سؤال عن زيت الموتور

[Moh_Ibrahim]

انهارده قلت لما اشوف لما اكشف على الزيت بنفس و لقيت الملاحظات التاليه

1. الزيت فقد لزوجته خالص عشان كده انا نويت اغيره على الرغم من انى عامل 3200 كم ؛ بس انا شارى العربيه اول شهر 6 و هيه متصنعه شهر 3 ( يعنى تقريبا 6 شهور يبقى انا شايف اغير الزيت )

2. و انا بشوف منسوب الزيت لقيت ان الزيت معدى علامة max الى موجوده على الدراع اللى بيقيس منسوب الزيت
( مكتوب فى الكتالوج ان لو الزيت اعلى من علامة max يبقى فيه مشكله و يجب اذهب للتوكيل)

كنت عايز رايكم فى الكلام ده و ايه الصح اللى يتعمل

[karimnet]

تروح التوكيل تدخل للمهندس و تخليه يشوف الزيت و المنسوب و اللزوجة و هو يقولك تغير او لا

و ياريت تصور المنسوب على الموبايل صورة واضحة قبل ما تدور العربية الصبح

[ahmedsamir5edr]

ايه اللي هيخليه يرووح لحد التوكيل ..
انتا شوف ميكانيكي بتثق فيه و هوا يقولك رأيه تغير و لا لأ ؟؟

و لو الزيت أعلي من الطبيعي يريح الطبه شويه و ينزل الزياده و يربطها تاني

[karimnet]

الميكانيكية كلهم فى الموضوع ده بالذات مخهم غريب .. حيقولك ده اللى جاى فى العربية لازم يتغير و اى كلام .. علشان الموضوع بالنسبالهم ثقافة

و لو راح التوكيل و قالولوا سيبو او غيرو و حصل اى حاجة هم المسئولين .. بالذات فى الموتور

[amrelzawawy]

انا رايح بكره الصبح ان شاء الله وهرد عليكم فى المساله دى

[ahmedsamir5edr]

ان شاء الله .. منتظرين الرد

[Super_Star_h]

غيره احسن واضمن
اول زيت فى الماتور ومرحلة التليين بيبقى مش تمام

[frhateg]

انا شاري العربيه اول شهر 12 / 2009 و عامله معايا 7000 كيلو و لسه مغيرتلهاش زيت لغايه دلوقتي . هل فيه مشكله في كده . لأني سمعت اني غيار الزيت في صيانه ال 10000 و فيه ناس قالت انها غيرته علي 12000 بدون مشاكل .

[cheetos_892005]

يا جماعه نوع الزيت ده اللي هو بيعد 10000 غير النوع التاني اللي بيعد 1000 و 2000 و 3000
انا علي حد معلوماتي ان ده طبيعي انك متحسش بلزوجته
هو بيبقي لزج مع سخونه الموتور و الله اعلم
هات زيت جديد من الجركن و انت تشووف
كمان عشان الخلوص في الموتور ضيق جدا لانه جديد
والله اعلم ....بس انا ماشي مع التوكيل ....
لانهم مسؤيلين عن كلامهم عشان انا في الضمان

[AbO_FaRaH]

انا اتصلت بالتوكيل قالوا مفيش قلق ولا حاجه الزيت بيمشى 10000 كليو....وسالت هل للزيت فتره صلاحيه معينه عشان الناس اللى عامله بالعربيه كليو متر قليل....قالى لا..لا...لا.................زيت ال 10000 يمشى 10000 كيلو بدون فتره صلاحيه لان فيه ناس هنا قلت...بحد اقصى 12 شهر.....الرجل قالى الكلام ده مش مظبوط..........واللى عاوز يتاكد يتصل ب 16202

[best2010]

انا اتصلت بالتوكيل قالوا مفيش قلق ولا حاجه الزيت بيمشى 10000 كليو....وسالت هل للزيت فتره صلاحيه معينه عشان الناس اللى عامله بالعربيه كليو متر قليل....قالى لا..لا...لا.................زيت ال 10000 يمشى 10000 كيلو بدون فتره صلاحيه لان فيه ناس هنا قلت...بحد اقصى 12 شهر.....الرجل قالى الكلام ده مش مظبوط..........واللى عاوز يتاكد يتصل ب 16202

غريبة انا قريت على المنتدى هنا ان زيت الموتور له فترة صلاحية .. بس مادام التوكيل قال كده يبقى ماشى كلامه

[AbO_FaRaH]

غريبة انا قريت على المنتدى هنا ان زيت الموتور له فترة صلاحية .. بس مادام التوكيل قال كده يبقى ماشى كلامه

انا بردو قريت نفس الكلام ...بس انا اما اتصلت بالتوكيل الموظف اللى رد عليا قالى لا

اعتقد كانت الاخت hoppy
قالت انا فتره الصلاحيه 10000 كليو او 12 شهر ايهما اقرب....ياريت هى بردو تحاول تتاكد من المعلومه

[Moh_Ibrahim]

انا شاكر جدا لكل الناس المحترمه اللى ردت
بس اللى انا اعرفه ان الزيت 10000 كم اخره 6 شهور و الله اعلم

[hobby10]

انا بردو قريت نفس الكلام ...بس انا اما اتصلت بالتوكيل الموظف اللى رد عليا قالى لا

اعتقد كانت الاخت hoppy
قالت انا فتره الصلاحيه 10000 كليو او 12 شهر ايهما اقرب....ياريت هى بردو تحاول تتاكد من المعلومه

ايوه فعلا ياجماعة الكلام كلام مهندس حسام نفسه ان زيت ال5000 يقعد 5000 او 6 شهور .. وزيت ال10000 يقعد 10000 او 12 شهر

وانا كان لازم اسأل السؤال ده لانى بمشى قليل بالعربية فكان ضرورى اعرف المعلومة دى

مع احترامى لكلام موظف خدمة العملاء انا اشك فى كلامه بصراحة وهم اصلا اغلب كلامهم من خبرات الناس يعنى بيبقى مش صح

والموضوع سهل عموما اى حد فى بنزينة حيقول نفس اللى بقوله ده ... اعتقد الكلام مش غريب

ولو حد تانى عنده معلومة اكيد ياريت يدلنا .... شكرا

[amrelzawawy]

يا جماعه حاجه من الاتنين يا فى ناس بتفتى يا التوكيل بيقول لكل واحد غير التانى وعلى ما اظن الاولى اصح رجعت من التوكيل وكل المهندسين قالوا كلمه واحده بعد عشره الاف ومش هيخسروا حاجه لو صممت اغير الزيت قبل كده لانه على حسابى فاكدلى متقلقشى والزيت ليه صلاحيه سنه واحده فقط لا 6 شهور ولا غيره تقدر تحسبها لو خايف من تاريخ الافراج الجمركى اللى رخصت بيه وده اللى حط فيه التوكيل الزيت بمعرفته.......خلص الكلام