تكيف اللوجان بيركب فى التوكيل بكام ؟؟؟؟

[sakr84]

يا جماعه لو سمحتم انا ناوى ان شاء الله اجيب لوجان فاضيه خالص ومن غير ما حد يقولى زود شويه وجيب الهاف اوبشن دى اخر اخر اخر امكانياتى (قسط كمان مش كاش) وربنا يرزقنى ويرزقكم المهم عايز اعرف التكيف لما يكون فى فلوس واحب اركبه هيتكلف كام وهل هيكون ليه اى اثر على العربيه غير لما يكون جاى فيها اصلا ؟؟؟؟ وكمان كل الناس اللى فى المنتدى اتكلموا عن الهاف والفول اوبشن ومحدش اتكلم عن البيزك (الفاضيه) فى اى حد ليه اى تعليق عليها لو معاه ؟؟؟ وشكرا لكل اللى هيساعدنى

[elshaky]

دى تعتبر صفيحه بتمشى على اربع عجلات ولا باور سترينج ولا اى حاجه خالص

فاضيه خالص

وعلى العموم هسأل فى التوكيل وارد عليك

وربنا يكرمك وتجيب الهاف ( ده دعاء مش نصيحه )

[sakr84]

دى تعتبر صفيحه بتمشى على اربع عجلات ولا باور سترينج ولا اى حاجه خالص

فاضيه خالص

وعلى العموم هسأل فى التوكيل وارد عليك

وربنا يكرمك وتجيب الهاف ( ده دعاء مش نصيحه )

الف شكر ياباشا وشكرا على الدعاء بس انا عندى الصفيحه دى احسن من حاجات كتير فى اوبشنز بس مش زيها يعنى انا افضل اللوجان عن السوزوكى سيلاريو (مكيفه وبور) أو البيكانتو ودى سعرها هيكون اغلى من اللوجان الفاضيه وبرده مش زيها وكمان الحاجات الصينى رغم الاوبشنز اللى فيها بس اللوجان برده افضل ولا انت ليك رأى تانى ؟؟؟ ياريت تفيدونى كلامى صح ولا فيه حاجه غلط ؟؟؟؟

[hragheb007]

انا عندى الصفيحه دى احسن من حاجات كتير فى اوبشنز بس مش زيها يعنى انا افضل اللوجان عن السوزوكى سيلاريو (مكيفه وبور) أو البيكانتو ودى سعرها هيكون اغلى من اللوجان الفاضيه وبرده مش زيها وكمان الحاجات الصينى رغم الاوبشنز اللى فيها بس اللوجان برده افضل ولا انت ليك رأى تانى ؟؟؟ ياريت تفيدونى كلامى صح ولا فيه حاجه غلط ؟؟؟؟

بص يا أستاذ تامر

العربية لما تقارنها بالعربيات اللي زيها في جزء مهم في المقارنه اللي هو أنت محتاج أيه من العربية ؟
واسعه ، عاليه عن الأرض ، سيدان أو هاتشباك ، و زوق حضرتك في الشكل ، ده طبعاً ما يغنيش عن الأجزاء التانية في المقارنة زي صناعة العربية و الماتور و العفشة و حاجات تانية كتير

و أنا شايف زوق حضرتك تمام وأنا لو مكانك برضه هجيب اللوجان فاضية
اللوجان مناسبة تماماً ليك و أختيار موفق إن شاء الله و ربنا يكرم و تركبلها تكييف و كل اللي نفسك فيه في القريب العاجل

مبروك مقدماً و ربنا يديك خيرها و يبعهدك عن شرها

[sakr84]

بص يا أستاذ تامر

العربية لما تقارنها بالعربيات اللي زيها في جزء مهم في المقارنه اللي هو أنت محتاج أيه من العربية ؟
واسعه ، عاليه عن الأرض ، سيدان أو هاتشباك ، و زوق حضرتك في الشكل ، ده طبعاً ما يغنيش عن الأجزاء التانية في المقارنة زي صناعة العربية و الماتور و العفشة و حاجات تانية كتير

و أنا شايف زوق حضرتك تمام وأنا لو مكانك برضه هجيب اللوجان فاضية
اللوجان مناسبة تماماً ليك و أختيار موفق إن شاء الله و ربنا يكرم و تركبلها تكييف و كل اللي نفسك فيه في القريب العاجل

مبروك مقدماً و ربنا يديك خيرها و يبعهدك عن شرها

والله نفس التفكير بتاعى عربيه واسعه شكلها حلو عاليه عن الارض عفشه كويسه واتزان كويس مش عايز حاجه تانيه غير تكيف ويركب فى المستقبل علشان كده سئلت سؤالى
بس والله كويس انك شجعتنى اصلى احبطت من كلمة صفيحه

[hragheb007]

لا يا باشا و لاتضايق نفسك من كلمة صفيحة ديه أكيد العضو اللى كتب كده ما يقصدش هو بس كان يقصد يحفزك عشان تجيب الهاف لكن ديه إمكانياتك دلوقتى و أيه المشكلة واحده واحده كله بيجي

إن شاء الله الوحوش يفيدوك فى أستفسارك

[tamer61]

ربنا يرزقك بإذن الله وتجيب أحلى عربيه في الدنيا كلها و عموما أنا بحترم جدا إللي بيتحرك في حدود إمكانياته و واحده واحده كله بيتظبط و عموما دي مش حتبقى آخر عربيه ليك ممكن تبدأ بيها و بعد فتره تروشها و تبقى تمام و ربنا يباركلك فيها.

بالنسبه لموضوع التكييف أعتقد إن التوكيل حيبقى غالي موت في الموضوع ده فالأفضل تركبه بره عند حد نضيف و عموما ساعتها أكيد حندور معاك و حنلاقياك إللي إنت عايزه ما تقلقش خالص. وربنا يوفقك للخير بإذن الله.

[sakr84]

ربنا يرزقك بإذن الله وتجيب أحلى عربيه في الدنيا كلها و عموما أنا بحترم جدا إللي بيتحرك في حدود إمكانياته و واحده واحده كله بيتظبط و عموما دي مش حتبقى آخر عربيه ليك ممكن تبدأ بيها و بعد فتره تروشها و تبقى تمام و ربنا يباركلك فيها.

بالنسبه لموضوع التكييف أعتقد إن التوكيل حيبقى غالي موت في الموضوع ده فالأفضل تركبه بره عند حد نضيف و عموما ساعتها أكيد حندور معاك و حنلاقياك إللي إنت عايزه ما تقلقش خالص. وربنا يوفقك للخير بإذن الله.

متشكر ياباشا على كلامك الجميل ده

[mrmohamedragab]

انا معايا لوجان فاضية و زى الفل التكييف فرق معايا بس فى اليومين الحر بتاع الصيف و سالت على التكييف فى التوكيل لقيته داخل فى 12000 و سالت على انواع تانيه لقيت فى ساندن يابانى فى التوكيل بيركب بحوالى 4000 جنية ناوى اركبه على بدايه الصيف الجاى انشاء الله و هركب غاز كمان و هتباه زى الفل عربيه عمليه و واسعه و مريحه و ربنا يباركلى فيها و عقبالك

[sakr84]

انا معايا لوجان فاضية و زى الفل التكييف فرق معايا بس فى اليومين الحر بتاع الصيف و سالت على التكييف فى التوكيل لقيته داخل فى 12000 و سالت على انواع تانيه لقيت فى ساندن يابانى فى التوكيل بيركب بحوالى 4000 جنية ناوى اركبه على بدايه الصيف الجاى ان شاء الله و هركب غاز كمان و هتباه زى الفل عربيه عمليه و واسعه و مريحه و ربنا يباركلى فيها و عقبالك

ريحت قلبى ربنا يريح قلبك ده انا اتقرت لما قريت كلمة صفيحه بس الحمد لله انت و الناس طمنتونى
وبجد انت كده جبت الخلاصه بس عايز اعرف فى فرق بين التكيف ابو 4000 وابو 12000 غير الصناعه يعنى تأثير على الموتور أو كفأة الشغل ؟

[ahmedbakr50]

ربنا يرزقك إن شاء الله وتجيب إلى إنت عاوزه
بس إذا حسبت تمنها بعد تمن التكييف هتبقى حوالى 61 الف يعنى فرق 3 آلاف
أنا فى رأيى تزنق نفسك وتجيب على الأقل الهاف هتلاقى فيها إختلافات تغطى الفرق وزيادة

[sakr84]

ربنا يرزقك إن شاء الله وتجيب إلى إنت عاوزه
بس إذا حسبت تمنها بعد تمن التكييف هتبقى حوالى 61 الف يعنى فرق 3 آلاف
أنا فى رأيى تزنق نفسك وتجيب على الأقل الهاف هتلاقى فيها إختلافات تغطى الفرق وزيادة

والله فكرت فى كلامك بس انا مش هركب التكيف ولا الصيف ده ولا اللى بعده حتى يعنى لسه قدامى كتير اوى اوى وبجد مينفعش خالص خالص علشان انا لسه عندى التزمات كتير جدا لو زنقت على نفسى اكتر من كده مش هعرف اوفيها وكنت فكرت اصلا فى الماروتى او الالتو ادفع مقدم واقسط حاجه بسيطه بس الكل قالولى لو جبت ماروتى او التو جديده هتخسر فيها جامد جدا ونصحونى اجيبها مستعمل بس انا فكرت لقيت نفسى هوجع دماغى فى ميكانيكيا لو العربيه مطلعتش كويسه المهم وبعد تفحيص وتمحيص قلت هقسط على 7 سنين تبع بنك ناصر بفايده 6% والمقدم 25 الف والقسط الشهرى هيكون بسيط لأنى مينفعش ازود اى حاجه من الحاجات اللى قلتها يعنى انا زانق على نفسى على الاخر وهى دى حكايتى مع الزمان الزمان على رأى ورده

[dedoes6]

والله فكرت فى كلامك بس انا مش هركب التكيف ولا الصيف ده ولا اللى بعده حتى يعنى لسه قدامى كتير اوى اوى وبجد مينفعش خالص خالص علشان انا لسه عندى التزمات كتير جدا لو زنقت على نفسى اكتر من كده مش هعرف اوفيها وكنت فكرت اصلا فى الماروتى او الالتو ادفع مقدم واقسط حاجه بسيطه بس الكل قالولى لو جبت ماروتى او التو جديده هتخسر فيها جامد جدا ونصحونى اجيبها مستعمل بس انا فكرت لقيت نفسى هوجع دماغى فى ميكانيكيا لو العربيه مطلعتش كويسه المهم وبعد تفحيص وتمحيص قلت هقسط على 7 سنين تبع بنك ناصر بفايده 6% والمقدم 25 الف والقسط الشهرى هيكون بسيط لأنى مينفعش ازود اى حاجه من الحاجات اللى قلتها يعنى انا زانق على نفسى على الاخر وهى دى حكايتى مع الزمان الزمان على رأى ورده

عندك اللادا و الماروتى و الالتو و الاسبيرانزا الصغيره و كل دول خيارات احسن من اللوجان الفاضيه
ليه ؟؟
عشان سمعتها مش كويسه زيها زى اى عربيه فاضيه و عشان كده سعر اعاده بيعها مش ولا بد
و قطع غيارها هتقرصك جاااااااااااااامد لو حصل لا قدر الله حاجه
استخير ربنا و شوف اللى فيه الخير
كل العربيات اللى انا ذكرتها سعرها بتكييف و سنتر و كاسيت فى الخمسينات
و صدقنى و الله هيريحوك ميت مره اكتر من اللوجان الفاضيه
اللوجان حالياً مش منتشره فى السوق عشان تثق فى اعاده بيعها
هى اه عربيه 10\10 لكن مش اى عربيه ممتازه تشتريها
لان احسن عربيه اسمها بى ام دبليو بتخسر ربع تمنها فى اعاده البيع بعد سنه
و قطع غيارها نار
شوف العربيه اللى تناسب حالتك و بلدك و مقصدش بالكلام ده عربيه رخيصه لكن اقصد اللى سعر اعاده بيعها معروف و قطع غيارها حنينه عشان متدبسش نفسك فى حاجه تزعل عليها بعد كده
اسف على الاطاله

[ayman1204]

على فكرة انا كنت هجيب زيك كدة الـ Basic
والله وفعلا كانت بالعافية لكن الحمدلله ربنا يسرها وسهل الامر وقدرت اجيب الفول اوبشنز

وان شاء الله ربنا يسهل ليك الامور ويجعل ليك الصعب سهل ان شاء الله

اسوء الاحتمالات فعلا هاتها فاضية وركب التكيف بعدين

النهاردة ركبت الفيرنا فعلا كنت هزعل اوى لو كنت ركبت الفيرنا
سحبها سريع اه
لكن العربية واطية وناشفة وقاعدتها مش مريحة ( كنت حاسس ان فى حاجة مش مزبوطة )
اتوكل على الله وهات اللوجان

[ashouhdy]

أرجوك اوعى تجيب عريبية فاضية .... كل ماتركبها حتحس ان فى حاجة ناقصة... انا عربيتى فيرنا هاف اوبشن و بحس ان الفيرنا الكاملة عربية تانية

وخلى بالك ان التكييف والباور والسنتر والحاجات دى تعتبر دلوقتى اساسياااااات مش كماليات ... صدقنى