حاجه غريبه ... السرعه اخرها 160 !!!!!

[Super_Star_h]

الموضوع ده اتكلمت عليه قبل كده
من ساعة اخر مره سافرت مطروح
وكانت السرعه عندى اخرها 160 ك
كله قالى يمكن فلتر هوا ؟؟
ونضفت الفلتر من فتره
واللى قالى يمكن الهوا كان ضدك !!
ماشى ما علينا
قولت اجرب فى يوم تانى الحوار ده اما اكون مسافر
امبارح سافرت القاهره ومشيت على الصحراوى والطريق مفتوح ما شاء الله
ودوس يا معلم قولت اخلع فوق ال 160
واجيب فى اخر الدواسه وانسى انها تعدى ال 160 نهائى
جى شويه فى الطريق مزلقنات نازله لتحت شويه
العربيه جريت جابت ال 180
بس ده طبعآ عشان الطريق ساعدها انها تكسر ال 160
لكن طريق عادى ومتساوى انسى انها تعدى ال 160 دى خالص
وبعدين حصلت معايا حكاية غريبه
قولت اطلع بالغيار الرابع على ال 160 ويادوب عديتها
لاقيت العربيه فضلت تنتش تنتش تنتش بتاع 3 نتشات كده بعدين قومت ممور ومديها الخامس !!
انا عارف ان الغيار كنت قارص عليه بس مكنتش بتعمل كده الاول
وبالخامس اخرها 160 واخر الدواسه خلاص رجلى لزقت فى الارضيه
وتانى هام بقى انى لما بعمل تشك على العدادات
الاقى العداد بيطلع على ال 160 وينزل ومش بيعدى الرقم ده خالص !!!
يا جماعه انا محتار بجد
يا هل ترى العربيه دى متبرمجه على ال 160 ولا ايــــــه ؟
ولا فى حاجه انا مش فاهمها

[hobby10]

متابعة باهتمام

[Dr.Karim Emam]

الفكرة انك مش أول ما تكون عاوز تقفل العداد هتقفله
لأ طبعا
دي عامله زي ما انت تكون عاوز تجري 15 كيلو على رجلك مره واحده بدون أي تمرينات أو لياقه

العربيه بردو كده
يعني لازم تكون سواقتك كلها حرق على الغيارات و ماتنقلش إلا على rpm عالي عشان الموتور يفتح و يجيب السرعة اللي إنت عاوزها

لكن مش كل اسبوعين تلاته تقول أما أجرب أشوف هتجيب كام


جرب كده لمده أسبوع تحرق على النقلات و شوف النتيجة هتبقى إيه؟

[jericho]

الفكرة انك مش أول ما تكون عاوز تقفل العداد هتقفله
لأ طبعا
دي عامله زي ما انت تكون عاوز تجري 15 كيلو على رجلك مره واحده بدون أي تمرينات أو لياقه

العربيه بردو كده
يعني لازم تكون سواقتك كلها حرق على الغيارات و ماتنقلش إلا على rpm عالي عشان الموتور يفتح و يجيب السرعة اللي إنت عاوزها

لكن مش كل اسبوعين تلاته تقول أما أجرب أشوف هتجيب كام


جرب كده لمده أسبوع تحرق على النقلات و شوف النتيجة هتبقى إيه؟

موافق تماما علي الكلام ده وجرب كده وقولنا

[Super_Star_h]

الفكرة انك مش أول ما تكون عاوز تقفل العداد هتقفله
لأ طبعا
دي عامله زي ما انت تكون عاوز تجري 15 كيلو على رجلك مره واحده بدون أي تمرينات أو لياقه

العربيه بردو كده
يعني لازم تكون سواقتك كلها حرق على الغيارات و ماتنقلش إلا على rpm عالي عشان الموتور يفتح و يجيب السرعة اللي إنت عاوزها

لكن مش كل اسبوعين تلاته تقول أما أجرب أشوف هتجيب كام


جرب كده لمده أسبوع تحرق على النقلات و شوف النتيجة هتبقى إيه؟

طب وايه علاقة انى اعمل تشك على العداد وانا وواقف
الاقى المؤشر مش بيعلى عن 160
فعلآ اما ببقى ماشى على سرعه مبتجيش اعلى من 160 !!!!!
حكايه مش فاهمها بجد
موضوع الحرق انا بحرق على الغيارات شويه الفتره دى
يعنى الغيار التانى لغايت ار بى ام 2.5 كده
والغيار التالت لغايت ار بى ام 3.5
ولا كده دلع ولا ايه فهمونى ؟؟؟؟
ولا اروح مركز خدمه رينو واشوف الحوار ده ؟؟؟
هيبقى بعد العيد
لانى مسافر بكره كمان القاهره
وموضوع السرعه ده هيخنقنى تانى
لانه ساعات مش بيعلى عن 140 كمااااااان

[amrdiab]

بص يا سيدي حاجه من الاتنين ممكن يبقالهم تالت

1- اما العربيه محسوده
وده حلها انك

2- او العربيه زي مقال د/ كريم انها عايزه تمرينات ورفع لياقه
ودي حلها تاخد وشويه
3-الامر التالت
ان العربيه فعلا مش بتعدي ال 160 ودي مقدرش احكم عليها لاني معدتش 150 لاني بعتها قبل ما افتح لها موتورها

================
نتكلم بجد
انا حاسس ان ده من البنزين 80 اللي انت كنت بتحطه هو اللي ماثر علي السحب
الامر ده جربته بنفسي في الاوبل لما غيرت من 90 الي 92 فرق بجد كبير والعربيه فاقت والموتور هدي حتي وانت حارق ع الغيار

[yoko]

لو بتحطلها 80 يبقى كتر خيرها قوي لو جابت 160 أصلا

[Super_Star_h]

بص يا سيدي حاجه من الاتنين ممكن يبقالهم تالت

1- اما العربيه محسوده
وده حلها انك

2- او العربيه زي مقال د/ كريم انها عايزه تمرينات ورفع لياقه
ودي حلها تاخد وشويه
3-الامر التالت
ان العربيه فعلا مش بتعدي ال 160 ودي مقدرش احكم عليها لاني معدتش 150 لاني بعتها قبل ما افتح لها موتورها

================
نتكلم بجد
انا حاسس ان ده من البنزين 80 اللي انت كنت بتحطه هو اللي ماثر علي السحب
الامر ده جربته بنفسي في الاوبل لما غيرت من 90 الي 92 فرق بجد كبير والعربيه فاقت والموتور هدي حتي وانت حارق ع الغيار

يادى موضوع ال 80
هتجنونى انتم والله
خدلك بس شويه فشار وروق
يا جماعه موضوع ال 90 و 80 و 92
انا جربته كله فى سحب العربيه وفى السفر
سافرت ب 80 وكانت اخرها 160
وسافرت ب 92 وكانت اخرها 160
وحطيت مره منظف رشاشات
ومش معقوله ابدآ تكون الرشاشات اتسدت من دلوقتى
ده انا واحد صحبى معاه هيونداى النترا 2009
وبيحطلها 80 من ساعة ما جابها
وبيجيب بيها 180 على الصحراوى وعادى جدآآآآآآآآآآ
وهى اساسآ عربيه اتبهدلت من كتر الايجار كمان

[amrdiab]

يادى موضوع ال 80

هتجنونى انتم والله
خدلك بس شويه فشار وروق

يدوم العز واكل الوز يابو السوابر
اما موضوع ال 80 فلابسك لابسك انت ناسي ان انت اول واحد في مصر يا جدع حط ال 80 في اللوجان.. قر و اعترف
وما دام البنزين مش هو السبب يبقي راكبها عفريت ..
وده ملهوش غير انك تروح الصحراوي و تعدي علي الكيلو 77 .. سبع مرات ... وفي كل مره تقول

حلفتكم يا مجاورين تخلوني اعدي ال 160 ..
حلفتك يا شختار متخليني احرق ع الغيار ..
حلفتك يا عفيه متضحكي الفيرنا عليا..
حلفتك يا شيخاوي متخليني علي غيرها ناوي..
وندر عليا
لو خلتوني اعملها و اطير وع ال 175 اسير يبقي جميله وستر ومدعيلكو في ليله القدر ...
ويمكن اتحزم وارقص لاخر الشهر...

بس وتحميها وترش ميتها علي عتبه التوكيل

[yoko]

جرب تفول مرتين ورا بعض 92 وسواقتك تبقى حرق وجرب لإن العربيه مش هتتعدل من مرة إتفولت 92 الecu بيكون لسه مظبطش نفسه على الأوكتان الجديد

[AbO_FaRaH]

ان العربيه فعلا مش بتعدي ال 160 ودي مقدرش احكم عليها لاني معدتش 150 لاني بعتها قبل ما افتح لها موتورها

هو انت بعت العربيه بكم عشان انا بحاول اشوف واحده كسر زيرو لوحد صاحبى
وكنت عامله كم الف وايه حاله العربيه العامه

[amrdiab]

هو انت بعت العربيه بكم عشان انا بحاول اشوف واحده كسر زيرو لوحد صاحبى
وكنت عامله كم الف وايه حاله العربيه العامه


اهلا يا ابو فرح يا غالي يا صاحب اطول موضوع في المنتدي
كل سنه وحضرتك طيب

العربيه كالاتي

الحاله : ممتازه مفيهاش ولا خدش ولا خربوش
الكم: 10000
الصيانه : التوكيل
مده الاستخدام : 5 اشهر
السعر :63500

[AbO_FaRaH]

شكرا على الاهتمام .........وكل سنه وانت طيب يا جميل

[Johnny82]

انا ليا موضوع هنا بصور العداد على 165,
انا اصلا كنت سايق على 165 لمدة ساعة منزلتش عنها !!

[mohsh_84]

..............................................

استخدام الأحرف الانجليزية في كتابة اللغة العربية مخالف للقاعدة رقم 6 بند "ب".


يرجى مراجعة قواعد المنتدى

10:25am 12/9/2010
المشرف العام 5