للأسف خبط اللوجان

[ada7]

قدر الله وماشاء فعل
العربيه أتخبطت أو الآدق أنا خبطت العربيه
سبحان الله مش مصدق الى الان اللى حصل خبطت فى عمود عند بوابات الكرته اللى فى المطار غلطه ميغلطهاش واحد أول مره يركب عربيه المهم قدر الله وماشاء فعل
أوديها التوكيل؟ حد يعرف هتكلف كام؟
ولا اصلحها بره انا عايزها ترجع قريبه جداً من الفبريكا

[dedoes6]

يا راجل بسيطه ان شاء الله
لو ممكن متصلحهاش سبها كده شويه
لو عايز تصلحها اطلع على اى سمكرى نضيف يردهالك على البارد
متهياليش هتحتاج تترد على السخن
و ابقى امشى بشويش بعد كده
;d

[ada7]

يا باشا الباب ما بيفتحش والزجاج ما بينزلش والعتب ضايع خالص وطبقة الدهان اللى عليه اتشالت وبالمناسبه

العتب صاج مش فبر زى ما انا كنت متخيل

[dedoes6]

روح لسمكرى كويس و هيظبطه ان شاء الله
و لو عايز تروح التوكيل يبقى معاك مبلغ مالى محترم لانهم هيغيرو كل حاجه هيشكو انها باظت

[pharonicking]

صنايعى نضيف يرجعهالك تانى

[Dr.Karim Emam]

إن شاء الله بسيطة و تترد على البارد
مش مستاهلة توكيل يعني

واضح إن الجريده هي اللى اخدت الجزء الأكبر من الخبطة بس هي موجوده لسه ولا إتكسرت؟

[frhateg]

بسيطه ان شاء الله .عليك و علي العقيد خالد حيظبطهالك و ده اللينك بتاعه

http://www.nilemotors.net/Nile/118993-a.html

[ada7]

إن شاء الله بسيطة و تترد على البارد
مش مستاهلة توكيل يعني

واضح إن الجريده هي اللى اخدت الجزء الأكبر من الخبطة بس هي موجوده لسه ولا إتكسرت؟

بص ياباشا انا مسمعتش غير صوت حكه خفيفه ومأهتمتش بيها وصعقت عندما حاول اللى جالس جنبى النزول والباب مفتحش واغلب الظن ان الجريده اكسرت

[ahmed1981]

إنزل الحرفيين
إسأل على سمكري عنده شفط صاج
يعني بيجيب معدة يشفط بيها الجزء اللي دخل لجوة من الباب للخارج بدون فك أو لعب
هترجع بإذن الله لحالة كويسة
لإسأل عند ورشة سمير وعلي بالحرفيين أو غيرها المهم يكون عندة عدة الشفط وميشتغلش بالشاكوش خالص

[Super_Star_h]

بسيطه ان شاء الله
سمكرى محترم هيردها بسهوله

[isso]

الباب متقلقش منه خبطته بسيطة ان شاء الله
ده الباب بيتشال ويتغير كله فى التوكيل لو حبات
الرخم فى الخطبة
العتب ده اللى رخمة فيها
نصيحة منى متردش العتب بره التوكيل او على الاقل عند حد فى الحرفين
يكون عنده جهاز شفط الخبطات
عشان لو روحت لسمكرى
هيعملك حاجة اسمها زرجينه تقريبا مش متذكر اسمها عشان يشد بيها بعد كدا يمعجن ويرش او
او يقطع من الناحيتين ويلحم بحته فى النص جديدة
والاتنان حلول مش بفضلهم
يفضل رد العتب بجهاز شفط
والله ورسوله اعلم

[ada7]

عندى سؤال لو انا رحت التوكيل لازم يغير الباب ولا ؟؟؟؟؟؟؟؟؟؟؟؟؟؟؟
ممكن أفكر معاكو بصوت عالى ؟؟؟؟؟
لو هيتغير الباب يبقى ده أستعباط لان علاوه على تكلفة الباب هيكون فيه مصنعية نقل الزجاج وماكينة الزجاج والكالون والسنتر والذى منه وده هيكلف ثمن الباب 1200 قريباً والمصنعيات دى 200 جنيه تقريباً و سمكرة ورش الباب الجديد ودى فى حدود 350 (معرفش بالبويا ولا من غير ) يعنى هيكون الموضوع دخل فى 2000 جنيه ده غير العتب
لكن لو هيسمكر ويرش الباب يبقى 350 جنيه + العتب نقول 350 يبقى العمليه دخلت فى 700 أو 800 جنيه يعنى إن شاء الله متعديش 1000والباب رجع زى الفل والسمكره والدهان مضمونه لمدة 10 سنين يعنى لو قشرت أو اللون فرق عن باقى العربيه هتكون مشكلتهم
صحيح انا لسه معرفش السمكره والدوكو بره التوكيل هيكلف كام بس إعتقاد شخصى (انا مسمكرتش قبل كده ولا رشيت)
انها فى متوسط من 450 الى 600

[elemammoll]

ياباشا روح روح التوكيل فى المقطم هتلاقى واحد اسمة اسامة هوا الى بيعمل المقايسات
كان عندى خبطة وسألت فى الحرفيين قالى تتكلف 1200 وفى التوكيل اتكلفت 1275 ولو مأمن يبقى هتدفع القيمة كاملة للتوكيل والتأمين بعد كدة هيردلك 90% بس اول لاسامة انك مش عاوز تغير حاجة عاوز تصلحها
الباب لو مابيفتحش ممكن يكون الرفرف خارج عن الباب فالباب بيحك فية ومابيفتحش
وألف سلامة