الدريكسون مسوجر

[mazenzyad]

يا اهل الخبرة ليا سؤالين لانى جايب لوجى منذ اسبوعين و بتعلم عليها :
1- هل هناك ضرر على السيارة لو تركت الدريكسون مسوجر بعد الركن ؟ ( بحس ان كده امان )
2- هل هناك ضرر على السيارة لو تركتها واخده غيار بعد الركن ؟ و لو لا اى غيار افضل ؟
ارجو الافادة بالتفصيل
مع الشكر

[MOUSTAFA_SAAD]

لاضرر
ويفض تشد فرامل اليد كمع الغيار علشان متحملشى على الفتيس

[dedoes6]

الدريكسيون عادى بس متلفهوش عافيه و احسن انك توسطنه قبل متشيل المفتاح متخليهوش على اخره عشان تعرف تدور المره اللى بعديها
و بلاش تسيب التعشيقه و يفضل انك تسيبها من غير فرامل يد كمان لو ينفع
عشان لو حد خبط فيك العربيه تروح معاه متفضلش واقفه و الخبطه تتضاعف

[zkralla]

طبعا لازم تسوجر الدركسيون ما هو معمول عشان كده
بالنسبه للغيار ما اعرفش هل ليه اضرار ولا لأ بس الفتيس مش معمول عشان كده عندك فرامل اليد لو عاوز العربيه ما تتحركش

[isso]

غلق مسوجر الدريكسيون مفيهوش ضرر
ده امكانية فى العربية اصلا
بالنسبة للتعشيقة معتقدش ان ليها لزمة اكتفى بفرامل اليد فقط
وعلى ما اتذكر ان كان فيه فقرة فى الكتالوج بتقول ان مفيش داعى تدى غيار للعربية بعد ما تركنها
اللى هو التعشيق يعنى
والله اعلم

[Super_Star_h]

لو راكن على منزلايه جامده يعنى لو سبت العربيه هتطلع تجرى لوحدها
فى الحاله دى تشد فرامل اليد وتديها الغيار التانى
عشان لو لقدر الله فرامل اليد سابت ولا رخت مره واحده تبقى انت فى السليم
انما غير كده مش تعشق العربيه على اي غيار
هى فرامل اليد بس وتعدل عجل العربيه للأمام مباشرتآ وتسوجر الدريكسيون
وديمآ لازم يبقى عجلك معدول للأمام ولا سم شمال ولا سم يمين
عشان ده بيأثر على الزوايا

[remomemo]

ممكن اعرف يعنى ايه غلق مسوجر الدريكسيون

[Ahmed A Rahman]

لو راكن على منزلايه جامده يعنى لو سبت العربيه هتطلع تجرى لوحدها
فى الحاله دى تشد فرامل اليد وتديها الغيار التانى
عشان لو لقدر الله فرامل اليد سابت ولا رخت مره واحده تبقى انت فى السليم
انما غير كده مش تعشق العربيه على اي غيار
هى فرامل اليد بس وتعدل عجل العربيه للأمام مباشرتآ وتسوجر الدريكسيون
وديمآ لازم يبقى عجلك معدول للأمام ولا سم شمال ولا سم يمين
عشان ده بيأثر على الزوايا

تمام كده خصوصا حكاية عدلة العجل لادام بلاش يمين او شمال
عشان كده ممكن يبوظ طلمبة الباور

أصلا اصلا في اي عربية باور ممنوع تدي الدركسيون آخر كسرة سواء ماشي او واقف اكتر من 10 ثواني عشان كده ممكن تحرق طلمبة الباور

يااااااااااااااااااااااه فكرتوني بايام ال 128 مكنتش بسوجرها برضه
بتخنق لما الاقي الدركسيون مسوجر

[zkralla]

ممكن اعرف يعنى ايه غلق مسوجر الدريكسيون

غلق الدركسيون بحيث ما يتحركش لا يمين ولا شمال

[gebreel]

لو راكن على منزلايه جامده يعنى لو سبت العربيه هتطلع تجرى لوحدها
فى الحاله دى تشد فرامل اليد وتديها الغيار التانى
عشان لو لقدر الله فرامل اليد سابت ولا رخت مره واحده تبقى انت فى السليم
انما غير كده مش تعشق العربيه على اي غيار
هى فرامل اليد بس وتعدل عجل العربيه للأمام مباشرتآ وتسوجر الدريكسيون
وديمآ لازم يبقى عجلك معدول للأمام ولا سم شمال ولا سم يمين
عشان ده بيأثر على الزوايا

+111111111111111111111111111 بالاضافة انو بردو بيأثر على الكبالن انك تسيب الكاوتش معوج (بيحمل عليها)

[M.Osman]

و بلاش تسيب التعشيقه و يفضل انك تسيبها من غير فرامل يد كمان لو ينفع
عشان لو حد خبط فيك العربيه تروح معاه متفضلش واقفه و الخبطه تتضاعف

بس كدا ممكن لو حد خبط العربية و هي راكنة العربية تريح على عربيات تانية او تتحرك من مكانها !!

[ch_mahm2024]

انا عن نفسى دايما بحاول اركن العربية فى مكان مستو تماما يعنى من غير اى حاجه بتكون ثابتة بالاضافة انى بشد فرامل اليد بس وبظبط الكوتشات للامام تماما ومش بسوجر الدريكسيون

[dedoes6]

بس كدا ممكن لو حد خبط العربية و هي راكنة العربية تريح على عربيات تانية او تتحرك من مكانها !!

ممكن
بس اللى حصلى كذا مره ان بيبقى فيه ست طالعه من الركنه او بتركن
لو خبطت فى العربيه و انا شادد فرامل اليد بتعمل صوت خبطه و ممكن الاكصدام يتخرشم
لو سايبها
الخبطه بتبقى اقل
ده طبعا مش على مطلع او منزل او اى حاجه
كل واحد ادرى باللى يعمله
:d

[zkralla]

بس كدا ممكن لو حد خبط العربية و هي راكنة العربية تريح على عربيات تانية او تتحرك من مكانها !!

هو مينفعش نسيب العريبه مموره ومن غير فرامل يد والعربيه على ارض مش مستويه
فلو كانت على ارض مستويه والعجل معدول على الامام ....فى الحاله ديه لوالعربيه اتخبطت خبطه جامده من ورا وريحت على الى قدامها من قوه الخبطه فده اعتقد هيكون احسن من لو العربيه خدت الصدمه كلها وهى واقفه ورد الفعل بتاع التصادم كله جه فى الاكصدام

[M.Osman]

هو مينفعش نسيب العريبه مموره ومن غير فرامل يد والعربيه على ارض مش مستويه
فلو كانت على ارض مستويه والعجل معدول على الامام ....فى الحاله ديه لوالعربيه اتخبطت خبطه جامده من ورا وريحت على الى قدامها من قوه الخبطه فده اعتقد هيكون احسن من لو العربيه خدت الصدمه كلها وهى واقفه ورد الفعل بتاع التصادم كله جه فى الاكصدام

طب لو مفيش عربية واقفة قدامها و العربية اتحركت و دخلت نهر الطريق ؟