عندي ملاحظتين و ارجوا المساعدة

[walloo1978]

يا وحوش اللوجان كل سنة و انتوا طيبين

أنا عندي ملاحظتين و ارجوا انكم تفيدوني

العربية عاملة 1000 كم

النهاردة و أنا خارج الصبح كنت راكن و في واحد كان قافل عليه
و كان لازم ألف الدركسيون للاخر علشان أعرف أخرج فسمعت تزييء طلعت شوية و بعدين لفيت الدركسيون تاني بس العكس لحد الاخر و رجعت فسمعت تزييء تاني تقريبا الصوت جاي من العفشة بس أنا قلقت بصراحة بالمناسبة الصوت بيكون قبل العربية ما تتحرك يعني و أنا بلِف الدركسيون.

الحاجة التانية مشيت و رحت الشغل كله تمام مفيش مشاكل و ركنت العربية في جراج الشركه و نزلت فسمعت صوت في الكبوت كأن في حاجة بترن في الصاج زي ماتكون ماسك مسمار و بتخبط بيه باللراحة على الصاج . هو الصوت مش عالي كمان أنا كنت مشغل التكيف و أنا في العربية و قفلته طبعا قبل ما اركن .

سؤال أخير طبعا انتوا عارفين ان أول صيانة على 5000
فهل الزيت اللي في العربية ممكن يستمر لميعاد أول صيانة؟


يا ريت يا وحوش اللي عنده معلومة يفيدني

[mrmohamedragab]

انا كمان عندى العيبين دول بس اختلافى عنك ان معنديش تكييف و لا بور بسمع صوت التكه بتاعت الصاج دى بعد اما بركن و بنزل و العربيه عامله ٢٠٠٠ كيلو و كاتبهم فى الملاحظات الى هقولهالهم فى معاد اول صيانه

[tamer61]

صوت الرنه إللي بتسمعوها دي جايه من الصاجه إللي لونها فضي بتاعة الفرن و هي بتعمل الصوت ده بعد ما تبطل العربيه نتيجة التمدد و الإنكماش و ده صوت عادي جدا و طبيعي و مفيش منه أي قلق. و تقبلوا تحياتي.

[mohsh_84]

........................

استخدام الأحرف الانجليزية في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

6:22m 3/9/2010
المشرف العام 5

[m_bakr]

الزيت اللى فى العربية المقروض يتغير عند 10 ألاف كيلو أو 6 شهور (أيهما أقرب)

[ahmedbakr50]

صوت الرنه إللي بتسمعوها دي جايه من الصاجه إللي لونها فضي بتاعة الفرن و هي بتعمل الصوت ده بعد ما تبطل العربيه نتيجة التمدد و الإنكماش و ده صوت عادي جدا و طبيعي و مفيش منه أي قلق. و تقبلوا تحياتي.

الله ينور عليك

[walloo1978]

صوت الرنه إللي بتسمعوها دي جايه من الصاجه إللي لونها فضي بتاعة الفرن و هي بتعمل الصوت ده بعد ما تبطل العربيه نتيجة التمدد و الإنكماش و ده صوت عادي جدا و طبيعي و مفيش منه أي قلق. و تقبلوا تحياتي.

شكرا يا دكتور على الإفادة

[hobby10]

الزيت اللى فى العربية المقروض يتغير عند 10 ألاف كيلو أو 6 شهور (أيهما أقرب)

قصد حضرتك او 12 شهر

[SeaShark]

صوت الرنه إللي بتسمعوها دي جايه من الصاجه إللي لونها فضي بتاعة الفرن و هي بتعمل الصوت ده بعد ما تبطل العربيه نتيجة التمدد و الإنكماش و ده صوت عادي جدا و طبيعي و مفيش منه أي قلق. و تقبلوا تحياتي.

كلام مظبوط تماما

[Dr.Karim Emam]

قصد حضرتك او 12 شهر

لأ 6 شهور زي ما قال m_bakr

[ahmedbakr50]

لأ 6 شهور زي ما قال m_bakr

هوه أخويا الكبير آه
بس معلهش هيه زى ما هبه قالت
12 شهر أو 10000 كم
ونرجع ونشوف كتيب الصيانة

[kamalsalem]

هو التكييف في اللوجان اوبشن؟ ازاي اللي بيقول من غير تكييف

بالنسبة لصوت الباور اي مكنة باور هيدروليك بتعمل صوت ف اخر مشوارها عشان الطرمبة بتنفس الزيت الزيادة وده بعكس الباور الكهرباء اللي الدركسيون ف اخر المشوار بيفصل وبتلاقيه بس في سنة في الاخر كده الدركسيون بيعمل خبطة كده

انا معرفش اللوجان الباور بتاعها نظامه ايه فيهم.. يا ريت حد يقوللي

[m_bakr]

هوه أخويا الكبير آه
بس معلهش هيه زى ما هبه قالت
12 شهر أو 10000 كم
ونرجع ونشوف كتيب الصيانة

أنا قرأت إنها 12 شهر بالفعل
بس فى التوكيل قالولى كدة، وأعتقد أنهم بيغيروا الزيت بناءً على كدة
يعنى لو عربية رايحة تعمل صيانة الـ 5 ألاف وفات على شراها أكثر من 6 شهور، ساعتها هايغيروا الزيت علشان يبقوا فى الأمان (لأنهم مسئولين عن الموتور قى فترة ضمانه)
والله أعلم

[mosakr]

صلاحيه الزيوت تكون 6 اشهر فقط من تاريخ التغيير