تيل الفرامل بيتغير تقريباً كل كام

[ada7]

انا ليا مشاكل مع فرامل اللوجان عموما ورحت التوكيل 5 مرات عليها وفى اخر مره (صيانة ال25000) قالولى التيل عايز يتغير , حد يعرف هوا بره التوكيل بكام وهوا موجود ولا؟ وهل تغير التيل هيحل مشاكل الفرامل عندى ولا هيا غرامه وبس مشاكل الفرامل معايا هى:
صوت صرخه فى الفرده الامامى يمين لما دوس فرامل
فى زى بوش فى دواسة الفرامل (يعنى فى مرحله فى الدواسه تدوسها ولمبة الفرامل منوره ورا بس فعلى مفيش فرامل لازم تدوس اكتر (المرحله دى 1/3 مشوار الدواسه)
لو هديت بالفرامل وبعدين حبيت تقف وضغط فرامل على الاخر كل الهيحصل انها هتبطاً شويه عن ما كنت مهدى
فى صوت خبطه لمده لحظه اول ما دوس فرامل جامد على طول ويختفى

[shooter123]

والله انا بغيير علي 20000 كيلو بس انا عربيتي لانسر
ممكن بقي خبراء الرينو يفيدوك اكتر لكن علي ما اعتقد ان نظام الفرامل كله في العربيات واحد بما اننا مش abs وصوت الصفارة دي حيروح بتغيير التيل
بس استني خبراء رينو
حيردوا دلوقتي تلاقيهم بيشربوا شاي في القسم اللي جنبنا:)

[hobby10]

متابعة باهتمام . وياريت الوحوش يفيدونا فعلا

[gebreel]

التيل بيتغير حسب الاستخدام و بوش دواسة الفرامل ده لو قلتلهم عليه هيعملوه

انا ناوي اققلهم على مشوار الدواسة الطويل ده لما اروح صيانة ال10000

[shooter123]

وكمان عمر التيل بيختلف ان كانت العربية مانيوال ولا اوتوماتيك

[ada7]

التيل بيتغير حسب الاستخدام و بوش دواسة الفرامل ده لو قلتلهم عليه هيعملوه

انا ناوي اققلهم على مشوار الدواسة الطويل ده لما اروح صيانة ال10000

انا قلتلهم مره واتنين وثلاثه واربعه ولا حياة لمن تنادى لا بس مره منهم عملوها وخلال 25 كيلو (لسه موصلتش البيت) رجعت ريما لعادتها القديمه وفاخر مره كان الرد ان ده طبيعى وان ده بيحصل لان التيل بيتأكل

[ada7]

محدش قال سعر التيل امامى كام بره التوكيل لان جوه التوكيل بمصنعياته والضرائب وكده هيعدى 400 جنيه

[shoka]

التيل جوه التوكيل سعره 235 بدون الضريبة
انا لسه مغير فى صيانة 20000

[ada7]

المهندس قال 345 غير شامل الضريبه و 35 تركيب يعنى 418 جنيه
السعر بره كام

[ahmedbakr50]

كان فيه أخ فى المنتدى نزل محل جمال البدرى على ما أذكر وكان سعره 110 فرنساوى

[hobby10]

طيب معلش سؤال دلوقتى صيانة العشرين دى بفلوس التوكيل محددها كمبلغ يعنى لو حتغير التيل ده بفلوس غير فلوس الصيانة ؟؟؟ ..... يعنى لو عملت الصيانة وغيرت التيل على نصيحتهم ادفع مثلا 800 جنيه ولا ايه ؟!!!

هو نا مش فاهمة الموضوع ده من الاول بصراحة لان دى اول عربية جديدة بالنسبالى الضمان بتاع العربية يفرق معايا فى المصاريف ايه ؟؟ ... يعنى لو عملت الصيانة فى التوكيل خلال الضمان وبعد الضمان ما يخلص تفرق فى التكاليف ولا ايه ؟؟؟ ... ولا كلمة الضمان بس علشان لو فى عيب صناعة غير كده بدفع كل حاجة ؟؟

[hobby10]

التيل جوه التوكيل سعره 235 بدون الضريبة
انا لسه مغير فى صيانة 20000

طيب يعنى حضرتك اجمالى تكلفة التيل بالتركيب والضريبة كام ؟؟

وهل حضرتك دفعت تمنه بالاضافة لتمن الصيانة نفسها كمان ؟؟

يعنى صيانة العشرين دى اجمالى تكلفتها كام بالظبط ؟؟

[Michael_Lanos]

فى اللانوس معايا بغير ما بين 15.000 و 20.000 كيلو

[gebreel]

طيب معلش سؤال دلوقتى صيانة العشرين دى بفلوس التوكيل محددها كمبلغ يعنى لو حتغير التيل ده بفلوس غير فلوس الصيانة ؟؟؟ ..... يعنى لو عملت الصيانة وغيرت التيل على نصيحتهم ادفع مثلا 800 جنيه ولا ايه ؟!!!

هو نا مش فاهمة الموضوع ده من الاول بصراحة لان دى اول عربية جديدة بالنسبالى الضمان بتاع العربية يفرق معايا فى المصاريف ايه ؟؟ ... يعنى لو عملت الصيانة فى التوكيل خلال الضمان وبعد الضمان ما يخلص تفرق فى التكاليف ولا ايه ؟؟؟ ... ولا كلمة الضمان بس علشان لو فى عيب صناعة غير كده بدفع كل حاجة ؟؟

بصي يا فندم بالنسبة لموضوع التيل و الصيانة ايوه حضرتك هتدفعي ثمن الصيانة و ثمن التيل لأن التيل ده من المستهلكات فبالتالي مبيتحطش من ضمن ثمن الصيانة لأنو مش معتمد على عدد كيلوات معينة غير مثلا البوجيهات و الفلاتر ليها عدد كيلوات معين فبينضافوا على ثمن الصيانة

بالنسبة لكلمة الضمان و معناها فالضمان بيضمن العربية ضد عيوب الصناعة و بيضمن ان حضرتك لو احتجتي اي قطعة غيار في اي وقت التوكيل ملزم يجيبهولك
بالنسبة للفلوس قبل و بعد الضمان مش هتفرق يعني ثمن صيانة ال20000 هيفضل ثابت بعد الضمان ما يخلص و قبله

[hobby10]

بصي يا فندم بالنسبة لموضوع التيل و الصيانة ايوه حضرتك هتدفعي ثمن الصيانة و ثمن التيل لأن التيل ده من المستهلكات فبالتالي مبيتحطش من ضمن ثمن الصيانة لأنو مش معتمد على عدد كيلوات معينة غير مثلا البوجيهات و الفلاتر ليها عدد كيلوات معين فبينضافوا على ثمن الصيانة

بالنسبة لكلمة الضمان و معناها فالضمان بيضمن العربية ضد عيوب الصناعة و بيضمن ان حضرتك لو احتجتي اي قطعة غيار في اي وقت التوكيل ملزم يجيبهولك
بالنسبة للفلوس قبل و بعد الضمان مش هتفرق يعني ثمن صيانة ال20000 هيفضل ثابت بعد الضمان ما يخلص و قبله

تمام كده فهمت ... بس يعنى كده التيل مش لازم يتغير فى صيانة العشرين لا ده بيعتمد على امتى حيبوظ نتيجة الاستخدام يعنى كل واحد ونصيبه ؟

وبرضه فى طرمبة البنزين وفلتر البنزين سمعت بيتغيروا برضه على ال 20 او 30 تقريبا

انا عموما ااقصد ن كده تكلفة الصيانة او تغيير القطع دى فى التوكيل بقت مكلفة جدا يعنى لو غيرت التيل مثلا فى التوكيل ال 400 جنيه بتوع الصيانة حيبقوا 800 علشان التيل وهكذا وده كتير ... كده الناس حتضطر تتعامل مع ورش بره حتى خلال فترة الضمان