامة يا باشا

                              وحمد الله على سلامة لوجي

                              ثاني مرة لما يحصل حاجه في الكاوتش اطلع على فروع بريدجستون وحيتعمل شغلك نضيف وحتاخد خصم على الشغل عشان نايل موتورز
                              الله يسلمك من كل شر يا دكتور
                              هو انا عارف طبعا ان بريدجستون محترفين في موضوع الكاوتش بس انا كنت في وقت صعب الاقي حد فاتح + اني كان لازم اظبط زوايا باسرع وقت ممكن
                              تحياتي

                              المشاركة الأصلية كتبت بواسطة super_star_h مشاهدة المشاركة
                              متزعلش يا باشا
                              اومال هما سموه استبن ليه
                              انا فى الحقيقه بستغرب من الناس اللى بتقولك مش عايزه انزل الاستبن على الارض
                              اومال هو محطوط فى العربيه ليه ؟ زينه يعنى
                              عشان اما تيجى تبيعها تقول الاستبن منزلش على الارض ؟
                              يا راجل اتمتع بعربيتك
                              ما علينا
                              مش تقلق مش حكاية عوجان الجنط دى
                              حصلت معايا قبل كده واستعدلته كانت الفرده شمال قدام برضو
                              وبعدين الكاوتش من الخبطه مش هيتخرم
                              غالبآ بيتقطع علطول ومبينفعش الا باللحاااااااام
                              بس الكاوتش نوعه نضيف ولسه مش هيحصله الكلام ده
                              الحمد لله انه طلع سليم
                              قدر الله وما شاء فعل
                              الحمد لله قدر الله وما شاء فعل

                              وطبعا انا زعلي على نزول الاستبن هو اني انا لسه ممشتش علشان استخدمه لسه يا دوب 1200 كيلو

                              بس الحمد لله انها جت على قد كده

                              وكنت عايز اسأل حضرتك هو الاستعدال كان على البارد ولا السخن
                              اصل هما في البنزينه عدلولي العوجه على البارد بالشكوش بس انا النهارده كنت عند بتاع كاوتش تاني قالي هي اتعدلت تمام كده ومش هتأثر على أي حاجه بس لو عايز تظبطها اكتر ممكن تروح لواحد بتاع جنوط يستعدلهالك على السخن

                              إيه رايك؟

                              Comment

                              Working...
                              X