تغيير الزيت

[ahmedaswan8080]

السلام عليكم ورحمة الله وبركاته
انا من اسوان يا جماعة والعربية عاملة 6000
وكنت عاوز اروح صيانة 5000 بس اتصلت قالي المهندس هناك ممافيش داعي تعالى على ال10000
المهم قالي ممكن لو عاوز تغير زيت تعالي وحنعملك تشيك كدا يعني على العربية
وحنغيرلكل زيت وفلتر
وسالته لعى المصنعيه قالي 60 او 50 ج
ايه رايكم يا جماعة حد يفهمني

[ahmedaswan8080]

مافيش ردود ولا ايه

[mahmoud5777]

موضوعك محير بس هو التوكيل فين بالظبط ؟؟

[karimnet]

اخبار العربية معاك ايه طيب ؟ بقالها كام شهر ؟

[M.Radwan]

مفيش داعي تغير الزيت خالص
أنا عملت بيه 12 ألف والعربية كانت تمام،

[mostafabakry]

هو المفروض ان جدول الصيانات الدورية للعربية بتكون كل 5000 كم و بيتم تغيير الزيت و الفلتر كل 10 كم او حسب ما تحب حضرتك يعني لو حضرتك بتسافر كتير و بتعمل كيلومتر كتير بالعربية يبقي يفضل انك تستخدم زيت 10000 لكن لو حضرتك بستخدم العربية استخدام خفيف و كل دداخل البل و مشاويرك بسيطة يبقي خليك في ال 5000 افضل
بالنسبة لصيانة ال 5000 فأنا من رأي انك تروح تعملها و علي فكرة الصيانة دي مجانية و كل الصينات الفردية مجانية ( 5و 15و 25و 35 الخ )
و تخليهم يراجعوا علي مناسيب السوائل زي مياة التبريد و زيت الفرامل و زيت باور الدركسيون و يربطوا عالعفشة و يكشفوا بالكمبيوتر علي العربية لربما يكون فيه alarms و لا errors بس مش عاملة مشكلة

علي فكرة مركز الخدمة اللي في اسوان اكيد هيكون مركز صيانة خاص و المصرية العالمية عاطياله التوكيل فهتلاقيه مكبر دماغه من الصيانات المجانية و بيركز علي الصيانات القابضة اللي فيها بهاريز

ما تيبش حقك و اعمل كل الصيانات كلها ساعة زمن و بتخلص و اسمك في الآخر متابع جيد لعربيتك و كله في صالح تاريخ العربية

[mostafabakry]

مفيش داعي تغير الزيت خالص
أنا عملت بيه 12 ألف والعربية كانت تمام،

ماهو حضرتك مش هيبات تأثير الكلام دا دلوقتي لأنه مش هيعمل مشكلة لحظية لكنه بيقلل في عمر الموتور و الكلام دا بيظهر بعد ال 100 الف كم
يعني بدل ما المكن هتعيش 300 الف هتلاقيها 150 الف و بدأت تهيس

خليك في المضمون تحسن انا عارف انه فيه ناس و تقارير بتقول ان موضوع تغيير الزيت دا افتكاسة عاملاها شركت الزيت عشان تبيع بس بصراحة ما فيش تأكيد علي الكلام دا وال منطق بيقول ان كل حاجة في الدنيا لها عمر افترضي للتشغيل فأكيد الزيت له عمر افتراضي