بدأت اقلق برجاء التوضيح

[tito85]

مشيت بالعربية اللوجان 4000 كم واليكم الملاحظات ::

صوت الموتور عالى جدا جدا جدا بعد 3 ار بى ام

العربية مش متزنة خالص بعد 120

لمبة الابواب بترعش لدرجة ان النور بتاع الصالون ممكن ينور كانى فتحت الباب لو مشيت على عين قطة او مشيت فى شارع زى شارع احمد العرابى والحتت البسيطة اللى مش مظبوطة فيه

الازاز بيزيق برضه فى المطبات او فى الطرق الغير ممهدة حتى لو ماشى على 20 كم

صوت الصفارة او الونة اللى بسمعه من يوم ما جبت العربية لو عديت سرعة 90 كم لسه موجود

صوت تخبيط لو طالع على سرعه منخفضه جوه الصالون بالاضافة لتزييق فى الكراسى

هل ده طبيعى ولا انا لازم اقلق !!!!!!!!!!!!!!!!!

[dedoes6]

نص الحاجات ديه يبقى انت محتاج تظبيط ضغط العجل لان واضح انه مش قايم بالمطلوب
المفروض انك متعديش ار بى ام 3.5 و يعنى تنقل فى حدود ال 3
بعد 120 لو الطريق كويس و مفيش هوا فى وشك المفروض انها تفضل متزنه بس لو فيه عواصف و طالع مطلع ملقف هوا و الكاوتش مش مظبوط يبقى مستحيل تتزن لو دبابه
لمبه الابواب لما تروح صيانه ال 5000 طالبهم بانهم يظبطوها و ان شاء الله تتظبط مع تظبييط العفشه
الازاز برضه مقدرش افيدك لانها محصلتش معايا وممكن فى صيانه ال 5000 تقولهم برضه يمكن فيه تظبيطه
ونه بعد التسعين مشفتهاش الصراحه
لو طالع على سرعه منخفضه صوت تخبيط جوه الصالون ؟؟
مش فاهم ديه الصراحه
المهم انك فى صيانه ال 5000 تقول كل ملاحظاتك ديه ان شاء الله تلاقى الحل

[hragheb007]

متابع باهتمام و إن شاء الله تتظبط في صيانة ال 5000

[best2010]

[QUOTE=dedoes6;3873179136]نص الحاجات ديه يبقى انت محتاج تظبيط ضغط العجل لان واضح انه مش قايم بالمطلوب
+ 1

[zkralla]

طبعا محتاج تظبيط
ممكن عجل او زوايا عشان الثبات
موضوع اللمبه الى بترعش أن شاء الله هتتظبط فى التوكيل وهى طبعا سلك مش متثبت حلو
الصوت العالى بعد ال 4000 لفه هيهدا الى حد كبير خاصتا بعد ما تغير زيت فى صيانه ال 10000 ولكن هيظل اعلى من صوت الفيرنا واللانوس عشان عزل الصوت بتاع الماتور مش كويس بس عزل العربيه نفسه ممتاز يعنى مش هتسمع صوت جوه العربيه
بالنسبه لصوت التخبيط الى بيتسمع وانت طالع بالراحه ايه الى بيخطب بالظبط

[tito85]

طبعا محتاج تظبيط
ممكن عجل او زوايا عشان الثبات
موضوع اللمبه الى بترعش أن شاء الله هتتظبط فى التوكيل وهى طبعا سلك مش متثبت حلو
الصوت العالى بعد ال 4000 لفه هيهدا الى حد كبير خاصتا بعد ما تغير زيت فى صيانه ال 10000 ولكن هيظل اعلى من صوت الفيرنا واللانوس عشان عزل الصوت بتاع الماتور مش كويس بس عزل العربيه نفسه ممتاز يعنى مش هتسمع صوت جوه العربيه
بالنسبه لصوت التخبيط الى بيتسمع وانت طالع بالراحه ايه الى بيخطب بالظبط

صوت العربية عالى حتى مع قفل الزجاج

صوت التخبيط جوه الصالون بس لسه مش عارف فين بالظبط

[ch_mahm2024]

متابع

[gebreel]

ظبط ضغط العجل انا كنت ماشي 160 و انا راجع من اسكندرية و مكنتش حاسس غير لما بصيت في العداد

صوت الموتور هيهدى بعد ال10000

و الباقي امره سهل يتظبط في صيانة ال5000

استمتع بالعربية و نتقلقش

[ahamed7405]

ظبط ضغط العجل انا كنت ماشي 160 و انا راجع من اسكندرية و مكنتش حاسس غير لما بصيت في العداد

فعلا انا كنت ماشى على نفس السرعة يوم الجمعة الصبح على الدائرى و الله العربية كانت ثابتة جدا

صوت الموتور هيهدى بعد ال10000

ان شاء الله رايح يوم 6/1/2011 و هشوف

و الباقي امره سهل يتظبط في صيانة ال5000

فعلا كل دة ان شاء الله هيظبطهولك فى صيانة 5000 مجانا

استمتع بالعربية و نتقلقش

ربنا يباركلك فيها صدقنا العربية دة 100/100 و فعلا عربية تستاهل المبلغ الى ادفع فيها

[tamer61]

كل الملاحظات دي حتتظبط بإذن الله في صيانة ال 5000 ما تقلقش .... بس المهم إكتب كل ملاحظاتك في ورقه و لما تروح بلغهم بيهم كلهم و كله حيبقى تمام و في الغالب تربيط العفشه حيحل معظم المشاكل دي ما تقلقش و موضوع لمبة الأبواب دي بسيطه جدا جدا.

[tito85]

والله يا شباب انا مصدقكو ومقتنع بالعربية مليون فى المية بس اللى قلقنى ان الملاحظات دى عندى لوحدى !!

[dedoes6]

والله يا شباب انا مصدقكو ومقتنع بالعربية مليون فى المية بس اللى قلقنى ان الملاحظات دى عندى لوحدى !!

مش لازم تكون انت لوحدك اللى عندك الحاجات ديه
انت بس يمكن اللى لاحظتها
مثلا
موضوع صوت الموتور المفروض انك متعليش عن ال 3
لو عليت طبيعى صوتها يعلى لانها اصلا صوتها عالى بالنسبه لعربيات تانيه
مش متزنه بعد 120 زى مبقولك ضبط عجل لكن لو عايز تاخد غرز مثلا على 120 يبقى محتاج بى ام او مرسيدس مش لوجان او اى عربيه فى الفئه ديه
لمبه الابواب المشكله ديه كانت موجوده عند حد فى المنتدى و اعتقد انه حلها فى الصيانه 5000
الازاز بيزيق حضرتك اول واحد يقولها
الصفاره او الونه اعتقد ان فيه عضو كان عنده نفس الموضوع و كان فاكره جاى من الباب اليمين لضعف فى التقفيل لكنه اكتشف انه جاى من الكبوت اللى ادام وضبطه فى التوكيل
تخبيط لو حضرتك تقصد تخبيط من الموتور يبقى مفروض تعلى ار بى ام اما لو بتخبط و الار ى ام فى حدود 7-10 يبقى عندك مشكله فى الزيت او البنزين مش كويس او الموتور فيه مشكله
تزييق كراسى مشفتهاش الصراحه بس برضو قولهم فى ال5000
و بعد كل ده احب اقولك ان الموضوع نسبى

[amrelzawawy]

بمناسبه لمبه الصالون انها بتنور فى المطبات حصلت معايه مره واكتشفت ان السبب هو ان الشنطه مش مقفوله كويس لان لمبه الصالون مرتبطه بفتح وقفل الشنطه ممكن يكون السبب لو مكنشى بسيطه تتظبط بالنسبه للصفاره راجع قفل الزجاج بتاع العربيه كويس وراجع كل الكاوتشات اللى فى الابواب اوقات جزء بسيط مقطوع كعيب فى التسليم من معرض لو فيه قطع صغير بيعمل الصفاره على السرعات العاليه

[samehrty]

بص خد بالك انك لما بتستلم العربية بيبقى ضغط العجل فيها
40 يعني لازم اول ما تستلمها تروح لبتاع العجل يظبطه

[Super_Star_h]

صوت الماتور هيهدى بعدين
لمبة الابواب دى تلاقى الزراير اللى فى كل باب فى واحد منهم مهزوز ومش متثبت كويس عشان كده الباب مبيقفلش عليه صح
فمع المطبات والكلام ده بيتهز
والاصوات الغريبه دى عايزه تربيط عفشه + اضبط العجل وياريت لو تنفخ الاربع فرد نيتروجين
اعمل ترصيص بالمره واكشف ع الزوايا