تقفيل اللوجان

[michaelmagdy]

انا معايا لوجان و عامل 7800 كم بس انا بعد فترة حسيت بحاجات في التقفيل مش كنت باخد بالي منها قبل كدة اخدت بالي منها مع عشرة لوجي:
1- ملاحظ ان باب الشنطة مترحل سنة ناحية اليمين يعني مقفل حلو مع فوانيس اليمين و في مسافة مع فوانيس الشمال يا ترى ده ايه و العربية مفيهاش خبطة.
2- تقفيل اكصدام مع الرفارف ورا حاسسها مش مظبوطة يا ترى حد ملاحظ الفورقات دي.

[cheetos_892005]

1- صورهالنا
2- كل اللوجان كده ولو ربنا قدرلك ان حد يريح علي الاكصدام هنعرف انها ميزه

[michaelmagdy]

انا هعحاول اصورها بس ده ممكن يتعالج في التوكيل كانه ضمان

[cheetos_892005]

انا هعحاول اصورها بس ده ممكن يتعالج في التوكيل كانه ضمان

اه اكيد

[mmz85]

متاااابع يا ريس

[swilam4]

ياريت نشوف الصور

[jericho]

ياريت الصور

[ahmedbakr50]

محدتش بالى من حاجه زى كده بس هبص وأشوف

[mikel]

ياريت شوف وابقي قولنا لان دي حاجة مهمة جدا عند الاستلام لازم تشيك علي كل حاجة بالظبط

[mindvision]

2- كل اللوجان كده ولو ربنا قدرلك ان حد يريح علي الاكصدام هنعرف انها ميزه

انا اكتر واحد في مصر اتريح علي عربيته... والحمد لله فعلا الموضوع ده فارق...

[waleedfadeel]

امبارح وانا راجع ورا امام مدرسة الاولاد وكانت زحمة شديدة خبطت عربيه ورايا خبطه بسيطه عموما انا حسيت بيها نزلت وبصيت على الاكصدام الخلفى والحمد لله لا توجد اى خدوش او اعوجاج فى الاكصدام بتاعى او فى العربيه الثانيه مع العلم انى حسيت بالخبطه وكان احساسى بيها زى ما يكون فيه سوسته فى الاكصدام امتصت الخبطه ولما قريت موضوع فروق الاكصدام ده فكرت ان ده ممكن يكون سبب امتصاص الصدمه طبعا انا باتكلم فى صدمه خفيفه جدا لدرجه انه لم يحدث حتى خدوش فى العربيتين لان العربية الثانيه كانت جديدة يعنى دهانها ناعم جدا وانا خبطتها فى الباب الخلفى.