لوجان هاتشباك أو نيو أكسنت

[SHEHABON]

السلام عليكم ورحمة الله وبركاته

اللوجان هاتشباك ب73 والأكسنت 2010 ب76،يا ترى اشتري مين؟ وليه؟

جزاكم الله خيرا

[pioneerahmed]

اختيار صعب جدا بصراحة

بص الاكسنت ليها مميزاتها و اهمها رخص قطع غيارها و قوة موتورها و نعومة عفشتها

و اللوجان (لو هى زى السيدان) يبقى استابيليتى اكتر و توكيل افضل بمراحل و اقتصادية فى البنزين

مش عارف بصراحة انهى فيهم اوسع عشان الهاتش باك لسة منزلتش بس متهيالى الاكسنت هتكون اوسع و اريح

و بردو استنى رد بقية الوحوش اكيد هيفيدوك

[nour_nrc]

رأيي هات logan full 2011 sedan
68000
انت اولي بفرق الفلوس
ده احسن ليك
ربنا يوفقك في الاختيار

[mido_cs7]

المفروض الهاتش باك سعرها غالي عن السيدان علشان اللي انا اعرفه انها هاتنزل بجنوط سبور و زيادات بسيطة عن اللوجان السيدان

[weekastar]

طبعا

طبعا النيو اكسنت لسبب واحد انها عربيه ثبتت نفسها فالسوق المصرى من حيث كل حاجة شكل ومتانه ونعومه وثبات والاهم من كل دة قطع الغيار سعرها حنين ومتوفرة وكمان علشان غبور وانتشار مراكز الخدمه ف كل مكان ف مصر. بس ياريت تلاقى 2010 لانك صعب اوى تلاقيها لان 2011 نزلت وسعرها كمان غالى شويه

[M.Radwan]

الأكسنت سعرها مبالغ فيه بصراحة
وقطع غيارها غالية
هات اللوجان أفضل وخصوصا السيدان، وانت أولى بفرق الفلوس.

[M_Rehawy]

المقارنة هنا غير عادلة لسببين
الأول انك بتقارن بين عربية سيدان وعربية هاتش باك.
الثاني ان اللوجان الهاتش باك لسه ما نزلتش السوق وبالتالي محدش يقدر يقول هي وحشة في ايه او كويسه في ايه.
ومع احترامي لكل اللي قال هات اللوجان السيدان بعينها اعتقد ما ينفعش نقرر دلوقتي انها افضل الا لما نشوف الهاتش باك.

[raedegypt]

نيو اكسنت طبعآ يابرنس

[M.Radwan]

نيو اكسنت طبعآ يابرنس

ليه يا باشا؟ ايه الأسباب؟

[Moh_Ibrahim]

استنى لحد اللوجان هاتشباك ما تنزل و جربها بنفسك فى التوكيل ( فرع العبور)
و جرب الاكسنت برده لان اهم حاجه انك تستريح فى الركوب و السواقه

بس انا عن نفسى الاكسنت ما بيعجبنيش شكلها خالص بالذات من ورا و بعدين اللوجان اصبحت اكتر انتشار منها

و قبل ما تشترى ما تنساش تصلى استخاره

[Saeedmasry]

اكيد النيو اكسنت افضل فى كل شىء .. بس الكلام ده ايام ما كانت مانيوال ب 75 الف لكن انك تشتريها دلوقتى ب 82 الف كتير اووووى متستهلش التمن ده طبعا

[M.Radwan]

اكيد النيو اكسنت افضل فى كل شىء .. بس الكلام ده ايام ما كانت مانيوال ب 75 الف لكن انك تشتريها دلوقتى ب 82 الف كتير اووووى متستهلش التمن ده طبعا

طيب بغض النظر عن السعر
ليه أفضل في كل شيء، ايه الأسباب يعني؟

[wassim_nasser]

انا رأيى لوجان لأنها أعلى عن الأرض أوسع ف الصالون والشنطة اقل ف السعر و ف العيوب ده غير ان توكيلها احسن .. ده حتى الأخ غبور دخل شحنة قطع غيار صينى للهيونداى

[tamer61]

النيو أكسنت أفضل في جانب واحد فقط و هو قوة الموتور بس الحياه مش كلها موتور و خلاص لكن فعلا سعرها مبالغ فيه جدا و ما تحسش إنها تستاهله و بعدين وسع الصالون و الشنطه و العلو عن الأرض و كمان الثبات كلهم في صالح اللوجان و حسب معلوماتي ما فيهاش مرايات كهربا و لا اير باج ولا كشافات ضباب و كمان نقطة قطع الغيار كل الناس بتقارن أسعار قطع غيار الهيونداي خارج التوكيل بقطع غيار الرينو إللي من التوكيل و أكيد لازم حيبقى فيه فرق ولكن عند مقارنة أسعار توكيل بتوكيل بنلاقي مفيش فرق تقريبا.

رايي الشخصي و بدون تحيز خليك في اللوجان سواء سيدان او هاتش باك و جرب العربيتين علشان تصدق كلامي و عموما ربنا يوفقك للخير بإذن الله.

[fox198626]

يا جماعة السانديرو أو اللوجان هاتشباك أجمد فى كل حاجه وبالذات فى الشكل عن النيو أكسنت ...بس مش عارف حتنزل نفس ماتور اللوجان ولا الماتور ال16 صباب....وأدى صور ليها من بره



ومن جوه طبعا هى هى اللوجان