انا خلاص حستلم ممكن تساعدونى؟

[dr_alshimaa]

أولا انا عايزة احييكم جدا لأنكم ناس ذوق و محترمين و دة اللى شجعنى انى اشارك معاكم و دى أول مرة ليا أشارك فى أى منتدى.

اناكان معايا 128 موديل 2006 و حجزت لوجان 2011 و ان شاء الله حستلم فى خلال يومين ثلاثة بالكتير. بس كان ليا بعض الأسئلة أرجو إنكم تستحملونى و تجابونى عليها:

1- اتصلوا بيا من التوكيل( داون تاون اسكندرية ) و قالولى إن السعر حيزيد 500 جنية علشان الوزير طرس غالى عمل ضريبة 9% على العربيات يعنى حيبقى السعر 68500 جنية لو حد يعرف اذا كان دة حقيقى ولا لأ لأنهم لآخر وقت بيأكدولى ان السعر مش حيزيد لأنهم هما اللى أقنعونى استنا و آخد 2011 بدل 2010 .

2- سمعت انه لازم أركب باركينج سنسور علشان الشنطة عالية فياريت اللى معاهم لوجان يفيدونى فى النقطة دى.

3- نوع البنزين المستخدم لأنى سمعت كلام كتير ما بين 80 و 90 و 92 و 95 .

4- ايه الحاجات اللى أبص عليها و أنا بستلم أنا شليفة ناس كاتبة انه الكاسيت متغير أو هواية مكسورة ممكن ده يحصل و انتى بتستلم من التوكيل؟

بكرر شكرى ليكم و آسفة على الأطاله.

[nour_nrc]

اولا مبرووك علي العربية وربنا يعطيكي خيرها ويكفيكي شرها

زيادة السعر ده صحيح التوكيل هنا في القاهرة بيبيع بالسعر ده ومحمد زكي كمان نفس السعر انا لسه كنت عندهم النهاردة

بالنسبة للبنزين حرام تحطي 80 ده عربية جديدة الافضل 92 خلي بالك ده مش 128

انا زيك طالع من 128 للوجان

الاستلام اقراي المواضيع ده
http://www.nilemotors.net/Nile/90269-a.html


http://www.nilemotors.net/Nile/89354-a.html

[dr_alshimaa]

اولا مبرووك علي العربية وربنا يعطيكي خيرها ويكفيكي شرها

زيادة السعر ده صحيح التوكيل هنا في القاهرة بيبيع بالسعر ده ومحمد زكي كمان نفس السعر انا لسه كنت عندهم النهاردة

بالنسبة للبنزين حرام تحطي 80 ده عربية جديدة الافضل 92 خلي بالك ده مش 128

انا زيك طالع من 128 للوجان

الاستلام اقراي المواضيع ده

http://www.nilemotors.net/nile/90269-a.html

http://www.nilemotors.net/nile/89354-a.html

شكرا جزيلا للرد و اللينكات انا استفدت منها. والله انا فى ال128 كنت بحط بنزين 90 علشان أحافظ عليها بس فى اللوجان بسمع 90 و 92 95 و استغربت من ال 80 .

[kokofepss]

انا الركن فى الاول معايا كان صعب بس اتعودت ...كنت بفكر اركب سنسور بس على ما اخدت القرار لقيت نفسي اتعودت وبركن بسرعة وبعتمد اكتر على المرايات الجانبية خصوصا انها كهربا يعنى ممكن وانتى بتركني تظبطيها زى ما انتى عاوزة ..انا بحط بنزين 92 من الاول لان هو الافضل لاداء العربية

[M.Radwan]

ألف مبروك لحضرتك على العربية

1- فعلا العربية تمنها زاد،
2- هتلاقى صعوبة فى الركن فى الفترة الأولى، خصوصا ان كان عندك 128 اللى بتشوفى منها كل حاجة وراكي فى مراية الصالون.
3- معظم الملاك بيستخدمو 92 وده بيدي أفضل أداء للعربية.
4- ياريت تبوصى على كل حاجة ذكرها أخونا nour_nrc فى اللينكات
ويفضل تاخدى معاكي حد يكون فاهم فى العربيات،

وربنا يباركلك فيها ان شاء الله.

[amr.elsayed]

السعر فعلا زاد
ركبى بركينج سينسور افضل علشان انتى متعودة على عربية كاشفة كل حاجة .... والف مبروك وربنا يباركلك فيها ويعطيكى خيرها ويكفيكى شرها

[mo7a_mo7a]

أولا انا عايزة احييكم جدا لأنكم ناس ذوق و محترمين و دة اللى شجعنى انى اشارك معاكم و دى أول مرة ليا أشارك فى أى منتدى.

شكرا جزيلا علي زوقك وان شاء الله مش اخر مرة معانا

اناكان معايا 128 موديل 2006 و حجزت لوجان 2011 و ان شاء الله حستلم فى خلال يومين ثلاثة بالكتير. بس كان ليا بعض الأسئلة أرجو إنكم تستحملونى و تجابونى عليها:

انا كمان من اسكندرية ولو احتجت اي مساعدة انا تحت امرك وممكن نتعرف علي الخاص

1- اتصلوا بيا من التوكيل( داون تاون اسكندرية ) و قالولى إن السعر حيزيد 500 جنية علشان الوزير طرس غالى عمل ضريبة 9% على العربيات يعنى حيبقى السعر 68500 جنية لو حد يعرف اذا كان دة حقيقى ولا لأ لأنهم لآخر وقت بيأكدولى ان السعر مش حيزيد لأنهم هما اللى أقنعونى استنا و آخد 2011 بدل 2010 .

السعر زاد فعلا 500 جم بس مش بسبب الجمارك لان اللوجان معفية اصلا من اي جمارك

2- سمعت انه لازم أركب باركينج سنسور علشان الشنطة عالية فياريت اللى معاهم لوجان يفيدونى فى النقطة دى.

لا انا رايي انك حتتعود بسهولة خصوصا ان عربيتك مرايات كهربا وده حيساعدك في الركن كتير وانا شخصيا معايا تريوس واظن ان محدش عده شنطة اعلي من اللي عندي

3- نوع البنزين المستخدم لأنى سمعت كلام كتير ما بين 80 و 90 و 92 و 95 .

رينو نفسها بتقول 80 لان العربية مصممة للعالم الثالث ورومنيا نفسها (الدولة المصنعة) بتعتمد عليه ونسبة انضغاط المحرك 9.5 مش 10 زي العربيات اللي بتحتاج 92 لكن لازم الوكيل يقولك حط 92 مهو مش دافع حاجة من جيبه وعايز الناس تبقي مبسوطة ويبقي هو في الامان

4- ايه الحاجات اللى أبص عليها و أنا بستلم أنا شليفة ناس كاتبة انه الكاسيت متغير أو هواية مكسورة ممكن ده يحصل و انتى بتستلم من التوكيل؟

بكرر شكرى ليكم و آسفة على الأطاله.

اعتقد ان الاخوة جاوبو باستفاضة واليك الملف التالي حيساعدك نزله من المرفقات

Hotfile.com: 1-CLICK Dateihoster: RENAULT LOGAN CkeckList.xls

[amr.elsayed]

رينو نفسها بتقول 80 لان العربية مصممة للعالم الثالث ورومنيا نفسها (الدولة المصنعة) بتعتمد عليه ونسبة انضغاط المحرك 9.5 مش 10 زي العربيات اللي بتحتاج 92 لكن لازم الوكيل يقولك حط 92 مهو مش دافع حاجة من جيبه وعايز الناس تبقي مبسوطة ويبقي هو في الامان

لا بعد ازنك يا موحا انا بختلف معاك فى هذا الرأى ولو حنمشى على كلام رينو يبقى يتحط اوكتان 91 على الاقل واحنا ماعندناش اوكتان 91 وبالتالى 92 كافى لتاخذ افضل اداء من السيارة

http://www.nilemotors.net/Nile/16758-gasoline-octane-number-engine-cr.html

[nour_nrc]

http://www.nilemotors.net/Nile/101515-a.html

بالنسبة لحساس الركن

[nour_nrc]

بالنسبة لحساس الركن http://www.nilemotors.net/Nile/101515-a.html

[Egyzizo]

رينو نفسها بتقول 80 لان العربية مصممة للعالم الثالث ورومنيا نفسها (الدولة المصنعة) بتعتمد عليه ونسبة انضغاط المحرك 9.5 مش 10 زي العربيات اللي بتحتاج 92 لكن لازم الوكيل يقولك حط 92 مهو مش دافع حاجة من جيبه وعايز الناس تبقي مبسوطة ويبقي هو في الامان

طب يا ريت يا موحا .. لايمنى بس فين رينو بتقول الكلام ده علشان يبقى فيه شرعية للى أنا باعمله بدل ما أنا حاسس بالذنب (على طول نص التنك 80 والنص التانى 92).

[dr_alshimaa]

أنا متشكرة ليكم كلكم فعلا أفدتونى..