حاجة غريبة فى سوائل العربية !!!!!!!!!!!!!!!!!!!!!!!!!!!!

[mohyeldien]

اولا :السلام عليكم
ثانيا: اليوم و انا باكشف على سوائل العربية لاحظت شئ غريب
السوائل بتاع العربية بتقل !!!! اى و الله
اولا: الزيت بدأ ينزل عن علامة المكسميم
و بعدين مياه الرديتاتير قلت خالص لحد علامة المنيم
و حتى مياه المساحات قلت كتير
الغريب ان العربية عاملة 3200كيلو فقط
فهل ده طبيعى ولا ايه ؟؟

[nour_nrc]

بصراحة معنديش معلومة خده واتوكل علي الله علي التوكيل علطول

اوعي تزود السوائل قبل ما يكشفوا عليها علشان يتاكدوا من العيب

ان شاء الله بسيطة

[tamer61]

بالنسبه لمياه الرادياتير فعلا بتبقي في المستوي ده لو العربيه لسا بارده وبعد ما تمشي شويه أو تسخن شويه حتلاقي مستواها إتظبط تاني. بالنسبه للزيت مفيش مشكله إنه يبقي بين العلامتين لكن الخطر إنه يقل لل Min أو ينزل تحتها و خلي بالك إنت لسا عامل 3000 كيلو و كل ده يعتبر طبيعي إن بعد التليين يحصل إختلاف في مستوى السوائل وإن شاء الله كل ده حيتظبط في صيانة ال5000 و كل الملاحظات دي حتنتهي و عموما لو إنت قلقان ممكن تحجز صيانة ال 5000 بداية من 4000 كيلو و ربنا يوفقك . و تقبل تحياتي.

[bishoy02010]

اولا :السلام عليكم
ثانيا: اليوم و انا باكشف على سوائل العربية لاحظت شئ غريب
السوائل بتاع العربية بتقل !!!! اى و الله
اولا: الزيت بدأ ينزل عن علامة المكسميم
و بعدين مياه الرديتاتير قلت خالص لحد علامة المنيم
و حتى مياه المساحات قلت كتير
الغريب ان العربية عاملة 3200كيلو فقط
فهل ده طبيعى ولا ايه ؟؟

لو حضرتك قيست الزيت قبل كده يبقى اللى بتقولة ده المفروض ميحصلش بس لو مقستوش هوه بيجى تحت الماكسيميم ب 2 او 3 سم أصلا

المياه المفروض متقلش نهائى

[mohyeldien]

الاخوة الكرام:
nour_nrc
تامر
بيشوى

شاكر لكم ردكم و ربنا يوفقكم جميعا
و بالنسبة للأخ بيشوى :
انا قست فعلا الزيت قبل كده و كان لحد المكسميم
و مياة الراديتر هى اللى قلقانى بصراحة لانها ما كنتش كده
و السؤال اذا كان ذلك كذالك اعمل ايه يا جماعة

[bishoy02010]

الاخوة الكرام:
nour_nrc
تامر
بيشوى

شاكر لكم ردكم و ربنا يوفقكم جميعا
و بالنسبة للأخ بيشوى :
انا قست فعلا الزيت قبل كده و كان لحد المكسميم
و مياة الراديتر هى اللى قلقانى بصراحة لانها ما كنتش كده
و السؤال اذا كان ذلك كذالك اعمل ايه يا جماعة

طيب بالنسبة للزيت أنته لما قيسته أول مره كانت العربية بارده لسه الصبح ولا سخنة وتانى مره كان امته ؟؟؟

[pioneerahmed]

روح اكشف فى التوكيل عشان تطمن اكتر عشان دة مش طبيعى

[ada7]

كل سوائل اللوجان تقاس وهى بارده يعنى قبل ما تخرج الصبح وده يشمل جميع الزيوت وجميع انواع المياه حضرتك جرب غير كده هههتلاقى بيانات مختلفه
جلاب يومين ورا بعض وقيس كل السوائل لو حاجه نقصت (غير مياه المساحات علشان استخدامك) روح للتوكيل

[mohyeldien]

طيب بالنسبة للزيت أنته لما قيسته أول مره كانت العربية بارده لسه الصبح ولا سخنة وتانى مره كان امته ؟؟؟

اكيد انا قسته و العربية باردة انا عارف ان القياس الصحيح يكون و العربية باردة الصبح قبل ما تطلع بيها
فى الحقيقة انا خايف ان موضوع بركة المياة اللى لقيته تحت الدواسة اليمين من فترة يكون له علاقة بنقص مياة الراديتر ...
كمان الموتور بحس انه خفيف مش عارف ليه
عموما ربنا يستر

[ahmedbakr50]

إن شاء الله خير
أنا فى صيانة ال 5000 زودولى مية الرادياتير لاقيتها فوق الماكسيمم قولت أشوفها تانى يوم الصبح تبقى العربية باردة لاقيتها تحت الماكسيمم
القياسات الصح والعربية باردة

[amr.elsayed]

دورة مياه الريدياتير مغلقة وبالتالى طالما مش بتشوف بقعة تحت العربية او بتلاحظ اى تسريب بالاضافة ان العلامة مش بتنزل عن المينيمم يبقى مافيش مشكلة
علشان تقيس الزيت .. وقف العربية على طريق مستوى و شغل العربية لحد ما الماتور يوصل لدرجة الحرارة المثالية (4 شرط) وبطل العربية لمدة 10 دقائق وبعد كدة قيس مستوى الزيت لو بين علامة الماكس والمين يبقى مافيش مشكلة
......
عرفت ازاى ان مياه المساحات قلت ؟؟؟ عموما اقفل الطبة كويس وزودها لما المياه تقرب تخلص دة اذا خلصت اصلا دول يجى 2 ليتر مش بيخلصوا مع الاستخدام الكتير (لا تقلق)

[mohyeldien]

دورة مياه الريدياتير مغلقة وبالتالى طالما مش بتشوف بقعة تحت العربية او بتلاحظ اى تسريب بالاضافة ان العلامة مش بتنزل عن المينيمم يبقى مافيش مشكلة
علشان تقيس الزيت .. وقف العربية على طريق مستوى و شغل العربية لحد ما الماتور يوصل لدرجة الحرارة المثالية (4 شرط) وبطل العربية لمدة 10 دقائق وبعد كدة قيس مستوى الزيت لو بين علامة الماكس والمين يبقى مافيش مشكلة
......
عرفت ازاى ان مياه المساحات قلت ؟؟؟ عموما اقفل الطبة كويس وزودها لما المياه تقرب تخلص دة اذا خلصت اصلا دول يجى 2 ليتر مش بيخلصوا مع الاستخدام الكتير (لا تقلق)

بالنسبة للردياتير انا مرة قبل كده لقيت مياة تحت الدواسة اليمين و قلت يمكن من التكيف
معرفش بقى هل من التكيف و لا الريدياتير ..
أما مياة المساحات عرفت انها نقصت من القربة اللى فيها سائل المساحات
و انا ما باستخدمش مياه القربة الا نادر جدا
عموما اللى قلقينى زيت الموتور بصراحة
و شكرا رينجو