اخ جديد ليكم محتاج مساعدة

[beterban]

اولا السلام عليكم :
انا فى الحقيقه متابع جيد جدا للمنتدى من فترة طويله جدا يمكن من اكتر من 10 شهور تقريبا ومعجب جدا بالسيارة اللوجان ودة فى الحقيقه يرجع لمجهود الاخوة المتميزين الموجودين هنا فى المنتدى والى ملاحظ اعجابهم الشديد بسيارتهم الشخصيه وتفانيهم فى الدفاع عنها ومش عاوز احدد اسماء بعينها عشان ما حدش يزعل ولكن اخص بالشكر والامتنان لمجهودهم فى الرد على استفسارات الاخرين ( -bishoy-ringo - fox - sharky - nader nabile - mo7a mo7a ) وطبعا الاب الروحى col - eng - khaled ودول فى الحقيقه يستاهلوا كل الشكر مش من الاعضاء فقط ولكن من شركة رينو نفسها لانى باعتبرهم من اكبر المساهمين فى انتشار السيارة بالشكل الجميل الى انا متابعه دة .

المهم ان شاء الله انا ناوى اتوكل على الله واجيب حبيبتكم لوجى فول اوبشن باذن الله تعالى وناوى احجزها من التوكيل فى المقطم اول شهر 10 الى جاى ان شاء الله - بس فى حاجه محيارانى جدا الا وهو اللون الى اجيبه انا عن نفسى معجب جدا بالفيرانى بس فى ناس كتير من زمايلى مخوفينى منه ومن اى لون غامق ودة عشان الخدوش والتراب ومظهر العربيه وخاصة ان انا ساكن فى منطقة ريفيه فى المنوفيه وباشتغل فى القاهرة . وبيرشحولى الالوان الفاتحه وخصوصا اللون الفضى .
بس انا لسة محتار ونفسى الاخوة الاعزاء يساعدونى وخاصة ملاك الالوان المتميزة فى اللوجى ( البترولى - الفيرانى - الفضى - البيستاج ) لانى عاوز استفيد من خبرتهم فى التعامل مع لون عربيتهم ومدى رضاهم عن لون عربيتهم بعد فترة من الشراء وان شاء الله زى ما عودتونا الموضوع دة يكون مرجع لكل الى محتار فى اللون زى حالاتى .
وثانيا اية ملاحظتكم على التوكيل الى فى القطاميه .
وعلى فكرة دى اول عربيه لى ويا رب ربنا يباركلى فيها ويباركلكم فى عربياتكم
ولكم جزيل الشكر والامتنان .

[frhateg]

1000 مبروك عليك مقدما . انا معايا الأسود . و لكني ارشح لك اللون الفضي .

[MoHaMed HaMeD]

مبروك مقدما ان شاء الله
انا معايا الون الاسود بس تعابنى جدا انه بيتوسخ بسرعه جدا بس لما العربيه بنتظف شياكه انا ارشحلك الفضى والنبيتى ويأتى اخيرا البترولى

ومبروك مقدما مره اخرى

[amr.elsayed]

الف مبروك مقدما وان شاء الله تكون وش السعد عليك
بالنسبة للالوان كل حاجة وليها تمن او حتضحى بحاجة قصاد حاجة بمعنى
الالوان الغامقة رائعة وبتعطى للوجان شكل جميل خاصة بالليل مع ظهور انوار العربية .. بس فى نفس الوقت حتضحى بالعملية بمعنى ان الالوان الغامقة ليها عيوب زى اظهار الخدوش و امتصاص حرارة اشاعة الشمس وكثرة النضافة
..............................
ان معايا اللوجان الفيرانى لون جميل وانا راضى عنه جدا ولكن اللون انا موفر له العناية اللازمة من مستلزمات العناية بالدهان بالاضافة ان البواب بينضفها كل يوم
لو عندك المقومات دى مش حتحس بعيوب اللون الغامق ... نصيحتى ليك تجيب اللون الفضى انا شايف انه لون جميل وعملى فى نفس الوقت
وان شاء الله تحجز وتستلم على خير وربنا يباركلك فيها

[M.Radwan]

الف مبروك مقدما وان شاء الله تكون وش السعد عليك
بالنسبة للالوان كل حاجة وليها تمن او حتضحى بحاجة قصاد حاجة بمعنى
الالوان الغامقة رائعة وبتعطى للوجان شكل جميل خاصة بالليل مع ظهور انوار العربية .. بس فى نفس الوقت حتضحى بالعملية بمعنى ان الالوان الغامقة ليها عيوب زى اظهار الخدوش و امتصاص حرارة اشاعة الشمس وكثرة النضافة
..............................
ان معايا اللوجان الفيرانى لون جميل وانا راضى عنه جدا ولكن اللون انا موفر له العناية اللازمة من مستلزمات العناية بالدهان بالاضافة ان البواب بينضفها كل يوم
لو عندك المقومات دى مش حتحس بعيوب اللون الغامق ... نصيحتى ليك تجيب اللون الفضى انا شايف انه لون جميل وعملى فى نفس الوقت
وان شاء الله تحجز وتستلم على خير وربنا يباركلك فيها

رينجو باشا قالك المفيد
ان معايا اللون الفضي، العربية مش بتحتاج مني غير أنظفها بالرياشة كل يوم الصبح تبقى زي الفل.
ربنا يباركلك فيها ويملاها خير ان شاء الله،

[ahmedbakr50]

أنا معايا البترولى ولونها مع النواكل جامد جداً

[cheetos_892005]

فضي ثم بترولي
علي فكره انا عربيتي بترولي

[fox198626]

أنا أرشحلك النبيتى ثم البترولى وأنا معايا بترولى..وألف مبروك مقدما

[AirForces]

انا معايا فيرانى بس بيحتاج نظافة دايمة حتى لو مغطى العربية بيتوسخ بسرعة
فبرشحلك النبيتى ثم الفضى لأنهم الوان عملية

[best2010]

الفضى اكيد طالما موضوع التراب ده هيبقى مشكلة عندك ..
وانا كنت محتار بين الفضى لانه عملى اكتر والفيرانى لانه أشيك .. ورسيت على الفضى

[MACATHIUS]

نصيحتى بلاش الأسود لن معايا اسود شيك اوى بس عاوز ينضف كل ساعة

[eng_amrnabil]

لون السيارة وشكلها الحقيقي

السلام عليكم ورحمة الله وبركاته ،،،

الأخوة أعضاء المنتدى الكرام وخصوصا قسم الرينو لوجان كل عام وأنتم بخير

أولا: ألف مليون مبروك وربنا يحفظهاله ويكفيه شرها كل من يمتلك اللوجان أو حجزها ، أنا على فكرة على وشك الاستقرار على اللوجان باذن الله.

ثانيا: لي طلب صغير من الأعضاء بالنسبة للألوان ، يا ريت اللى معاه السيارة يبعتولنا صورتها واسم اللون ايه لان فى اختلاف فى اسم اللون وخصوصا مع مندوبي المعارض.

وفى نفس الوقت يا ريت يتعمل قسم لصور اللوجان والتعديلات اللى فيها.

شكرا والسلام عليكم ورحمة الله وبركاته

[amr.elsayed]

فعلا محتاجين شوية صور فى القسم للالوان وشوية تظبيط
بالنسبة للالوان .. فى بعض الالوان للعربية بيسموها بكزا اسم يعنى مثلا
الاسم الدارج = الاسم الاصلى
الفيرانى = رمادى نجمى ... ودة اكتر لون فيه لغبطة
النبيتى = الاحمر نارى
وعامتا كلهم للون واحد بس اوعى تتلغبط لازم تشوف اللون او يشاورلك على لون زايه

[beterban]

بسم الله الرحمن الرحيم

اولا انا متشكر جدا ل eng - amr nabil لان طلبه دة هوة الى انا اقصدة فعلا .
لانى دورت كتير على النت على الوان اللوجان ما باشوفش غير الالوان الرسميه الى نازله على موقع كونتاكت وبعض الصور القليله جدا لعدد من الاعضاء .

ودة احد اهداف طلبى الى انا عملت من اجله الموضوع دة وهو ان الاخوة الجدد يقدروا يتعرفوا على الوان السيارة على الطبيعه من خلال تجارب الاعضاء وملاك اللوجان السابقين وفى نفس الوقت يستفيدوا من تجاربهم فى التعامل مع الوان عربياتهم وايه العملى منها وايه الى مش عملى .
وفى الحقيقه انا استفدت جدا حتى الان من اراء الزملاء الى ردوا على الموضوع دة
وربنا يباركلهم فى عربياتهم .

[AirForces]

طيب دا فيديو فيه بتاع 4 او 5 الوان للوجان (فضى - شامبين - نبيتى - ازرق- اعتقد فى فسدقى ظهر فى الأخر )

[youtube]http://www.youtube.com/watch?v=7zaQKEnxb84&feature=player_embedded[/youtube]


على حد علمى الألوان المتوفرة فى مصر هى :
فضى
شامبين ( دهبى فاتح )
نبيتى ( احمر نارى)
بترولى ( لون ما بين الكحلى والرصاصى)
فيرانى (رمادى نجمى او رصاصى غامق)
أسود
أبيض ( متوفر فى فئة no option الفاضية فقط)