عنى مشكله مع المفتاح

[fzng2005]

السلام عليكم و رحمة الله يا وحوش اللوجان
انا معايا لوجان ليا 3 شهور دلوقتى و هى فعلا عربيه ممتازه فعلا
لكن عندى مشكله واحده...... هى ان المفتاح احيانا بيعلق فى الكونتاكت و مش بيرضا يلف و يدور العربيه و احيانا بيشتغل علطول و بكل نعومه
غيرت المفتاح و استخدمت المفتاح التانى لقيت نفس الحكايه
بعد كده بالصدفه شديت الدركسيون لبره و انا باحاول الفه لقيته لف و شغل العربيه
و كل ما يعلق المفتاح اعمل نفس الحكايه
ياترى فى حد بتحصل معاه الحكلايه دى
و حد يعرف بتحصل ليه

[A.Saad]

الدركسيون بيكون معمول له lock
اما تحط المفتاح بتحركه سنة يمين وشمال علشان المفتاح يلف
ارجع للكتالوج برده

[Mah_Badawy]

ده طبيعي جداً بعد ما تشيل المفتاح من الكونتاكت لف الدركسيون سنه هتسمع صوت تكه خفيفه يبقى أنت كدة تربست الدركسيون لا يلف يمين ولا شمال (وسيلة أمان للسيارة) بعد كدة تيجي تحط المفتاح لف الدركسيون مع لفة المفتاح مش تشده لبرة تلاقيه ذي الفل الموضوع أن ساعات لما تيجي تنزل من العربيه غصب عنك بتلمس الدركسيون فبيلف و يتربس و ده عادي جداَ

[nour_nrc]

عادي جدا زي ما قالوا الوحوش

[zkralla]

ده طبيعي جداً بعد ما تشيل المفتاح من الكونتاكت لف الدركسيون سنه هتسمع صوت تكه خفيفه يبقى أنت كدة تربست الدركسيون لا يلف يمين ولا شمال (وسيلة أمان للسيارة) بعد كدة تيجي تحط المفتاح لف الدركسيون مع لفة المفتاح مش تشده لبرة تلاقيه ذي الفل الموضوع أن ساعات لما تيجي تنزل من العربيه غصب عنك بتلمس الدركسيون فبيلف و يتربس و ده عادي جداَ

عادي جدا زي ما قالوا الوحوش

+1111
ده الطبيعى

[fzng2005]

شكرا يا جماعه طمنتونى
انا كنت متضايق جدا على العربيه و افتكرت ان ده عيب فيها

[ahmadalsattar]

شكرا يا جماعه طمنتونى
انا كنت متضايق جدا على العربيه و افتكرت ان ده عيب فيها

كانت معايا سابقا سيارتى القديمه موديل 1975 و كان فيها نفس الخاصيه دى

[karimnet]

مبروك العربية و استمتع بها ..

للعلم لمبة المارشيدير واحدة بس :d

[tamer61]

ألف مبروك على العربيه و ما تقلقش هو ده الطبيعي زي ما الوحوش شرحولك و لو عندك أي حاجه شاكك فيها إحنا تحت أمرك.

[Mzeid]

و الله الاخوة أدلوا بمعلومات مفيدة و أن كنت عارف حكاية اللوك
بس هو السؤال كان على الدريكسيون و لا المفتاح اللي بيعلق

[tamer61]

ما هو لما الدريكسون بيعمل Lock المفتاح مش حيلف إلا لما تفك ال Lock بتاع الدريكسون.

[Mzeid]

ما هو لما الدريكسون بيعمل lock المفتاح مش حيلف إلا لما تفك ال lock بتاع الدريكسون.

تمام شكرا لرد حضرتك

كان سوء فهم مني

[tamer61]

تمام شكرا لرد حضرتك

كان سوء فهم مني

لأ يا باشا ما تقولش كده .... إحنا كلنا هنا بنتبادل الخبرات من بعض و عموما تحت أمرك في اي إستفسار. وتقبل تحياتي.

[akerima]

و الله الاخوة أدلوا بمعلومات مفيدة و أن كنت عارف حكاية اللوك
بس هو السؤال كان على الدريكسيون و لا المفتاح اللي بيعلق

ماهوا لما الدريكسيون بيلك المفتاح بيعلق لازمتهز الدريكسيون شوية لحد ما المفتاح يلف