تقرير يخنق بجد !

[wassim_nasser]

automiddleeast.com/road-test-2010-renault-logan/
التقرير ده قريته وخنقنى جدا .. بصراحة انا مش عارف ليه كل الهجوم ده على اللوجان مع انها عربية جميلة وأقتصادية وتحس كده انها بقيت بنت حلال و زي أختك ههههه .. المهم ان اللى كتب التقرير ده تحس انهم عكننوا عليه و نزلوه من البى إم و ركبوه -ياي- اللوجان وبيتكلم عنها بكل أنافة وقرف وقال ايه تحس انها بلاستك وشبه لعب الاطفال ! مالكم ياجدعان ومال اللوجان ؟ ماتسيبوها ف حالها ..

[M.Radwan]

يا باشا ولا تاخد فى بالك
أصل التقارير دي وجهة نظر شخصية
ممكن واحد يركب المرسيدس يطلعهالك 128!

[best2010]

الموقع ده بيتكلم عن عربيات هاااااااااى خالص اما العربيات بتاعتنا دية كلها بالنسباله زبالة .. يعنى شوف كاتبين ايه عن الالنترا :

قد لا تتمتع النترا بنفس سمعة منافساتها الرئيسية المتوفرة في الأسواق، الا أنها توفر بديل منخفض السعر يوفر راحة جيدة بالنسبة لركابها، بالاضافة الى انقيادية لا بأس بها ومحرك بطاقة عالية بالرغم من ارتفاع صوته بشكلٍ كبير على سرعات مرتفعة. ومع أنَ مقصورتها الداخلية لا تتمتع بنفس الجودة المتوفرة لدى المنافسات اليابانية، الا أنَ سعرها المنخفض يجعلك تغفر لها هذا الأمر


يبقى حضرتك منتظر يكتب ايه عن اللوجان؟

[Ahmed A Rahman]

وبعدين هوا كاتب عن العربيات بره مصر

يعني بيقول ان النيو اكسنت احسن من اللوجان عشان فيها ايرباج واحد بس وabs , ebd

خليه يجي يشوف الاكسنت اللي منزلها غبور وشايل منها الايرباج وabs ,ebd وحتى المرايات الكهربا

وهو حيجيله صدمه عصبية

[tamer61]

يا عم وسيم ما تزعلش نفسك خالص و سيب إللي يقول يقول يعني هو الكلام بفلوس لكن الأهم إنك تكون مبسوط من العربيه و إنك تحس فعلا إنها تستاهل الفلوس إللي إندفعت فيها وتحس إنها فعلا مختلفه عن سيارات نفس الفئه. وتقبل تحياتي.

[wassim_nasser]

ماهو يا حاج تامر الناس دي هى اللى بتكره الواحد ف الحاجه اللى جايبها .. دانا قعدت متابع سوق العربيات بتاع 4 شهور وأقارن بين دي ودى وأحتار وأسأل لحد مادخلت المنتدى ورسيت ع اللوجان و ناوى اجيبها بإذن ربنا كمان شهرين و صاحبنا جاي بمنتهى البساطه يقولك
Logan is badly made & plasticky

[tamer61]

يا سيدي كل الكلام ده ما لوش أي أساس من الصحه و على العموم لو إنت فعلا نويت على اللوجان ما تترددش و توكل على الله و مش حتندم صدقني بل على العكس حتحس إنك فعلا عملت صفقه ممتازه تستحق كل جنيه دفعته فيها بخلاف إنها فعلا عربيه متميزه في فئتها بدون تحيز و أنا كنت زيك كده قعدت أدرس و أقارن كتير جدا لحد ما رسيت على اللوجان و الحمد لله إن ده كان إختياري وفعلا أنا مستمتع بالعربيه زي كل وحوش اللوجان و بعدين إحنا بننقل لك تجاربنا مع العربيه بحلوها و مرها بكل أمانه و بدون تحيز. فأنا رأيي إنك فعلا تسيبك من الكلام ده و بعدين إذا كان ده الرأي في اللوجان آمال بقية الماركات إللي في نفس الفئه قالوا عنهم إيه !!!!!. وتقبل خالص تحياتي.

[gebreel]

انا لو الراجل ده قدامي هقولوا كلمة واحدة


فوكااااااااك منييييييييي العربية جميلة و عجباني و مبسوط بيها و بتديني كل اللي انا عاوزو

توكل على الله يا باشا و الف مبروك مقدما

[wassim_nasser]

لأ انا الحمدلله ماتأثرتش بأي كلام و ربنا يوفقنى واخلص فيها ف أقرب فرصة خصوصا انها ابتدت تنتشر جامد عندنا ف سوهاج وهى عربية جميلة وتستاهل بس مش عارف ليه الناس مصممة ع النبيتى والفضى والاسود مع ان ف رأيى المتواضع لو جبتها بترولى مع فرش جلد اسود ف أزرق هاتبقى جامدة أخر 3 حاجات عموما انا معجب جدا بوقفة وحوش اللوجان مع بعض وربنا يوفقكو لمصلحة الجميع و شكرا لمروركم جميعا

[pido132]

ربنا يوفقك
ويديك خيرها ويكفيك شرها

[mindvision]

اضرب له العالي وعدي منه... ;)

[MaZaGAngeE]

لو التقرير ده بيتكلم عن عربيات خارج مصر يبقى بيتكلم مظبوط
المصريين بيركبوا اقل مستوى في السيارات باسعار اعلى من ااسعار اعلى فئة من اي سياره مثيلة في الاسواق العالمية

انت بتشري عربية في حدود احتياجاتك و امكانياتك فرد عايش في مصر , و دي تمنها كتير قوي .....

[arch_msaid]

ياجماعة التقرير ده فى دبى وانا رحت دبى وشفتها ماشاء الله هناك الياريس شغالة دليفرى بيزا انا استغربت اصلا ان اللوجان نزلت وعايز أقول معلومة إن معنى اللوجان تنزل دبى ده حاجة جامدة انا قاعدت سنة ونص مشفتش لانسر هناك أقل حاجة السيتى واليارس مفيش كورى نهائيا والكلام ده كان من سنتين فلما يقولوا كده على لوجان فده طبيعى