تقفيل وكماليات اللوجان

[haitham06]

ازيكم يا وحوش
استفسار بسيط يا جماعة بس يا ريت رد حقيقى ومن المجربين، بخصوص تقفيل اللوجان وكمالياتها سمعت إنه ضعيف وإن كمالياتها ضعيفة والصالون فقير بشكل كبير، بصراحة دى حاجة برده مهمة خصوصاً إنى أول مرة بركب زيرو ومش عاوز عربية الاقيها بعد سنة ولا اتنين بقت متبهدلة، شكرا مقدمأ يا وحوش

[mo7a_mo7a]

انصحك تعاينها بنفسك في اي معرض قريب منك ومتعتمدش علي السمع

[mohamed1979]

مينفش تسمع انزل اى معرض و شوف الفئه السعريه و قارن
جوله بالقسم و شوف اراء الناس عنها
على قكره اللوجان العربيه الوحيده فى المنتدى ليها قسم خاص بيها ده تميز برضه حطه فى حساباتك

[haitham06]

هو انا سؤالى بس لملاك اللوجان ورأيهم - بما يرضى الله - فى هذا الموضوع، أنا عارف ان كل واحد بيبقى شايف ان عربيته هى أحسن عربية فى الدنيا بس ردكم ده مهم أوى لأنه هيأثر فى قرار الشراء عشان ملاقيش نفسى بعد سنة ولا اتنين راكب عربية اتبهدلت وعيوب التقفيل فيها بانت، أرجو أنى اكون وضحت قصدى من السؤال وفى انتظار ردودكم ومشاركاتكم من أكبر عدد من الوحوش ، وجزاكم الله خيراً

[mo7a_mo7a]

لازم تشوف الاول وبعدين تسمع

[haitham06]

لازم تشوف الاول وبعدين تسمع

يا جماعة أنا قصدى رأى ملاك اللوجان بعد إستخدامهم للعربية هل مشاكل التقفيل بتبان وهل هى عربية ضعيفة وفقيرة فعلاً زى ما الناس المعارضين لرينو عموما بيقولوا، على فكرة أنا شفت العربية فى معرض سمير ريان وركبتها وشفتها من جوه وبصراحة صالون مش وحش بس أنا قصدى رأى ملاك العربية المحيرة دى، وشكراٍ

[Dr.Karim Emam]

يا جماعة أنا قصدى رأى ملاك اللوجان بعد إستخدامهم للعربية هل مشاكل التقفيل بتبان وهل هى عربية ضعيفة وفقيرة فعلاً زى ما الناس المعارضين لرينو عموما بيقولوا، على فكرة أنا شفت العربية فى معرض سمير ريان وركبتها وشفتها من جوه وبصراحة صالون مش وحش بس أنا قصدى رأى ملاك العربية المحيرة دى، وشكراٍ

طيب ممكن حضرتك تكتب لنا مشاكل التقفيل اللي حضرتك سمعتها و إحنا هانرد عليها واحده واحده

[Egyzizo]

التقفيل كويس ومافيش عندى أى مشاكل من الناحية دى .. والعربية داخلة معايا على سنة و 13 ألف كيلو ولم تظهر أى مشاكل من هذا النوع.

أما حكاية فقير ، فاذا كان قصدك ان ينقصه الفخامة ، فأنا مش هاعرف أفيدك لأنى طالع للوجان من 128 ، فهى بالنسبة لى زى الفل وراضى عن مستوى الصالون.
لكن أكيد فيه طبعاً عربيات تانية الإنتيريور بتاعها أكثر فخامة من اللوجان ، بس دى غالباً هتبقى فى فئات سعرية أعلى.

عايز أوصل لك ان العملية نسبية ، وما يرضينى قد لا يرضيك .. علشان كده لابد لك من المعاينة على الطبيعة.

[fox198626]

أنا بالنسبه لى العربيه معقوله جدا من حيث التقفيل والفخامه...حاجه واحده الأنا مش شايفها تمام فى التقفيل قتحه صغيره تحت التابلوه من اليمين من جهة السائق ومن الشمال من جهة الراكب الأمامى لو دخلت إبدك فيها تحس بأنابيب سخنه بتاعت التكييف السخن تقريبا ..مع العلم انى لم أشعر بيها مطلقا إلا بعد ما بحثت عنها بس كانت لازم تتقفل...غير كده الحمد لله تمام...إنما فقيره وكلام زى كده ده كلام أنا شايفه مش مظبوط بالمره إلا لو كنت بتقارنها بbmw أو مرسيدس

[medo2o1o]

العربية بتتعمل من 2004 و متباع منها فوق المليون عربية بس خلص الكلام

[Super_Star_h]

تقفيل اللوجان وكمالياتها سمعت إنه ضعيف وإن كمالياتها ضعيفة والصالون فقير بشكل كبير

مش افقر من باقى فئتها
عربيه فى السعر ده ايه المطلوب منها ؟؟ يبقى صالونها بينافس bmw ??
التقفيل مش سيئ ومش ممتاز
العربيه مافيهاش مشاكل كبيره وكتيره
خدلك لفه فى القسم وانت هتعرف كل حاجه

[tamer61]

ازيكم يا وحوش
استفسار بسيط يا جماعة بس يا ريت رد حقيقى ومن المجربين، بخصوص تقفيل اللوجان وكمالياتها سمعت إنه ضعيف وإن كمالياتها ضعيفة والصالون فقير بشكل كبير، بصراحة دى حاجة برده مهمة خصوصاً إنى أول مرة بركب زيرو ومش عاوز عربية الاقيها بعد سنة ولا اتنين بقت متبهدلة، شكرا مقدمأ يا وحوش

بص يا باشا .. حكاية إن كمالياتها ضعيفه دي حاجه مش مفهومه و إشاعه سخيفه بمعني إنها فيها كل الكماليات لهذه الفئه و زياده كمثال " تكييف - باور - زجاج كهربائي - مرايات كهربائيه - مفتاح ريموت - كشافات ضباب - مانع سرقه - سنتر لوك مع ريموت المفتاح - كاسيت سي دي " وهناك كماليات إضافيه مش حتلاقيها في باقي الفئه السعريه دي كمثال " كمبيوتر الرحلات - التحكم في إرتفاع كرسي السائق - التحكم في مستوى إرتفاع الكشافات الأماميه " و كمان بخلاف الوساده الهوائيه للسائق و دي طبعا مش كماليات. و خد في بالك إن في عربيات في فئه سعريه أعلى تفتقد لبعض هذه الكماليات زي ال نيو أكسنت لا يوجد بها مرايات كهرباء أو حتى كشافات ضباب بالإضافه لموضوع كرسي السائق و ضبط مستوى الكشافات و مع ذلك فهي عربيه كويسه و ماسمعناش إن حد قال إن كمالياتها فقيره.

"ملحوظه: كل كلامي هنا على اللوجان الكامله فقط"


نيجي لحتة التقفيل .... من وجهة نظري إن مستواه جيد جدا و خاماته محترمه و للعلم العربيه معايا من 10 شهور دون مشاكل و لله الحمد و ما تقلقش هي ماسكه نفسها يعني مش حتفك أو حتخلع من بعضها لأنها بتحمل إسم رينو و دي حاجه مش بسيطه.

و طبعا الكلام السابق عن الكماليات لا يشمل العربيات الصيني لأنها فيها كل حاجه من أول فئه سعريه و كمان بتقول بابا و ماما بس أنا حبيت أوضح إيه إللي موجود في اللوجان. و عموما ربنا يوفقك للخير بإذن الله و تقبل تحياتي.

[haitham06]

شكراً جزيلاً يا جماعة على مجهودكم وردودكم المفيدة بجد ، أنا بس كنت عاوز اتأكد قبل الشراء لأنه قرار مش سهل والردود الإيجابية من الناس على العربية كتيرة والسلبية برده كتيرة عشان كده حبيت بس اعرف الرد من الناس أصحاب العربية واللى جربوها لكن مقصدنش فعلاً الإساءة للعربية ولا أنى أزعل حد من الأخوة، أرجو أنه يكون وضح المقصود.
أستاذ تامر متشكر جدا على ردك الوافى وبارك الله فيك وجزاك خيراً

شكرا

[medo2o1o]

شكراً جزيلاً يا جماعة على مجهودكم وردودكم المفيدة بجد ، أنا بس كنت عاوز اتأكد قبل الشراء لأنه قرار مش سهل والردود الإيجابية من الناس على العربية كتيرة والسلبية برده كتيرة عشان كده حبيت بس اعرف الرد من الناس أصحاب العربية واللى جربوها لكن مقصدنش فعلاً الإساءة للعربية ولا أنى أزعل حد من الأخوة، أرجو أنه يكون وضح المقصود.
أستاذ تامر متشكر جدا على ردك الوافى وبارك الله فيك وجزاك خيراً

شكرا

اللى ادى راى سلبى مركبش العربية انا سقتها مرة واحدة بس و قررت انى اجبها راى انك تسوقها و تشوفها على الطبيعة

[tamer61]

شكراً جزيلاً يا جماعة على مجهودكم وردودكم المفيدة بجد ، أنا بس كنت عاوز اتأكد قبل الشراء لأنه قرار مش سهل والردود الإيجابية من الناس على العربية كتيرة والسلبية برده كتيرة عشان كده حبيت بس اعرف الرد من الناس أصحاب العربية واللى جربوها لكن مقصدنش فعلاً الإساءة للعربية ولا أنى أزعل حد من الأخوة، أرجو أنه يكون وضح المقصود.
أستاذ تامر متشكر جدا على ردك الوافى وبارك الله فيك وجزاك خيراً

شكرا

لا شكر على واجب يا هيثم بيه وإحنا كلنا هنا تحت أمرك في أي إستفسار عن اللوجان و للأمانه هي عربيه مختلفه عن سيارات نفس الفئه و لو سقتها بنفسك حتحس بالكلام ده و ربنا يوفقك بإذن الله.